1 पतरस 4:11 - गढवली नयो नियम

¹¹ उदाहरण कु, जु तुम मा प्रचार कनु को वरदान च, त तुम तैं पिता परमेश्वर का संदेशों तैं प्रचार कन चयणु च, जु तुम मा दुसरा लुखुं की मदद कनु को वरदान च, त यु वे सामर्थ का दगड़ी कैरा जु पिता परमेश्वर तुम तैं दींद। त फिर जु कुछ भि तुम करला उ यीशु मसीह का द्वारा पिता परमेश्वर तैं महिमा दयालो। सैरी महिमा अर सामर्थ हमेशा-हमेशा कु पिता परमेश्वर की ही हो! आमीन।

Garhwali

¹¹ जैतैं उपदेस देण को बरदान मिल्यूं च, उ इन बोलो जन कि पिता परमेस्वर का शब्द हो। अर जैतैं सेवा करण को बरदान मिल्यूं च, वेतैं पिता परमेस्वर की दिईं ताकत से सेवा करण चयेणी, ताकि हरेक बात मा यीशु मसीह का द्‍वारा पिता परमेस्वर की बडै हो। हाँ, सब बातों मा पूरु आदर-सम्मान सदनि तक वेतैं ही मिलु। आमीन।

1 पतरस 4:11 ပူးပေါင်းရင်းမြစ်များ

मत्ती 6:13

अर हम तैं अजमैश मा नि लौ पर दुष्ट शैतान बट्टी बचौ किलैकि राज्य, अर पराक्रम अर महिमा सदनी तेरी च। आमीन।

यूहन्ना 13:31

जब उ भैर चलि गै त यीशु ल बोलि, “अब मि मनिख कु नौंनो कि बड़ै हवे गै अर परमेश्वर महिमा मि पर हवे

खास चेलों 7:38

यु ही मूसा हमारा पूर्वजों का दगड़ी एक अगुवा का रूप मा छों जब उ एकांत जंगल मा एक जगह ही कठ्ठा छा। अर सीनै डांडा पर एक स्वर्गदूत ल वे दगड़ी बात कैरी अर वे तैं जीवन दींण वलो वचन मिली अर ऊंल हम तक वे तैं पौंछै दींनि।

रोमियों 11:36

किलैकि सब कुछ पिता परमेश्वर बट्टी आंदो। वेल सब कुछ बणै याली, अर सभि कुछ वेको ही च। वेकी बडै जुग-जुग तक हूंणी रौ, आमीन।

रोमियों 12:3

किलैकि मि वीं दया का कारण जु परमेश्वर बट्टी मि तैं मिल्युं च, तुम मा बट्टी हरेक कु बुल्णु छौं, कि जन समझण चयणु च, वे बट्टी बढ़ि के कुई भि अपड़ा आप तैं नि समझो; पर जन पिता परमेश्वर ल हरेक तैं परिमाण का अनुसार जथग विश्वास दियुं च उथग ही बांटि, उन ही अच्छी बुद्धि का दगड़ी अपड़ा आप तैं समझा।

रोमियों 16:27

वीं एकमात्र अद्वैत बुद्धिमान परमेश्वर की यीशु मसीह का द्वारा जुग-जुग बढ़ै हूंणी रौ। आमीन।

रोमियों 3:2

एक यहूदी हूंणो कु भौत फैदा च। सबसे खास यु कि परमेश्वर कु वचन ऊं तैं सौंप्ये गै।

1 कुरिन्थि 10:31

आखिर मा, मि तुम बट्टी यु बुल्ण चांदु, कि तुम चै खावा, चै प्यावा, चै जु कुछ भि कैरा, सब कुछ पिता परमेश्वर की महिमा कु कैरा।

1 कुरिन्थि 12:4

बनि-बनि तरौं का वरदान छिनी, अर पिता परमेश्वर कि आत्मा ऊं सभि वरदानों तैं दींद।

1 कुरिन्थि 3:10

पिता परमेश्वर का वे वरदान का अनुसार, जु मि तैं दिए गै, मिल बुद्धिमान राजमिस्त्री का जन नींव डाली, अर अब कुई दूसरो वे घौर तैं बनांणु च। पर हर एक आदिम चौकनों रौ, कि उ वीं नींव पर वे घौर तैं कन कै बनांणु च।

