1 पतरस 3:20 - गढवली नयो नियम

²⁰ यु ऊं लुखुं की आत्माएँ छिनी जौन भौत बगत पैली पिता परमेश्वर की आज्ञाओं कु उल्लंघन कैरी छो। जब नूह अपड़ो जहाज तैं बनांणु छो, त पिता परमेश्वर धीरज से इन्तेजार कनु छो कि देखो क्य उ लोग पछतौ करला। पर भस जहाज मा प्रवेश कन वला आठ लुखुं तैं वीं भयानक बाड़ मा डुबण से बचये गै।

Garhwali

²⁰ अर जै बगत पितर नूह, पिता परमेस्वर का बुलण का मुताबिक जाज बणौणु छौ, वे बगत का लोगु न परमेस्वर की आज्ञा को पालन नि कैरी, अर पिता परमेस्वर सबर रखी के इन इंतजार कनु छौ, कि ऊ अपणा चाल-चलन मा बदळौ लेके आला, मगर इन नि ह्‍वे। तब पिता परमेस्वर न जल परलय कैरी, अर वे बगत मा कुछ ही लोग जाज मा बैठि के बचयै गैनी, अर ऊं मनखियों की गिनती आठ छै।

1 पतरस 3:20 ပူးပေါင်းရင်းမြစ်များ

मत्ती 7:14

किलैकि संकुरु च उ फाटक अर कठिन च उ बट्टो जु अनन्त जीवन कु पौंछौदु अर कुछ ही छिन जु वे तैं पौदींनि।

लूका 12:32

तुम मेरी देखभाल मा ढिबरों का जन छा इलै के भि बात का बारा मा नि डैरा, किलैकि तुमारा पिता परमेश्वर तैं यांकि खुशी च, की तुम तैं राज्य द्यो।

खास चेलों 2:41

जु कुछ पतरस ल बोलि, जौनु भि वेका संदेश पर विश्वास कैरी ऊंल बपतिस्मा लये अर वे ही दिन करीब तीन हजार लोग ऊं दगड़ी मिली गैनी।

रोमियों 9:22

कि पिता परमेश्वर ल अपड़ो गुस्सा दिखांणु अर अपड़ी सामर्थ प्रगट कने की इच्छा बट्टी गुस्सा का मनिख्युं तैं जु भांडों का जन छिनी, जौं तैं नाश कन तय कैरे गै।

इफिसुस 5:26

कि वेको शुभ संदेश मण्डलि ल लुखुं पर प्रगट हवे के ऊंका पाप तैं शुद्ध कैरो, जन कुई आदिम कीं चीज तैं धवे के शुद्ध करद,

इब्रानी 11:7

विश्वास ही ल नूह नौं का आदिम ल जब वे तैं एक बाड़ का बारा मा पिता परमेश्वर ल चेतावनी द्ये जु वेल कभी नि देखि छै, त वेल पवित्र डौर का दगड़ी अपड़ा परिवार का बचाव अर उद्धार कु पांणी कु जहाज बणै, अर नूह का विश्वास से पैली, बकि दुनिया का लोग जु विश्वास नि करदा छा, ऊंल वेकी निंदा कैरी अर ऊं तैं भंगारी ठैरगे; किलैकि नूह ल पिता परमेश्वर पर भरोसा कैरी, इलै पिता परमेश्वर ल वे तैं धर्मी ठैरे।

1 पतरस 1:22

किलैकि सचै को पालन कना का द्वारा तुम तैं आत्मा मा शुद्ध किये गै, अब तुम तैं अपड़ा दगड़िया विश्वासियों बट्टी ईमानदरी अर पूरा मन से प्रेम करदी रौंण चयणु च।

1 पतरस 1:9

(तुम खुश छा) किलैकि तुम्हरा आत्मा तैं पिता परमेश्वर पूरा ढंग से पाप का भंगार बट्टी उद्धार दींणु च। यु यीशु मसीह पर तुम्हरा विश्वास को प्रतिफल च।

1 पतरस 2:25

एक बगत पैली, तुम ढिबरों का जन छा जु गलत रस्ता पर जांणि छै जौनु अपड़ो रस्ता हरचै दींनि; पर अब तुम मसीह मा लौटि अयां जु तुम्हरा आत्मा को चरवाहा (अध्यक्ष) अर रखवलो च।

1 पतरस 3:19

तब वेकी आत्मा ल जै के ऊं आत्माओं मा शुभ संदेश प्रचार कैरी जु वीं जगह पर पिता परमेश्वर का द्वारा कैद किये गै छा, जख मुरयां लुखुं की आत्माएँ छिनी।

1 पतरस 4:19

इलै, जु लोग उन ही दुःख सौंदींनि जन पिता परमेश्वर चांद, ऊं तैं पिता परमेश्वर पर विश्वास रखण चयणु च, जैल ऊंकी सृष्टि कैरी। पिता परमेश्वर हमेशा उ करद जै तैं कनु को पिता परमेश्वर को वादा करयूं छो अर इलै जु अच्छो च उ कना रा अर पिता परमेश्वर का हथों मा अपड़ा आत्मा तैं सौंपी द्या।

2 पतरस 2:5

तुम यु भि जंणदा छा कि भौत बगत पैली रौंण वला लुखुं ल पिता परमेश्वर की डौर नि मांणी त पिता परमेश्वर ल ऊं बुरा कामों तैं नजरअंदाज नि कैरी जु उ कना छा। बल्कि पिता परमेश्वर ल पूरी दुनिया तैं भुरण कु पांणी भेजि के ऊं तैं इन दण्ड द्ये कि उ सभि डूबी के नाश हवे गैनी। पर पिता परमेश्वर ल नूह समेत ऊं आठ लुखुं तैं बचै, जौन पिता परमेश्वर का दगड़ी सै हूंण का बारा मा प्रचार कैरी छो।

2 पतरस 3:15

यु जांणि लय की हमारो प्रभु हमारा प्रति धीरज रखदु, वेको कारण यु च कि उ लुखुं तैं पछतौ कनु को बगत दींण चांद कि उ ऊं तैं उद्धार दे साक। जब हमारा प्रिय दगड़िया-विश्वासी पौलुस ल, जै बट्टी हम प्रेम करदा, तुम तैं वे ज्ञान को इस्तेमाल कन चयणु च जु पिता परमेश्वर ल वे तैं द्ये, त वेल भि तुम तैं यु ही बात बतै, जु मिल तुम तैं बतै।