1 तीमुथियुस 2:6 - गढवली नयो नियम

⁶ मसीह ल पाप अर मौत की शक्ति बट्टी सभि लुखुं तैं छुटकारा कनु कु अपड़ा आप तैं बलिदान कैरी दींनि; वेकी मौत बट्टी, पिता परमेश्वर ल ठिक बगत पर साबित कैरी उ चांदो कि सभि लोग बचै जां।

Garhwali

⁶ अर वेन हरेक मनखि तैं वेका पापों बटि छुटकारा देण खुणि, अफ तैं एक दाम का रुप मा दे दिनी। अर इन कैरिके वेन ठिक बगत पर इन गवै देई, कि वेकी मनसा इन च कि हरेक मनखि तैं बचयै जौ।

1 तीमुथियुस 2:6 ပူးပေါင်းရင်းမြစ်များ

मत्ती 20:28

जन कि मि मनिख कु नौंनो दूसरों की सेवा टहल कनु कु अयुं छो, मि इलै नि अयुं कि दुसरा मेरी सेवा-टहल कैरा भौत लुखुं तैं ऊंका पापों से ऊं तैं छुटकारा दींणु अर अपड़ा प्राण ऊं कु कीमत जन दींण कु अयुं छौं।

मरकुस 1:15

अर बोलि, “बगत पूरो हवे गै, अर परमेश्वर को राज्य नजदीक ऐ गै मन फिरावा अर शुभ सन्देश पर विश्वास कैरा।”

मरकुस 10:45

मि इन इलै बुल्द किलैकि मि मनिख कु नौंनो इलै नि अयुं कि दुसरा मेरी सेवा-टहल कैरा पर इलै अयुं की दूसरों की सेवा टहल कैरू, मि अपड़ी मौत की कीमत द्ये के भौत लुखुं तैं ऊंका पापों बट्टी ऊं तैं छुटकारा दींणु कु अयुं छौं।

यूहन्ना 10:15

अच्छो चरवाहा मि छों पिता परमेश्वर मि तैं जंणदु च अर उन ही मि बुबा तैं जंणदु छौं अर मि ढिबरों कु अर मि ऊं कु मुरण कु तैयार छों।

यूहन्ना 6:51

जीवन कि रुट्टि ज्वा स्वर्ग बट्टी उतरी मि छौं। जु कुई ईं रुट्टि मा बट्टी खौ त हमेशा ज्यूँदो रालो अर ज्वा रुट्टि मि दुनिया का जीवन कु दयुलु उ मेरी देह च।

रोमियों 16:26

पर अब प्रगट हवे कै सनातन पिता परमेश्वर की आज्ञा बट्टी अर परमेश्वर की तरपां बट्टी बुल्ण वला की किताबों का द्वारा सभि अन्य-जातियों तैं प्रचार किये गै, कि उ विश्वास बट्टी परमेश्वर का वचन तैं मनणवला हवे जौं।

रोमियों 5:6

किलैकि जब हम कमजोर ही छा त मसीह ठिक बगत मा पापियों कु मोरि।

1 कुरिन्थि 1:6

इन ही कै पिता परमेश्वर ल तुम तैं यु साबित कैरी की मसीह कु शुभ संदेश सचो च।

2 कुरिन्थि 5:21

मसीह पाप बट्टी अनजान छो, वे तैं ही पिता परमेश्वर ल हम कु पापी ठैरे, कि हम पिता परमेश्वर की नजर मा धर्मी बंणि जां किलैकि मसीह ल हमारा पापों कु दण्ड अपड़ा मथि लै।

गलातियों 1:4

हमारा परमेश्वर अर पिता की मनसा का अनुसार मसीह यीशु ल अपड़ा आप तैं हमारा पापों का कारण बलिदान कैरी दींनि, कि उ हम तैं ऊं बुरी शक्तियों बट्टी छुड़ो जु आज दुनिया मा काम कनी छिनी।

गलातियों 4:4

पर जब उ बगत आलो ज्यां कि योजना पिता परमेश्वर ल बंणै छै, त पिता परमेश्वर ल खुद अपड़ा नौंना तैं ईं दुनिया मा भेजि, अर जनन ल वे तैं पैदा कैरी, अर उ एक यहूदी का रूप मा पैदा हवे अर व्यवस्था का अनुसरण करदी रै।

इफिसुस 1:17

मि प्रार्थना करदु छों, कि पिता परमेश्वर हमारा प्रभु यीशु मसीह कु महिमामय बुबा, तुम तैं आत्मा द्या जु तैं बुद्धिमान बंणै दयालो अर परमेश्वर तुम पर प्रकट करलो कि तुम वे तैं अच्छो के जांणि सका।