1 कुरिन्थि 6:20

पिता परमेश्वर ल यीशु मसीह तैं भेजि के अर यीशु ल सूली पर अफ तैं बलिदान कैरी के, हम एक बड़ी कीमत चुकै के छुड़ै, इलै अपड़ी देह का द्वारा पिता परमेश्वर की महिमा कैरा।

2 कुरिन्थि 2:17

किलैकि हम ऊं भौतों का समान नि छा, जु धन कमौण कु पिता परमेश्वर कु वचन कु प्रचार करदा; पर हम पिता परमेश्वर का वचन कु प्रचार सचै अर मसीह का अधिकार का दगड़ी करदा, यु जांणि के कि पिता परमेश्वर हम तैं दिखणु च।

2 कुरिन्थि 9:13

किलैकि दूसरों की मदद कनु कु दान दींणै की य सेवकाई प्रमाणित करली कि तुम सच्चा छा अर भौत लोग पिता परमेश्वर की महिमा प्रगट करदींनि, कि जब तुम ल बोलि कि मसीह कु शुभ सन्देश सचो छो अर तुम यु तैं मणला त तुम ल अफी अपड़ा शब्दों कु पालन कैरी, अर गरीब विश्वासियों की अर और विश्वासियों का दगड़ी ही सब विश्वासियों की मदद कन मा उदारता प्रगट कैरी।

इफिसुस 1:19

मि चांदु छों कि तुम वे महान अर परिक्रमा सामर्थ का बारा मा जांणा, जु पिता परमेश्वर मा हम कु च, जु वे मसीह पर विश्वास करदु, या उ महान शक्ति च ज्यांको इस्तेमाल परमेश्वर ल तब कैरी छों, जब वेल मसीह तैं फिर से ज्यूँदो कैरी, जब वेल मसीह तैं स्वर्ग मा अपड़ी दैंणि तरपां आदर का जगह पर बैठै।

इफिसुस 4:29

कुई गंदी बात तुमारा गिच्चा बट्टी नि निकलो, बल्कि भस उ ही बोला जु लुखुं कि उन्नति कनै कि जरुरी च, कि जु कुछ भि तुम बुल्दा छा उ सुनण वलो तैं आत्मिक रूप बट्टी फैदा कैरी साको।

इफिसुस 5:20

अर जु कुछ हमारा प्रभु यीशु मसीह ल करयूं च, वेका कारण सदनी हमारा पिता परमेश्वर कि सभि बातों कु धन्यवाद कैरा।

इफिसुस 6:10

एक आखिरी शब्द प्रभु कि शक्तिशाली सामर्थ बट्टी मजबूत बणा।

फिलिप्पी 1:11

यीशु मसीह का द्वारा पैदा हूंण वला धार्मिकता का कामों तैं अपड़ा भितर भोरि लय, जु यीशु मसीह मा पये जंदींनि ज्यां ल पिता परमेश्वर कि बड़ै हूंणी रौ।

फिलिप्पी 2:11

अर पिता परमेश्वर कि बड़ै कु सभि लोग अंगीकार कैरो कि यीशु मसीह ही प्रभु च।

कुलुसी 4:6

तुम्हरी बात सदनी नम्र अर सुणन मा अच्छी हो, कि तुम तैं हरेक मनिख तैं जवाब दींण ऐ जौं कि तुम क्य विश्वास करद्यां।

1 थिस्सलुनीकी 2:4

पिता परमेश्वर ल हम तैं योग्य समझी के शुभ सन्देश द्ये। इलै हम मनिख्युं कु न, बल्कि हमारा दिल तैं परखणवला पिता परमेश्वर तैं खुश कनु कु उपदेश दींदयां।

1 तीमुथियुस 1:17

अब उ राजा जु हमेशा कु राज्य करद, यानि जु हमेशा कु ज्यूँदो च, जै तैं कुई देखि नि सकद एकमात्र परमेश्वर कु आदर अर महिमा जुग-जुग तक हूंणी रौ। आमीन।

