1 थिस्सलुनीकी 5:12 - गढवली नयो नियम

¹² हे विश्वासी भयों, हम तुम बट्टी बिनती कना छा, कि जु तुम कु भौत कड़ी मेहनत करदींनि, अर प्रभु मा तुमारा अगुवा छिनी, अर तुम तैं शिक्षा दींदिनि, ऊंको आदर कैरा।

Garhwali

¹² हे मेरा भै-बैंणो, हम तुम से बिन्ती करद्‍यां, कि तुम ऊं लोगु की कदर कैरा, जु तुमरा बीच तुमतै सच्‍चै की शिक्षा देके वेको बाटु बतौन्दिन। अर ऊंकी या शिक्षा इलै च, ताकि तुम लोग प्रभु मा और अगनै बैढी सैका।

1 थिस्सलुनीकी 5:12 ပူးပေါင်းရင်းမြစ်များ

लूका 10:7

वे ही घौर मा रावा अर जु कुछ ऊं बट्टी मिलो उ ही खयां अर पियां किलैकि मजदूर तैं अपड़ी मजूरी मिलण चयणी च अर घौर-घौर नि फिरयां।

यूहन्ना 4:38

मिल तुम तैं उ पुगड़ो लौंणु कु भेजि जै मा तुम ल मेहनत नि कैरी दूसरों ल मेहनत कैरी तुम वे फसल तैं कठ्ठा कैरा जैकु ऊंल मेहनत कैरी।

खास चेलों 20:28

इलै तुम अपड़ी अर अपड़ा सैरा झुण्ड की जौं का बीच पवित्र आत्मा ल तुम तैं अध्यक्ष बणयूं च देखभाल करयां; कि तुम परमेश्वर की मण्डलि कि देखभाल करयां जु वेल अपड़ा ल्वे बट्टी मोल लियां छिनी।

खास चेलों 20:35

मिल तुम तैं सभि कुछ कैरी के दिखै, कि कनके मेहनत कैरी के कमजोर लुखुं तैं सम्भलण चयणु च, अर प्रभु यीशु की वचन याद रखण जरूरी च, जु कि वेल अफ ही बोलि, “लींण से दींण जादा धन्य च।”

रोमियों 16:12

त्रूफेना अर त्रूफोसा बैणयूं तैं जु प्रभु मा मेहनत करदींनि, प्रणाम। प्रिय पिरसिस बैंण तैं जींल प्रभु मा भौत मेहनत कैरी, प्रणाम।

रोमियों 16:6

मरियम तैं जींल तुम कु भौत मेहनत कैरी, प्रणाम।

1 कुरिन्थि 12:28

अर पिता परमेश्वर ल मण्डलि मा अलग-अलग आदिम नियुक्त करयां छिनी; पैला प्रेरित, दुसरा परमेश्वर का तरपां बट्टी बुल्ण वलो, तिसरा शिक्षक, फिर चमत्कार का काम कन वला, फिर चंगा कन वला, अर उपकार कन वला, अर प्रधान, अर बनि-बनि भाषा बुल्ण वला।

1 कुरिन्थि 15:10

पर पिता परमेश्वर की कृपा ल मि प्रेरित छौं; अर वेकी दया मेरा जीवन मा प्रभावशाली च; पर मिल दुसरा कै भि प्रेरित बट्टी बढ़ि मेहनत भि कैरी तब भि य मेरी तरपां बट्टी नि हवे, पर पिता परमेश्वर की दया ल मि तैं वेको काम कना का लैक बणै।

1 कुरिन्थि 16:16

इलै मि तुम बट्टी बिनती करदु, कि इन अगुवों की आज्ञाओं तैं मांणा कैरा बल्कि हर एक की जु इन सच्ची भक्ति का दगड़ी सेवा करदींनि।

1 कुरिन्थि 16:18

अर ऊंल मि तैं प्रोत्साहित कैरी, जन उ तुम कु भि करला, जब उ तुम मा वापिस आला, इलै तुम तैं ऊंका जन लुखुं कु सामना कन चयणु च।

1 कुरिन्थि 3:9

किलैकि हम पिता परमेश्वर कु काम कन वला छा, अर कुरिन्थ का विश्वासियों तुम एक सगोड़ा अर एक घौर जन छा, जै तैं पिता परमेश्वर बणद अर उ वेको ही च।

2 कुरिन्थि 11:23

क्य उ ही मसीह का सेवक छिनी (मि बौलयों जन बुल्णु छो) मि ऊं बट्टी बढ़ि के छो। मिल ऊं बट्टी कई जादा मेहनत कैरी, ऊं बट्टी कई जादा बंधि बणयूं, कई बार पिटे ग्यों, अक्सर ही मेरा प्राण संकट मा पुड़ीनि।

