1 थिस्सलुनीकी 2:15 - गढवली नयो नियम

¹⁵ ऊं यहूदियों ल प्रभु यीशु तैं अर पिता परमेश्वर का तरपां बट्टी बुल्ण वलो तैं भि मार डाली अर हम तैं भि सतै अर पिता परमेश्वर ऊं बट्टी खुश नि च अर सभि मनिख्युं को विरोध करदींनि।

Garhwali

¹⁵ अर ऊं यहूदी लोगु न प्रभु यीशु तैं अर पिता परमेस्वर का कुछ रैबर्यों तैं मारी डालि। अर ऊंन हमतै भि भौत सतै च, ऊंन परमेस्वर तैं खुश नि कैरी, बल्किन मा वु त सब मनखियों को विरोध करदिन।

1 थिस्सलुनीकी 2:15 ပူးပေါင်းရင်းမြစ်များ

मत्ती 23:37

“हे यरूशलेम शहर का लुखुं तु परमेश्वर का तरपां बट्टी बुल्ण वलो तैं मारि डलदि अर जु त्वे मा भिजे गैनी ऊं पर ढुंग्यो करदी। कथग बगत मिल चै कि जन मुर्गी अपड़ा बच्चों तैं अपड़ा पंखों का तौला सुरक्षित करदा उन ही मि भि तेरा नौंनो तैं कठ्ठा कैरी दियूं पर तुम ल इन नि चै।

मत्ती 27:25

सभि लुखुं ल जवाब दींनि कि “यु कु ल्वे कु इल्जाम हम पर अर हमारी सन्तान पर औ।”

मत्ती 5:12

तब खुश अर मगन हुयां किलैकि तुम कु स्वर्ग मा बड़ो फल च। इलै की ऊंल ऊं परमेश्वर का तरपां बट्टी बुल्ण वलो तैं भि जु भौत बगत पैली छा इन ही सतै छो।

लूका 24:20

अर प्रधान याजक ल अर हमारा मुखियों वे तैं पकड़वे दींनि कि वे तैं मौत कि सजा दिये जौं अर सूली पर चढ़ै दींनि।

खास चेलों 12:3

अर जब वेल देखि कि यहूदी यु देखि के खुश हूंदींनि, तब वेल पतरस तैं पकड़ी दींनि; वे दिन अखमीरी रुठी को त्यौहार छो।

खास चेलों 2:23

यु ही यीशु पिता परमेश्वर की ठैरैईं मनसा का अनुसार अर परमेश्वर का हूंण वला पूर्व ज्ञान का अनुसार पकड़वये गै छो अर तुम ल अधर्मियों का हथों ल वे तैं सूली पर चढ़ै कै मरवै दींनि।

खास चेलों 3:15

अर तुम ल अनन्त जीवन को श्रोत तैं मारि डाली जै तैं पिता परमेश्वर ल मुर्दों मा बट्टी ज्यूँदो कैरी अर ईं बात का हम गवाह छा।

खास चेलों 4:10

त तुम सब लोग अर सैरा इस्राएलियों तैं जांणि जांण चयणु च की यीशु मसीह नासरी जै तैं तुम ल सूली पर चड़ै अर पिता परमेश्वर ल यीशु तैं मुर्दों मा बट्टी दुबारा ज्यूँदो कैरी अर आज यीशु का नौं बट्टी यु मनिख तुमारा संमणी अच्छो भलो खड़ो च।

खास चेलों 5:30

हमारा पूर्वजों का पिता परमेश्वर ल यीशु तैं मुर्दों मा बट्टी ज्यूँदो कैरी द्ये जै तैं तुम ल सूली पर लटकै के मारि डाली छो।

खास चेलों 7:52

परमेश्वर का तरपां बट्टी बुल्ण वलो मा बट्टी तुम्हरा बाप-दादाओं ल कै तैं नि सतै? अर ऊंल धर्मी आदिम का आंणा का पैली बट्टी सन्देश दींणवलों तैं मार डाली जौनु पैली बट्टी वेका आंणा का बारा मा बतै छो, अर जब उ ऐ, त तुम ल वे तैं धोखा द्ये अर वेकी हत्या कैरी।

1 कुरिन्थि 10:5

पर पिता परमेश्वर ऊंमा बट्टी भौतों बट्टी खुश नि छो, इलै उ लोग एकांत जंगल मा ही मोरि गैनी।

2 कुरिन्थि 11:26

मि बार-बार यात्राओं मा; गाड का जोखिमोंं मा; डाकुओं का जोखिमोंं मा; अपड़ा जातिवलों बट्टी जोखिमोंं मा; अन्यजातियों बट्टी जोखिमोंं मा; नगरों का जोखिमोंं मा; जंगल का जोखिमोंं मा; समुद्र का जोखिमोंं मा; झूठा विश्वासी बणयां भयों का बीच जोखिमोंं मा रौ;