1 थिस्सलुनीकी 2:1 - गढवली नयो नियम

¹ हे विश्वासी भयों, तुम अफी जंणदा छा कि हमारो तुम मा आंण बड़ो प्रभावशाली रै।

Garhwali

¹ हे मेरा भै-बैंणो, तुम खुद ही जणद्‍यां कि हमरु तुमरा पास औण बेकार नि गै।

1 थिस्सलुनीकी 2:1 ပူးပေါင်းရင်းမြစ်များ

1 कुरिन्थि 15:10

पर पिता परमेश्वर की कृपा ल मि प्रेरित छौं; अर वेकी दया मेरा जीवन मा प्रभावशाली च; पर मिल दुसरा कै भि प्रेरित बट्टी बढ़ि मेहनत भि कैरी तब भि य मेरी तरपां बट्टी नि हवे, पर पिता परमेश्वर की दया ल मि तैं वेको काम कना का लैक बणै।

1 कुरिन्थि 15:2

पिता परमेश्वर तुम तैं वे शुभ सन्देश प्रचार का द्वारा बचांद, जु तुम वे शुभ संदेश पर विश्वास कना रैला, जैको मिल तुम्हरा बीच मा प्रचार कैरी; जु तुम विश्वास कन बंद कैरी द्या त तुम्हरी कुई कीमत नि च, अर यु बेकार च।

1 कुरिन्थि 15:58

इलै हे विश्वासी भयों, अपड़ा विश्वास मा मजबूत रावा अर गलत शिक्षाओं का द्वारा नि भटका, प्रभु कु जु काम तुम कना छा वेमा हमेशा बढ़णा रावा, अर यु जांणा, कि जु कुछ भि तुम प्रभु कु करीला वेको ईनाम तुम तैं जरुर मिललो।

2 कुरिन्थि 6:1

हम जु पिता परमेश्वर का सहकर्मी छा यु भि तुम बट्टी बिनती करदा, कि पिता परमेश्वर की दया जु तुम पर हवे, बेकार नि रैणी द्या।

गलातियों 2:2

मि उख गौं किलैकि पिता परमेश्वर ल मि तैं जांणु कु बोलि, जब मि उख छों त मि अगुवों बट्टी एक-एक कैरी के मिल अर ऊं तैं वे शुभ सन्देश का बारा मा बतै जु मि अन्यजातियों का बीच मा प्रचार कनु छो। पर एकुंत मा ऊं तैं जु मण्डलि का अगुवा समझै जांदा छा, कखि मेरी यु बगत की या पिछला बगत की मेहनत बेकार नि चलि जौं।

गलातियों 4:11

जु कुछ तुम कना छा वेका कारण मि परेशान छों कि जु मेहनत मिल तुम कु कैरी उ बेकार नि ठैरु।

फिलिप्पी 2:16

कि मसीह का फिर से औंणा का दिन मि तैं घमंड कनु कु कारण हो कि मेरी कोशिश अर मेरी मेहनत बेकार नि रौ।

1 थिस्सलुनीकी 2:13

इलै हम भि पिता परमेश्वर कु धन्यवाद सदनी करदां; कि जब हमारा द्वारा पिता परमेश्वर कु शुभ संदेश कु वचन तुम ल सूंणि जु हम ल तुम्हरा बीच मा प्रचार कैरी तुम ल वे तैं मनिख्युं कु न बल्कि पिता परमेश्वर को वचन समझी के (अर सच मा यु इन ही च) स्वीकार कैरी अर उ तुम मा जु विश्वास रखद्यां काम करद।

1 थिस्सलुनीकी 3:5

यु कारण से जब मि परेशान छो अर जब मि यूं जांणि बगैर रै नि साको कि तुम कन छा त मिल तीमुथियुस तैं तुमारा विश्वास कु हाल समाचार जनणु कु भेजि, किलैकि हम डरदा छा कि कखी इन नि हो, कि अजमैश कन वला शैतान तुम्हरी अजमैश कैरी हो, अर हमारी मेहनत बेकार हवे गै हो।

2 थिस्सलुनीकी 1:10

या बात तब होलि, जब प्रभु यीशु अपड़ा पवित्र लुखुं मा जु वे पर विश्वास करदींनि महिमा पांणु कु वापिस आलो जु प्रभु बट्टी जुड़यां छिनी; किलैकि तुम ल प्रभु पर विश्वास कैरी छो जैका बारा मा हम ल तुम तैं गव्है द्ये छै।

2 थिस्सलुनीकी 3:1

आखिर मा, हे विश्वासी भयों, हम कु प्रार्थना कना रावा, कि हम जल्द ही हर जगह मा प्रभु यीशु मसीह का बारा मा संदेश तैं फैला सैका अर लोग यु पर उन ही विश्वास कैरा जन तुम ल कैरी छो।