2 कुरिन्थि 5:9

इलै हमारी मन की मनसा य च, कि हम वे दगड़ी स्वर्ग मा रां, जब हम इख धरती पर रां तभि भि हम पिता परमेश्वर तैं खुश करदी रां।

2 कुरिन्थि 6:1

हम जु पिता परमेश्वर का सहकर्मी छा यु भि तुम बट्टी बिनती करदा, कि पिता परमेश्वर की दया जु तुम पर हवे, बेकार नि रैणी द्या।

गलातियों 4:11

जु कुछ तुम कना छा वेका कारण मि परेशान छों कि जु मेहनत मिल तुम कु कैरी उ बेकार नि ठैरु।

फिलिप्पी 2:16

कि मसीह का फिर से औंणा का दिन मि तैं घमंड कनु कु कारण हो कि मेरी कोशिश अर मेरी मेहनत बेकार नि रौ।

फिलिप्पी 2:19

मि तैं प्रभु यीशु मसीह पर आस च कि मि तुम मा तीमुथियुस तैं तुरंत भिजलु, कि वे बट्टी तुमारी दशा सूंणि के मि तैं खुशी मिलो।

कुलुसी 1:29

यु तैं पूरो कनु कु मि मेहनत अर संघर्ष कनु छों, वीं सामर्थ कु इस्तेमाल कैरी के जु मसीह दींद अर जु मि मा काम करदी।

1 थिस्सलुनीकी 2:9

हे विश्वासी भयों, तुम हमारी मेहनत अर हमारी मुसिबतों तैं याद रखद्यां, कि हम ल रात दिन कामकाज कैरी कै तुम्हरा बीच मा पिता परमेश्वर कु शुभ सन्देश प्रचार कैरी, कि तुम तैं हमारी जरूरतों कु ध्यान नि रखण पोडो।

1 थिस्सलुनीकी 4:1

हे विश्वासी भयों, हम तुम बट्टी बिनती कना छा अर तुम तैं प्रभु यीशु मा समझौंणा छा कि जन तुम ल हम बट्टी प्रभु का लैख जीवन बसर कन सीखी अर पिता परमेश्वर तैं खुश कन सीखी अर जन तुम ज्यूंदा भि छा, अर हम तुम तैं इन कनु कु और भि प्रोत्साहित करदां।

1 थिस्सलुनीकी 5:14

हे विश्वासी भयों, हम तुम बट्टी बिनती कना छा, कि ऊं लुखुं तैं चिता जु आलसी छिनी, ऊं लुखुं तैं प्रोत्साहित कैरा जु डरपोक छिनी, ऊं तैं ढांढस द्यावा जु कमजोर छिनी, ऊं तैं सम्भाला सभियूं दगड़ी शहनशीलता कु बरतौ कैरा।

1 तीमुथियुस 5:1

अफ से बड़ा आदिम तैं अपमान का दगड़ी नि डांट; बल्कि वे तैं बड़ा आदर का दगड़ी सलाह दे, जन कि उ तेरु अपड़ो बुबा हो, अर अफ से छुटा आदमियों तैं, अपड़ा भयों जन सलाह दे।

1 तीमुथियुस 5:20

अपराध कन वलो तैं सभियूं का संमणी फटकार लगौ, कि और विश्वासी लोग भि अपराध कन से डरुनु।

2 तीमुथियुस 2:6

जु जिमदार मेहनत करदो, फसल को हिस्सा वे तैं पैली मिलण चयणु।

तीतुस 1:3

पर ठिक बगत पर, पिता परमेश्वर ल यु शुभ संदेश तैं हमारा संमणी प्रगट कैरी, अर हम यांको प्रचार सभियूं का संमणी करदां। पिता परमेश्वर अर हमारा उद्धारकर्ता यीशु मसीह ल या आज्ञा जिम्मेदारी का दगड़ी मि तैं द्ये, कि वेको यु काम कैरो।

तीतुस 1:5

मि इलै त्वे तैं क्रेते द्वीप मा छोड़ी के ऐ छो, कि तू हमारा बचयां कामों तैं पूरो कैर साक, अर क्रेते द्वीप का हर शहर मा मेरी आज्ञा का पुरणा अगुवों कु चुनाव कैर साक, उन ही जन कनु को मिल त्वे तैं आज्ञा दींनि।

