1 तीमुथियुस 5:14 - गढवली नयो नियम

¹⁴ इलै मि इन चांदु कि जवान विधवा ब्यो कैरो अर बच्चों तैं जन्म दयूंनु अर घरबार संभलुन अर कै शैतान तैं बुरै कनु को मौका नि दयूंनु।

Garhwali

¹⁴ इलै मेरी इच्छा च, कि जु विधवा ज्वान छिन, वु ब्यौ कैरा अर बच्‍चों तैं जनम देके अपणु-अपणु घौर-बार समाळा। ताकि विरोध करण वळा मनखियों तैं इन्द्रयो कुई सवाल नि मिली सैको।

1 तीमुथियुस 5:14 ပူးပေါင်းရင်းမြစ်များ

रोमियों 14:13

इलै अगनैं कु हम एक हैंका पर भंगार नि लगयां पर तुम यु ही ठांणी ल्यावा की कुई भि अपड़ा भैय का संमणी पाप कन या ठोकर खांणु कु कारण नि रख्यां।

2 कुरिन्थि 11:12

पर जु मि करदु, उन ही करदी रौलु; कि मि ऊं झूठा प्रेरितों तैं हमारा बराबर समझै जांणो कु मौका मिलण से रुकु; उ सच मा यु मौका चयदींनि कि साबित कैर साका कि उ यु दावा कन मा सै छिनी कि उ हमारा बराबर छिनी।

1 तीमुथियुस 2:8

मि इन चांणु छौं कि हरेक जगह मा जु आदिम पवित्र जीवन जींणु च, जब भि तुम पिता परमेश्वर की आराधना कनु कु मिलद्यां, बगैर गुस्सा अर झगड़ा का अपड़ा हथ उठै कै प्रार्थना किया कैरा।

1 तीमुथियुस 4:3

यु लोग सिखौंदींनि, कि ब्यो कन गलत च, अर खांण वलि कुछ चिज्युं बट्टी भि दूर रौंणे कि आज्ञा द्याला; जौं चिज्युं तैं परमेश्वर इलै बणै कि जु लोग विश्वास करदींनि अर जु सच तैं पछयंणदींनि उ धन्यवाद का दगड़ी खौनु।

1 तीमुथियुस 5:11

पर जवान विधवाओं को नौं सूची मा नि लिखीं, किलैकि जब उ शारीरिक इच्छाओं का जाल मा फंसि के मसीह बट्टी दूर हवे जंदींनि अर ब्यो कन चयदींनि

1 तीमुथियुस 6:1

जथग विश्वासी जु गुलाम छिन, उ अपड़ा-अपड़ा स्वामि कु बड़ो आदर कैरा, कि दुसरा लोग पिता परमेश्वर कु अर हमारी शिक्षाओं की बुरै नि कैरा।

तीतुस 2:5

अर संयमी, अर अपड़ा आदिम का प्रति ईमानदार हों, अर अपड़ा घौर की देखभाल कन वली, भलि अर अपड़ा-अपड़ा स्वामि का वश मा रौंण वली हूंनु कि परमेश्वर का वचन कि बुरै नि हो।

तीतुस 2:8

तेरी शिक्षा हमेशा सचै अर विरोध बट्टी मथि हूंण चयणी च कि उ जु तेरु अर यीशु मसीह कु तेरु कामों का विरोध करदींनि, शर्मिंदा हूंनु किलैकि उ हमारा बार मा कुछ भि बुरो नि बोलि सकला।

इब्रानी 13:4

ब्यो सभियूं मा आदर की बात समझी जौं, अर हमेशा आदिम अर वेकी जनन एक दुसरा का प्रति ईमानदार बणयां रावा; किलैकि पिता परमेश्वर व्यभिचारियों, अर परस्त्रीगामियों कु न्याय करलो।