1 पतरस 5:14 - गढवली नयो नियम

¹⁴ एक-दुसरा तैं हकीकत मा प्रेम से प्रणाम कैरा। मि प्रार्थना करदु कि पिता परमेश्वर वे हर आदिम तैं शान्ति द्यो जु मसीह को च।

Garhwali

¹⁴ अर तुम लोग भि प्यार से भूकि पिके एक-दुसरा कू सलाम बोला। अर मि इन प्रार्थना करदु, कि तुम सब लोग जु कि यीशु मसीह पर बिस्वास करद्‍यां, तुम सभ्यों तैं वेकी शान्ति मिलदी रौ। आमीन।

1 पतरस 5:14 ပူးပေါင်းရင်းမြစ်များ

मत्ती 5:47

अर जु तुम भस अपड़ा विश्वासी भयों तैं प्रणाम करदी, त कौन सी बड़ो काम करदी, यु त गैर-यहूदी भि जु परमेश्वर की नियम कु पालन नि करदींनि उ भि इन ही करदींनि?

यूहन्ना 14:27

मि तुम तैं शान्ति दींणु छौं, अपड़ी शान्ति तुम तैं दींणु छौं” यु उ शान्ति नि च जु दुनिया दे सकदु च; तुमारो मन परेशान नि हो अर न डैरो।

यूहन्ना 16:33

मिल यु बात तुम मा इलै बोलि कि तुम तैं मेरा कारण शान्ति मिलो; दुनिया मा तुम तैं क्लेश हूंद, पर ढाडस बांधा, मिल ये दुनिया मा राज्य कन वला का मथि जीति हासिल कैरेले।”

यूहन्ना 20:19

वे इतवार कि शाम कु जब वेका द्वार जख चेला छा सब चेला एक दगड़ी कठ्ठा हुयां; ऊंल द्वार बंद करयां छा किलैकि उ यहूदियों का अगुवों बट्टी डरयां छा। तब यीशु ऐ अर बीच मा खड़ो हवे की ऊंमा बोलि, “तुम तैं शान्ति मिलो।”

यूहन्ना 20:26

आठ दिनों का बाद ऊंका चेला घौर का भितर छा अर थोमा भि ऊंका दगड़ा छो अर द्वार बंद छा। तब यीशु ऐ अर ऊंका बीच मा खड़ो हवे के बोलि, “तुम तैं शान्ति मिलो।”

रोमियों 1:7

या चिट्ठी रोम शहर मा रौंण वला ऊं सभियूं का नौं च जु परमेश्वर का प्रिय छिनी, अर पवित्र लोग हूंणु कु बुलै गैनी हमारा पिता परमेश्वर अर प्रभु यीशु मसीह कि तरपां बट्टी तुम तैं कृपा अर शान्ति मिलदी रौ।

रोमियों 16:16

आपस मा मसीह प्रेम बट्टी प्रणाम कैरा; तुम तैं मसीह की सैरी मण्डलियों की तरपां बट्टी प्रणाम।

रोमियों 8:1

यु कारण अब जु मसीह यीशु मा च, ऊं पर दंड की आज्ञा नि च।

1 कुरिन्थि 1:30

पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद।

1 कुरिन्थि 16:20

इख का सभि विश्वासी लोग तुम तैं प्रणाम बुल्णा छिनी तुम तैं एक दुसरा तैं पवित्र चुम्बन का रूप मा प्रणाम कन चयणु च, कि तुम एक दुसरा बट्टी प्रेम करद्यां।

2 कुरिन्थि 13:12

एक दुसरा तैं मसीही अभिवादन बट्टी प्रणाम कैरा।

2 कुरिन्थि 5:17

इलै, जु कुई मसीह पर विश्वास करद त वेको एक नयो अस्तित्व च; पुरणो स्वभाव बीत गै; देखा, उ सभि नयो हवे गै।

इफिसुस 6:23

मि हमारा पिता परमेश्वर बट्टी अर प्रभु यीशु मसीह बट्टी प्रार्थना करदु कि उ तुम विश्वासियों तैं शान्ति द्यां, उ इन कैरा कि तुम एक दुसरा बट्टी प्रेम कैरा अर मसीह पर हमेशा विश्वास करदी रावा।

1 थिस्सलुनीकी 5:26

सभि विश्वासी भयों तैं प्रेम से प्रणाम कैरा।

1 पतरस 1:2

पिता परमेश्वर ल भौत पैली ही तुम तैं अपड़ा लोग हूंणु कु अर पवित्र आत्मा का काम का द्वारा तुम तैं पवित्र कनु कु चुणि। वेल इन इलै कैरी कि तुम यीशु मसीह की आज्ञाओं तैं मंणिला अर वेका ल्वे बट्टी शुद्ध हवे सकिला। मि प्रार्थना करदु कि पिता परमेश्वर तुम तैं कृपा अर पूरी शान्ति दयालो।

3 यूहन्ना 1:14

मि तैं आस च कि मि तुम मा जल्दी ओलु अर तुम्हरा अमणी-संमणी बातचित करुलु।