तीतुस 2:15

इलै, तीतुस मि चांणु छों कि तू क्रेते टापू का विश्वासियों तैं यूं बातों तैं सिखौ जु मिल त्वे तैं बतै, अपड़ा लुखुं तैं इन कनु कु प्रोत्साहित कैर; कुई भि तेरु अनादर नि कन पौ।

इब्रानी 13:17

अपड़ा अगुवों की बात मांणा; अर ऊंका अधीन रावा, किलैकि उ तुम्हरा आत्मा तैं बचांणु कु सुचणा छिनी, कि तुम भटकी नि जावा; अर ऊं तैं पिता परमेश्वर तैं अपड़ी सेवकाई का बारा मा लेखा दींण पुड़लो, कि उ यु कामों तैं खुश हवे के करा, यु काम तैं उदासी ल नि कैरा, किलैकि उदास हवे के सेवकाई कन से कुई फैदा नि हूंद।

इब्रानी 13:7

जु तुम्हरा अगुवा छा, अर जैल तुम्हरा पिता परमेश्वर कु वचन सुणै, ऊं तैं याद रखा; अर ध्यान रखा कि ऊंल अपड़ो जीवन कन कै जिये अर यु भि कि उ मुरण तक भि वफादार रैनी, इलै ही हम तैं ऊंका विश्वास का अनुसार चलि कै पिता परमेश्वर पर उन ही विश्वास कन चयणु च जन ऊंल कैरी छो।

दिब्य दरस 1:20

अब मि बतौलु कि मेरा दैंणा हथ का सात गैणो को क्य मतलब च अर सोना की सात दिवडों को क्य मतलब च जु कि पैली पता नि छो। यांको मतलब यु च सात गैणा ऊं स्वर्गदूतों तैं बतौंदींनि जु सात मण्डलियों की रखवली करदींनि अर सात दिवडा सात मण्डलियों तैं बतांद।

दिब्य दरस 2:12

पिरगमुन शहर की मण्डलि का दूत तैं यु संदेश लिख “मि ही छो जै मा तेज द्वी धार वली तलवार च।” मि त्वे बट्टी यु बुल्दो;

दिब्य दरस 2:18

वेल मि बट्टी यु भि बोलि, थुआतीरा शहर की मण्डलि का दूत तैं यु संदेश लिख; “पिता परमेश्वर का नौंना की तरपां यु संदेश च, वेका आँखा, उ आग का लपटों का जन छिनी, वेका खुटा पीतल का जन चमकणा छा जै तैं भट्टी मा तचये जांणु हो, उ यु भि बुल्द”

दिब्य दरस 2:3

अर तिल धीरज से दुखों तैं सै किलैकि तू मि पर विश्वास करदी अर तिल कभी हार नि मांणी।

दिब्य दरस 2:8

स्मुरना शहर की मण्डलि का दूत तैं यु संदेश लिख; जु पैलो अर आखिर च; मि एक बार मोरि गै छो पर अब मि ज्यूँदो छो अर हमेशा ज्यूँदो रौलु, मि त्वे बट्टी यु बुल्णु छो

दिब्य दरस 3:1

सरदीस शहर की मण्डलि का दूत तैं लिख; “यु संदेश वेका तरपां बट्टी च जु सात गैणों तैं अपड़ा हथ मा ले के रखद अर जु पिता परमेश्वर का सात आत्माओं तैं भिजद, यु बुल्द कि मि जंणदु छो कि तू क्य करदी, कि तू मेरू विश्वासयोग्य विश्वासी प्रतीत त हूंदी, पर हकीकत मा तू अब मेरू अनुसरण नि करदी।”

दिब्य दरस 3:14

लौदीकिया शहर की मण्डलि का दूत तैं लिख “मि आमीन कहलांद, किलैकि मि विश्वासयोग्य छो अर मि पिता परमेश्वर का बारा मा जु भि प्रमाणित करदु उ सच च। जु कुछ भि वेल बणै मि वे सब कुछ को स्रोत भि छो, मि त्वे बट्टी यु बुल्दो।

दिब्य दरस 3:7

फिलदिलफिया शहर की मण्डलि का दूत तैं लिख; मि ही उ छो जु पवित्र अर सचै छो, जै मा उ चाबी च जु राजा दाऊद की च। जब मि वीं चाबी तैं लींदु छो अर एक द्वार तैं खुलद त कुई भि वे तैं बंद नि कैर सकद, अर जब मि चाबी लींदु अर एक द्वार बंद कैरी दींदु त कुई भि वे तैं खोल नि सकद, जैका खुल्यां तैं कुई बन्द नि कैर सकद अर बन्द करयां तैं कुई खोल नि सकद, उ यु बुल्द,