इफिसुस 1:7

मसीह कु ल्वे बुगांण का कारण हमारा पाप माफ कैरे अर छुड़ै गैनी, पिता परमेश्वर की दया कथग महान च जु वेल हम तैं बहुतायत बट्टी दियुं च,

इफिसुस 3:5

जु पिछली बात छै, परमेश्वर ल लुखुं तैं यु भेद प्रगट नि कैरी छों, जन अब आत्मा का द्वारा पवित्र अब वेका अपड़ा पवित्र प्रेरितों तैं अर परमेश्वर का तरपां बट्टी बुल्ण वलो तैं शुभ संदेश कु खुलासा करयुं च।

इफिसुस 5:2

मसीह का उदाहरण का अनुसरण करद ही, दुसरा का प्रति प्रेम बट्टी भुर्युं जीवन बितावा, जैल तुम बट्टी प्रेम कैरी अर तुमारा पापों तैं उठाणै कु अफ तैं बलिदान कैरी, अर परमेश्वर खुश इलै छों, किलैकि उ बलिदान वेकु खुशबुदार इत्र का जन छों।

2 थिस्सलुनीकी 1:10

या बात तब होलि, जब प्रभु यीशु अपड़ा पवित्र लुखुं मा जु वे पर विश्वास करदींनि महिमा पांणु कु वापिस आलो जु प्रभु बट्टी जुड़यां छिनी; किलैकि तुम ल प्रभु पर विश्वास कैरी छो जैका बारा मा हम ल तुम तैं गव्है द्ये छै।

1 तीमुथियुस 6:15

पिता परमेश्वर, जु एकमात्र राजा च, जु तारीफ का काबिल च, राजाओं कु राजा अर प्रभुओं कु प्रभु च, उ ही मसीह तैं ठिक बगत पर प्रगट करलो,

2 तीमुथियुस 1:8

इलै तु हमारा प्रभु की गव्है दींण मा शर्मिन्दा नि हो, अर इलै भि शर्मिंदा नि हो कि मि वेकी सेवा कना का कारण कैद मा छो। बल्कि त्वे तैं वीं सामर्थ को इस्तेमाल कन चयणु च जु पिता परमेश्वर त्वे तैं दींद अर शुभ सन्देश कु मेरा दुखों मा मेरू दगड़ी दे।

तीतुस 1:3

पर ठिक बगत पर, पिता परमेश्वर ल यु शुभ संदेश तैं हमारा संमणी प्रगट कैरी, अर हम यांको प्रचार सभियूं का संमणी करदां। पिता परमेश्वर अर हमारा उद्धारकर्ता यीशु मसीह ल या आज्ञा जिम्मेदारी का दगड़ी मि तैं द्ये, कि वेको यु काम कैरो।

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

इब्रानी 9:12

अर मसीह ल परम पवित्र जगह मा भस एक बार अर हमेशा कु प्रवेश कैरी; उ अफ दगड़ी बखरों अर बछड़ों कु ल्वे ले के नि गै; वेको बलिदान वेका अपड़ा ल्वे कु छो, अर यांका द्वारा वेल हम तैं पापों बट्टी हमेशा कु छुड़ै।

1 पतरस 2:24

जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां

1 पतरस 3:18

मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।

1 यूहन्ना 4:10

सचै यां मा नि च, कि हम ल पिता परमेश्वर बट्टी प्रेम कैरी, पर यांमा च कि पिता परमेश्वर ल हम बट्टी प्रेम कैरी, अर हमारा पापों का प्रायश्चित बलिदान का कारण अपड़ा नौंना तैं भेजि।

दिब्य दरस 1:5

अर यीशु मसीह का तरपां बट्टी जैका वचनों पर विश्वास किये जै सकद उ ही च जु मुर्दों मा बट्टी ज्यूँदो हूंण वलो मा पैलो अर उ ईं दुनिया का सभि राजाओं कु शासक च। अर यीशु मसीह हम बट्टी प्रेम करद। उ हम कु ल्वे बुगै के मोरि अर वेल हमारा पापों की सजा तैं खत्म कैरेले। इलै हम याजकों को एक परिवार बंणि ग्यां, जु पिता परमेश्वर की सेवा करद। इलै यीशु मसीह तैं महिमा अर शक्ति हमेशा मिलदी रौ आमीन।

दिब्य दरस 5:9

अर उ यु एक नया गीत गांण लगि गै, तू ईं किताब (चाम्रपत्र) की मुहरों तैं तुडण अर यु तैं खुलणां का योग्य छै; ऊंल त्वे तैं बलिदान कैरी अर अपड़ी मौत का ल्वे ल तू हर गोत्र, भाषा, लोग अर जाति, राष्ट्र ल पिता परमेश्वर कु लुखुं तैं खरीद के छुड़ै दीलि।