1 तीमुथियुस 6:16

भस उ ही एकमात्र च जु हमेशा कु ज्यूँदो च, अर उ इथग चमकदार रोशनी मा रौंदो च कि कुई भि वेका नजदीक नि ए सकद, अर न वे तैं कै मनिख ल देखि अर न ही कभि देखि सकदु। वेकी महिमा अर सामर्थ जुग-जुग तक राली। आमीन।

तीतुस 2:1

पर तीतुस त्वे तैं, विश्वासियों तैं भस ऊई सिखांण चांणु च, जु यीशु मसीह का बारा मा सच्ची शिक्षाओं का अनुकूल हो।

तीतुस 2:15

इलै, तीतुस मि चांणु छों कि तू क्रेते टापू का विश्वासियों तैं यूं बातों तैं सिखौ जु मिल त्वे तैं बतै, अपड़ा लुखुं तैं इन कनु कु प्रोत्साहित कैर; कुई भि तेरु अनादर नि कन पौ।

इब्रानी 13:7

जु तुम्हरा अगुवा छा, अर जैल तुम्हरा पिता परमेश्वर कु वचन सुणै, ऊं तैं याद रखा; अर ध्यान रखा कि ऊंल अपड़ो जीवन कन कै जिये अर यु भि कि उ मुरण तक भि वफादार रैनी, इलै ही हम तैं ऊंका विश्वास का अनुसार चलि कै पिता परमेश्वर पर उन ही विश्वास कन चयणु च जन ऊंल कैरी छो।

इब्रानी 5:12

तुम इथग लम्बा बगत बट्टी विश्वासी छा कि अब तुम तैं दूसरों तैं सिखांण चयणु च; यांका बजाय, तुम तैं कैकी जरूरत च जु तुम तैं पिता परमेश्वर का वचन की बुनियादी बात दुबरा बट्टी सिखौ; तुम ऊं बच्चों का जन छा जौं तैं दूध की जरूरत च अर उ कठोर खांणु नि खै सकदींनि।

याकूब 1:19

हे मेरा विश्वासी भयों, ईं बात तैं तुम जणिल्या हर एक आदिम तैं पिता परमेश्वर का वचन सुनणु कु तैयार रौंण वलो अर बुल्ण मा धीरज रखण वलो अर जल्दी गुस्सा कन वलो नि हूंण चयणु च।

याकूब 1:26

जु कुई अपड़ा आप तैं पिता परमेश्वर कु भक्त समझदु, पर बुरी बातों तैं बुल्ण मा अपड़ी जीभ पर काबू नि रखो, त उ अपड़ा आप तैं धोखा दींद, अर वेकी भक्ति बेकार ही च।

1 पतरस 2:12

जु लोग पिता परमेश्वर पर विश्वास नि करदींनि उ तुम पर यु बोलि के गलत भंगार लगै सकदींनि की तुम्हरा काम बुरा छिनी। इलै तुम तैं अपड़ा बरतौ का बारा मा चौकस रांण चयणु च, कि उ तुम्हरा अच्छा बरतौ तैं देखि साका। बाद मा उ स्वीकार करला कि तुम्हरो बरतौ अच्छो च अर जै दिन पिता परमेश्वर दुनिया कु न्याय कनु कु आलो वे दिन परमेश्वर की महिमा करला।

1 पतरस 4:10

हर एक आदिम तैं पिता परमेश्वर की तरपां बट्टी वरदान मिल्युं च अर ऊं तैं वे वरदान को इस्तेमाल दुसरा लुखुं की मदद कनु कु कन चयणु च। ऊं तैं पिता परमेश्वर का अच्छा सेवकों का रूप मा अपड़ा वरदानों को इस्तेमाल अच्छा ढंग से कन चयणु च जु पिता परमेश्वर ल ऊं तैं कृपा का दगड़ी द्ये।

1 पतरस 4:16

पर जु कै तैं मसीही हूंणा का खातिर दुख सहन कन पोडो, त तुम यु तैं शर्म की बात नि समझा, बल्कि पिता परमेश्वर की महिमा कैरा कि तुम इलै दुख सहन कना छा किलैकि तुम मसीह का लोग छा।

1 पतरस 5:11

पिता परमेश्वर आदर का योग्य च किलैकि वेकी सामर्थ को कुई अंत नि च। आमीन।