1 थिस्सलुनीकी 5:20 - गढवली नयो नियम

²⁰ पिता परमेश्वर ल अपड़ा लुखुं तैं जु भविष्यवाणी दीं च वेको तिरस्कार नि कैरा।

Garhwali

²⁰ अर जु भविष्यबाणियाँ दुसरा बिस्वासी करदिन, ऊंतैं बेकार नि समझा।

1 थिस्सलुनीकी 5:20 ပူးပေါင်းရင်းမြစ်များ

खास चेलों 13:1

अन्ताकिया शहर का विश्वासियों की मण्डलि मा कई परमेश्वर का तरपां बट्टी बुल्ण वला अर कई शिक्षक छा। उ शिक्षक बरनबास अर शमौन, जैको दुसरो नौं नीगर भि छो, अर लूकियुस कुरेनी, अर देश का चौथाई भाग का हेरोदेस राजा को मुहबोला भैय जु दगड़ी बड़ा हवीनि मनाहेम, अर शाऊल।

खास चेलों 19:6

जब पौलुस ल ऊं पर हथ रखि त पवित्र आत्मा ऊं पर ऐ गै अर उ बनि-बनि भाषा बुल्ण लगि गैनी अर भविष्यवाणी कन लगि गैनी।

1 कुरिन्थि 11:4

इलै जु कुई आदिम मण्डलि मा प्रार्थना करद बगत या पिता परमेश्वर का संदेश तैं सुणांद बगत अपड़ा मुंड तैं ढकांद, त उ मसीह कु अपमान करद जु वेको मुंड च।

1 कुरिन्थि 12:10

पवित्र आत्मा एक मनिख तैं चमत्कार का काम कने की शक्ति दींद; अर कै तैं भविष्यवाणी कु; अर कै तैं आत्माओं की परख, अर कै तैं भौत प्रकार कि भाषा बुल्ण; अर कै तैं कि भाषाओं कु मतलब बतांण कु।

1 कुरिन्थि 12:28

अर पिता परमेश्वर ल मण्डलि मा अलग-अलग आदिम नियुक्त करयां छिनी; पैला प्रेरित, दुसरा परमेश्वर का तरपां बट्टी बुल्ण वलो, तिसरा शिक्षक, फिर चमत्कार का काम कन वला, फिर चंगा कन वला, अर उपकार कन वला, अर प्रधान, अर बनि-बनि भाषा बुल्ण वला।

1 कुरिन्थि 13:2

अर जु मि भविष्यवाणी कैर साको, अर सभि भेदों अर सभि प्रकार का ज्ञान तैं समझु, अर मि तैं यख तक पिता परमेश्वर पर पूरो विश्वास च, कि मि पौड़ तैं इनां बट्टी ऊना कैरी सकदु, पर दूसरों बट्टी प्रेम नि रखु, त मेरी कुई कीमत ही नि च।

1 कुरिन्थि 13:9

किलैकि हमारो ज्ञान अधुरो च, अर हमारी भविष्यवाणी अधूरी।

1 कुरिन्थि 14:1

एक दुसरा बट्टी प्रेम कनै कि कोशिश किया कैरा, अर आत्मिक वरदानों तैं भि पाणै कि धुन मा रावा, खास कैरी कै यु कि भविष्यवाणी कैरा।

1 थिस्सलुनीकी 4:8

इलै जु कुई भि यूं नियमों को पालन नि करद, त उ मनिख को न, पर पिता परमेश्वर को अपमान करदो, जैल अपड़ा पवित्र आत्मा तुम तैं द्ये।

1 यूहन्ना 4:1

हे प्रियों, हरेक जु पिता परमेश्वर की पवित्र आत्मा बट्टी बुल्णो को दावा करदींनि; ऊंमा बट्टी हरेक पर विश्वास नि करयां, पर आत्माओं तैं परखा, कि उ आत्मा पिता परमेश्वर की तरपां बट्टी च कि न; किलैकि भौत सारा झूठा संदेश दींणवला छिनी जु बुल्दींनि की हम पिता परमेश्वर कि तरपां बट्टी बुल्दियां दुनिया मा ऐ गैनी।