1 थिस्सलुनीकी 5:13 - गढवली नयो नियम

¹³ जु कुछ उ तुम दगड़ी करदींनि, यु कारण ऊंको भौत आदर कैरा और ऊं तैं भौत प्रेम कैरा, तुम सब एक हैंका दगड़ी मेल से रावा।

Garhwali

¹³ अर ऊंकी ईं मेनत की वजै से तुम ऊं बटि भौत प्यार कैरा, अर ऊंतैं भौत आदर-सम्मान द्‍या। अर एक-दुसरा का दगड़ा मा मेल-जोल से रा।

1 थिस्सलुनीकी 5:13 ပူးပေါင်းရင်းမြစ်များ

मत्ती 10:40

“जु तुम तैं स्वीकार करदो उ मि तैं स्वीकार करदो अर जु मि तैं स्वीकार करदो उ मेरा भिजण वला तैं स्वीकार करदो।”

मरकुस 9:50

लूंण त खूब च पर जु वेको स्वाद बितड़ि जौं त वे तैं क्य ल ल्युणणो करिल्या? अफ मा लूंण जन गुण रखा अर आपस मा मेल मिलाप से रावा।

यूहन्ना 15:17

यूं बातों कि आज्ञा मि तुम तैं इलै दींणु छौं कि तुम एक हैंका दगड़ी प्रेम रख्यां।

2 कुरिन्थि 13:11

हे विश्वासी भयों, खुश रावा; सिद्ध बणदी जावा; मेरी सलाह सूंणा; एक ही मन रावा; मेल से रावा, अर प्रेम अर शान्ति कु दाता पिता परमेश्वर तुम दगड़ी होलो।

गलातियों 4:14

अर जबकि मेरी बिमारी तुम कु एक परेशानी छै, पर फिर भि तुम ल मि बट्टी घृणा नि कैरी अर न मि तैं दूर कैरी; पर तुम ल मि तैं उन ही स्वीकार कैरी जन तुम खुद यीशु मसीह तैं स्वीकार करदा छा, मांणा मि पिता परमेश्वर कु एक स्वर्गदूत छो, जन तुम अफ यीशु मसीह तैं स्वीकार करदा।

गलातियों 5:22

उ बरतौ जु पिता परमेश्वर का पवित्र आत्मा का द्वारा पैदा हूंद, उ यूं छिनी, प्रेम, आनन्द, शान्ति, धीरज, अर दया, भलै, अर दूसरों का प्रति विश्वासयोग्य हूंण,

गलातियों 6:6

यु जरूरी च कि जु लोग पिता परमेश्वर का वचन तैं सिखांदींनि, ऊं तैं सिखण वला लुखुं बट्टी भौतिक मदद मिलण चयणी च।

इफिसुस 4:3

यु काम मा अपड़ा सभियूं कु अच्छो कनै की कोशिश कैरा, कि तुम हमेशा मेल मिलाप मा बंणयां रावा, किलैकि तुम परमेश्वर कि आत्मा का द्वारा एक किये ग्यां छा।

कुलुसी 3:15

उ शान्ति जु मसीह दींद तुमारा मनों मा राज्य कैर, किलैकि तुम सभि एक ही देह का अंग छा अर इलै तुम तैं एक दुसरा का दगड़ा शान्ति अर हमेशा पिता परमेश्वर कु धन्यवाद करदी रावा ज्यांकु तुम बुलयां ग्यां छा।

1 थिस्सलुनीकी 5:14

हे विश्वासी भयों, हम तुम बट्टी बिनती कना छा, कि ऊं लुखुं तैं चिता जु आलसी छिनी, ऊं लुखुं तैं प्रोत्साहित कैरा जु डरपोक छिनी, ऊं तैं ढांढस द्यावा जु कमजोर छिनी, ऊं तैं सम्भाला सभियूं दगड़ी शहनशीलता कु बरतौ कैरा।

2 थिस्सलुनीकी 3:16

मि प्रार्थना करदु कि प्रभु, जु शान्ति कु स्रोत च उ अफी तुम तैं सदनी हरेक ढंग से शान्ति द्यो; प्रभु तुम सभियूं का दगड़ा मा हमेशा रौ।

2 तीमुथियुस 2:22

इलै, ऊं पापी इच्छाओं बट्टी बच जु जवान लुखुं तैं आकर्षित करदींनि, अर जु लोग शुद्ध मन से प्रभु को नौं लिंदिनि ऊं दगड़ी धार्मिकता विश्वास प्रेम अर शान्ति अर मेल मिलाप को पीछा कैर।

इब्रानी 12:14

सभियूं बट्टी मेल मिलाप रखा, अर पवित्र हूंणु कु हर ढंग से कोशिश कैरा जैका बगैर कुई भि प्रभु तैं कभी भि नि देख सकलो।

याकूब 3:18

अर जु लोग मेल-जोल कन वला छिनी, उ शान्ति का बीज तैं बुतलो अर धार्मिकता को फसल तैं कटलो।