1 तीमुथियुस 1:4 - गढवली नयो नियम

⁴ अर ऊं झूठी कथों पर अर सदनी कि वंशावली पर मन लगै के बगत खराब नि कैरा, ज्यां ल झगड़ा हूंदींनि; यु झगड़ा पिता परमेश्वर की योजना मा रुकावट बणद जु भस ऊं लुखुं द्वारा किये जा सकद जु वे पर विश्वास करदींनि।

Garhwali

⁴ अर जु मनगणत कथा छिन, अर पितरों का नौ की लिस्ट जु कभि खतम नि होन्दी, यों पर वु मन नि लगा। किलैकि यों पर ध्यान देके बस घपरोळ ही होन्दु, अर यू लोग परमेस्वर की इच्छा पूरि नि करदिन जु की बिस्वास कैरिके होन्दु।

1 तीमुथियुस 1:4 ပူးပေါင်းရင်းမြစ်များ

2 कुरिन्थि 1:12

किलैकि हम तैं गर्व च कि हमारो विवेक साफ च, कि दुनिया मा अर खास कैरी के तुम्हरा बीच हमारो चरित्र जु पिता परमेश्वर की तरपां बट्टी आंद इन पवित्रता अर सचै का दगड़ी च, हम ऊं विचारों का अनुसार नि ज्यूंदयां, जु ऊं लुखुं का द्वारा ज्ञानवान समझे जांद पर पिता परमेश्वर की कृपा का द्वारा छो।

इफिसुस 3:2

निश्चित रूप ल तुम ल सुणयूं च, कि परमेश्वर ल अपड़ा अनुग्रह बट्टी तुम तैं शुभ संदेश कु प्रचार कने की जिम्मेदारी मि तैं द्ये, जै तैं तुम ल सूंणि।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

1 तीमुथियुस 4:7

पर बूढ-बुढ्यों कि बंणि-बणई कथाओं मा अपड़ो बगत खराब नि कर, वां बट्टी अलग रौ अर पिता परमेश्वर की भक्ति कैर।

1 तीमुथियुस 6:11

पर हे पिता परमेश्वर का जन तीमुथियुस, तु यूं बातों से दूर रौ, अर धर्म, भक्ति, विश्वास, प्रेम, सब्र अर नम्रता जु ठिक च, भस वे तैं कनु कु हर किस्म की कोशिश कैर।

1 तीमुथियुस 6:20

हे तीमुथियुस, तू बतौ कि जु पिता परमेश्वर ल त्वे तैं द्ये तू उ ही करदी, अर ऊं लुखुं की नि सुनण जु हमेशा बेकार की बात करदींनि, ज्यां बट्टी पिता परमेश्वर तैं आदर नि मिल्द, अर बेकार मा विरोध करदींनि अर बुल्दींनि कि यु ज्ञान च, पर सच मा यु नि च।

2 तीमुथियुस 2:14

यूं बातों तैं, विश्वासियों तैं बार-बार सिखौ, अर प्रभु का संमणी ऊं तैं चितै दे, कि शब्दो पर तर्क-वितर्क नि कना रौनु, जौं बट्टी कुछ फैदा नि हूंद, बल्कि यु ऊं लुखुं का विश्वास तैं नुकसान पहूंचो दींनि जु यु तैं सुणदींनि।

2 तीमुथियुस 2:22

इलै, ऊं पापी इच्छाओं बट्टी बच जु जवान लुखुं तैं आकर्षित करदींनि, अर जु लोग शुद्ध मन से प्रभु को नौं लिंदिनि ऊं दगड़ी धार्मिकता विश्वास प्रेम अर शान्ति अर मेल मिलाप को पीछा कैर।

2 तीमुथियुस 2:23

पर मूर्खता, अर अज्ञान का झगड़ो से बच्युं रौ; किलैकि तु जंणदी छै, कि यां बट्टी झगड़ा पैदा हूंदींनि।

2 तीमुथियुस 4:4

अर सचै तैं सुनण नि चाला पर झूठी अर बनि-बणै मिसाल-कहानियों तैं सुनण चाला।

तीतुस 1:1

या चिट्ठी पौलुस कि तरपां बट्टी च, मि पिता परमेश्वर कु सेवक अर यीशु मसीह कु प्रेरित छो, मि तैं पिता परमेश्वर का चुणयां लुखुं का विश्वास तैं मजबूत कनु कु अर ऊं तैं यीशु मसीह की सच्ची शिक्षाओं तैं जनण मा मदद कनु कु चुणै गै, कि उ इन जीवन जियां जु पिता परमेश्वर तैं खुश करदो।

तीतुस 1:14

अर यहूदियों कि बंणि-बणैई मिसाल-कहानियों अर सचै से भटक्यां लुखुं का आज्ञा पर ध्यान नि लगयां।

तीतुस 3:9

पर मूर्खतापूर्ण झगड़ों, वंशावलियों, मूसा की व्यवस्था का झगड़ों अर बखेड़ों से दूर रौ किलैकि उ फैदामन्द नि छिन बल्कि बेकार छिन।

इब्रानी 13:9

भौत किस्म का अर मथि बट्टी थूपियां उपदेशों बट्टी जु तुम तैं गलत रस्ता पर ली जंदींनि नि भरमै जावा, किलैकि तुम्हरा मनों कु यु ठिक च कि उ कृपा का द्वारा मजबूत बणा, खांण-पीण वली चीजों का नियमों कु पालन कन से कुछ फैदा नि हूंद।

2 पतरस 1:16

जब हम प्रेरितों ल तुम तैं हमारा प्रभु यीशु मसीह की सामर्थ अर वापिस आंणा का बारा मा प्रचार कैरी, त हम तुम तैं चालाकी ल कुछ बंणि बणै मिसाल नि बतांणा छा। बल्कि, हम ल मसीह का प्रताप तैं खुद भि देखि।