1 तीमुथियुस 1:17 - गढवली नयो नियम

¹⁷ अब उ राजा जु हमेशा कु राज्य करद, यानि जु हमेशा कु ज्यूँदो च, जै तैं कुई देखि नि सकद एकमात्र परमेश्वर कु आदर अर महिमा जुग-जुग तक हूंणी रौ। आमीन।

Garhwali

¹⁷ अर हमरु परमेस्वर हमेसा-हमेसा खुणि राजा च। अर वेतैं कभि कैन नि देखि अर ना ही वेन कभि नास होण। वे ही एकमात्र परमेस्वर तैं सदनि आदर-सम्मान मिलु अर वेकी बडै सदनि तक होणी रौ। आमीन।

1 तीमुथियुस 1:17 ပူးပေါင်းရင်းမြစ်များ

मत्ती 25:34

तब राजा अपड़ी दैंणि तरपां वलो बट्टी बुललो, “हे मेरा बुबा का धन्य लुखुं आवा वे राज्य का अधिकारी हवे जा जु दुनिया का पैली बट्टी तुम कु तैयार करयूं च।”

मत्ती 28:20

अर ऊं तैं सभि बात जु मिल तुम तैं आज्ञा दींनि मणन सिखावा अर देखा मि दुनिया का अंत तक हमेशा तुम दगड़ी रौलु।”

मत्ती 6:13

अर हम तैं अजमैश मा नि लौ पर दुष्ट शैतान बट्टी बचौ किलैकि राज्य, अर पराक्रम अर महिमा सदनी तेरी च। आमीन।

यूहन्ना 1:18

परमेश्वर तैं कैल कभि नि देखि, भस वेका एकलौता नौंना ल जु सच मा परमेश्वर च, अर बुबा का सबसे नजिक च, वेल परमेश्वर तैं हम तैं दिखै।

यूहन्ना 5:44

तुम मि पर विश्वास नि कैर सकदा किलैकि तुम एक दुसरा बट्टी प्रशंसा चांदा छा अर तुम एकमात्र परमेश्वर बट्टी प्रशंसा पाणै कि कोशिश नि करदां?

रोमियों 1:20

किलैकि परमेश्वर कि अनन्त सामर्थ अर गुणों तैं नि देखै जै सकद। बल्कि यूं बातों तैं पिता परमेश्वर ल दुनिया की रचना बट्टी शुरू कैरी सभि चीजों का द्वारा दर्शयूं च। इलै ऊं लुखुं का संमणी कुई बहाना नि हवे कि उ परमेश्वर तैं नि जणदींनि।

रोमियों 1:23

अर हमेशा ज्यूँदो रौंण वला पिता परमेश्वर कि महिमा का उ लोग जु हमेशा ज्यूंदा नि रै सकण वला मनिख, अर चलखुडोंं, अर चौपायों, अर रिंगण वला जानवरों कि मूर्तियों का समानता मा बदली गैनी।

रोमियों 11:36

किलैकि सब कुछ पिता परमेश्वर बट्टी आंदो। वेल सब कुछ बणै याली, अर सभि कुछ वेको ही च। वेकी बडै जुग-जुग तक हूंणी रौ, आमीन।

रोमियों 16:27

वीं एकमात्र अद्वैत बुद्धिमान परमेश्वर की यीशु मसीह का द्वारा जुग-जुग बढ़ै हूंणी रौ। आमीन।

रोमियों 2:10

पर बड़ै अर आदर अर शान्ति कु आत्मा सभियूं तैं मिललो, जु भलै करदो, पिता परमेश्वर सबसे पैली यहूदी लुखुं तैं दयालो अर फिर वे तैं जु यूनानी अन्यजाति छिनी अर फिर जु अन्यजाति छिनी।

रोमियों 2:7

जु अच्छा काम मा स्थिर रै के बड़ै, अर आदर, अमरता कि खोज मा छिनी, ऊं तैं पिता परमेश्वर अनन्त जीवन दयालो;

कुलुसी 1:15

कैल भि पिता परमेश्वर तैं नि देखि, पर जब वेको नौंनो यीशु मसीह एक मनिख बंणि, त वेल पिता परमेश्वर का लुखुं का समणी प्रकट कैरी दींनि, कि पिता परमेश्वर ल जु कुछ भि बणै, वे पर मसीह कु सबसे बड़ो अधिकार च।

इब्रानी 11:27

विश्वास बट्टी ही राजा का गुस्सा बट्टी नि डैरी के वेल मिस्र देश तैं छुड़ण मा इस्राएली लुखुं की अगवै कैरी, किलैकि उ समझी गै छो कि यु मांणा इन च जन वेल पिता परमेश्वर तैं देखि, जु अदृश च।

इब्रानी 2:7

पिता परमेश्वर तिल मनिख तैं भस स्वर्गदूतों बट्टी थोड़ा ही कम शक्ति का दगड़ी बणै; पिता परमेश्वर तिल मनिख तैं एक राजा का समान महिमा अर सम्मान द्ये अर वे तैं अपड़ा हथों का कामों पर अधिकार द्ये।

1 पतरस 5:11

पिता परमेश्वर आदर का योग्य च किलैकि वेकी सामर्थ को कुई अंत नि च। आमीन।

2 पतरस 3:18

बल्कि इन कै जीवन बिता कि तुम हमारा उद्धारकर्ता यीशु मसीह का प्रति और जादा से जादा कृपा का रूप मा काम कैरी अर यु कि तुम वे तैं और जादा बढ़िया ढंग से जांण साका। पिता परमेश्वर की महिमा अब अर हमेशा तक हूंदी रौ। आमीन।

1 यूहन्ना 4:12

पिता परमेश्वर तैं कभि कैल नि देखि; जु हम आपस मा प्रेम कैरा, त पिता परमेश्वर हम मा बणयूँ रौंद; अर पिता परमेश्वर को प्रेम हम मा सिद्ध होलो।

दिब्य दरस 15:3

अर उ पिता परमेश्वर का दास मूसा को गीत गांणा छा जु कि चिनखो का बारा मा च, “हे सर्वशक्तिमान प्रभु परमेश्वर, जु कुछ तिल कैरी उ कीमती अर अद्भुत च, तू सभि देशों को स्वामी छै, तू जु भि करदी उ सच अर धर्म कु च।”

दिब्य दरस 17:14

जानवर अर दस राजाओं चिनखा पर हमला करला, पर चिनखा अर वेका मनणवला ऊं तैं हरै दयाला। यु इलै च किलैकि उ जानवर का प्रभु अर राजाओं को राजा च। वे तैं मनणवला उ छिनी जौं तैं पिता परमेश्वर ल बुलै अर चुणि, अर जु वेका प्रति विश्वासयोग्य छिनी।”

दिब्य दरस 19:1

जब तागतबर स्वर्गदूत ल बुल्ण खत्म कैरी त मिल सूंणि उ इन छो जन स्वर्ग मा भौत सैरा लोग बुल्णा हो; हल्‍लिलूय्याह! उद्धार अर महिमा अर सामर्थ हमारा परमेश्वर ही की च।

दिब्य दरस 19:16

अर वेको चोला अर दे जांघ पर यु नौं लिख्युं छो “प्रभु अर राजाओं को राजा च।”

दिब्य दरस 19:6

फिर मिल जु सूंणि व भौत बड़ी संख्या लुखुं का चिल्लांण का जन लगद छै। यु एक बड़ा झरना की आवाज का जन जोरदार छो अर बादल का गिगडांण का जन छो। ऊंल बोलि, “परमेश्वर की स्तुति हो! सर्वशक्तिमान पिता परमेश्वर हमारो राजा च।”

दिब्य दरस 7:12

“आमीन, हमारा पिता परमेश्वर, हम हमेशा तेरी महिमा अर स्तुति करदा, त्वे तैं धन्यवाद अर सम्मान दींदयां! हम मणदा छा कि तू सम्पूर्ण रीति से ज्ञानवान छै, अर सामर्थी छै, जु हमेशा कु सभि कामों तैं कन मा योग्य च, आमीन।”