1 पतरस 3:18 - गढवली नयो नियम

¹⁸ मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।

Garhwali

^18-19 हे मेरा भै-बैंणो, यीशु मसीह जु कि एक धरमी मनखि छौ, वेन सब अधरमी लोगु का पापों का खातिर एक बार ही दुख उठे। अर यू सब वेन इलै कैरी, ताकि उ तुम लोगु तैं पिता परमेस्वर का नजदीक लेके ऐ सैको। हालांकि, यीशु का सरील तैं नास किये गै, मगर वे बगत मा वेन कैद होईं आत्माओं का बीच मा भि जैके परचार कैरी। अर पिता परमेस्वर न अपणी आत्मा की ताकत से यीशु तैं मुरदो मा बटि ज्यून्द कैरी।

1 पतरस 3:18 ပူးပေါင်းရင်းမြစ်များ

मत्ती 27:19

जब उ न्याय आसण पर बैठयूं छो त वेकी घरवलि ल वेकु सवाल भेजि कि “तु वे धर्मी का मामला मा हथ नि डाली किलैकि मिल आज सुपन्या मा वेका कारण भौत दुःख उठै।”

मत्ती 27:24

जब पिलातुस ल देखि कि कुछ नि हवे सकदु पर हल्ला और जादा बडणु च त वेल पांणी ले के भीड़ का संमणी अपड़ा हथ ध्वे के बोलि, “मि यु धर्मी की ल्वे से निर्दोष छौं अब तुम ही जांणा।”

यूहन्ना 16:10

यु साबित करद की यीशु धर्मी च अर वेका बारा मा इलै कि मि पिता परमेश्वर मा जांणु छौं अर तुम मि तैं फिर नि दिखल्या

खास चेलों 22:14

“तब वेल बोलि, हमारा पूर्वजों का परमेश्वर ल त्वे तैं इलै ठैरयूं च की तु वेकी इच्छा तैं जांणि लये, अर तू वे धर्मी आदिम मसीह तैं देख अर वेकी आवाज तैं सूंण।

खास चेलों 3:14

तुम ल वे पवित्र अर धर्मी को इंकार कैरी अर बिनती कैरी की एक हत्यारो तुम कु छुड़े जौं

रोमियों 1:4

अर पवित्र आत्मा का भाव बट्टी मुरयां मा बट्टी ज्यून्दा हूंण का कारण सामर्थ का दगड़ी पिता परमेश्वर कु नौंनो ठैरी, उ यीशु मसीह हमारो प्रभु च।

रोमियों 4:25

मसीह यीशु हमारा पापों कु मरै जांणु कु पकड़वै गै अर परमेश्वर ल हम तैं अफ दगड़ी धर्मी बनांणु कु वे तैं फिर से ज्यूँदो कैरी।

रोमियों 5:2

हमारा विश्वास का कारण, मसीह ल हम तैं इन दया मा लये जख हम अब खड़ा छा, अर हम विश्वास अर आनन्द का दगड़ी पिता परमेश्वर कि बड़ै तैं साझा कनु कु आस दिखणां छा।

रोमियों 8:11

अर जु पिता परमेश्वर कु पवित्र आत्मा जैल यीशु तैं मुर्दों मा बट्टी ज्यूँदो कैरी तुम मा बस्युं च; त जैल मसीह तैं मुर्दों मा बट्टी ज्यूँदो कैरी, जु तुम मा बसयूं च उ तुम्हरा नाशवान देह तैं भि अपड़ा आत्मा का द्वारा ज्यूँदो करलो।

रोमियों 8:3

किलैकि जु काम मूसा कि व्यवस्था हमारा पापमय स्वभाव बट्टी कमजोर हवे कै नि कैर साकी, वे तैं पिता परमेश्वर ल कैरी, मतलब अपड़ा ही नौंना मसीह यीशु तैं हमारा पापी देह का समान बणै के, अर हमारा पापों कु बलिदान हूंणु कु भेजि द्ये अर अपड़ा नौंना का देह का बदला मा पिता परमेश्वर ल पाप सामर्थ तैं तोड़ी द्ये।

2 कुरिन्थि 1:24

यु न, कि हम विश्वास का बारा मा तुम पर प्रभुता जतांण चदयां; पर तुम्हरा आनन्द मा मददगार छा किलैकि तुम विश्वास बट्टी ही मजबूत हूंणा छा।

2 कुरिन्थि 13:4

उ कमजोरी का कारण सूली पर चढ़ै त गै, फिर भि पिता परमेश्वर की सामर्थ बट्टी ज्यूँदो च, हम भि उन ही कमजोर छा जन मसीह छो; पर तुम अनुभव करला कि हम पिता परमेश्वर की सामर्थ का द्वारा मसीह का दगड़ी जीवित छा।

2 कुरिन्थि 5:21

मसीह पाप बट्टी अनजान छो, वे तैं ही पिता परमेश्वर ल हम कु पापी ठैरे, कि हम पिता परमेश्वर की नजर मा धर्मी बंणि जां किलैकि मसीह ल हमारा पापों कु दण्ड अपड़ा मथि लै।

गलातियों 1:4

हमारा परमेश्वर अर पिता की मनसा का अनुसार मसीह यीशु ल अपड़ा आप तैं हमारा पापों का कारण बलिदान कैरी दींनि, कि उ हम तैं ऊं बुरी शक्तियों बट्टी छुड़ो जु आज दुनिया मा काम कनी छिनी।

गलातियों 3:13

मसीह जु हम कु श्रापित हवे, हम तैं मोल ले के मूसा की व्यवस्था का श्राप बट्टी छुड़ै किलैकि परमेश्वर का वचन मा लिख्युं च, “जु कुई सूली पर लटकये जांदु उ श्रापित च।”

इफिसुस 3:12

मसीह का दगड़ी हमारा जुड़णा का कारण अर वे पर हमारा विश्वास कि वजह बट्टी, अब हम परमेश्वर कि उपस्थिति मा हिम्मत अर आत्मा विश्वास बट्टी ऐ सकदा छा।

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

इब्रानी 9:14

जरा सोचि के देखा, कि मसीह कु ल्वे हमारा दिलों तैं ऊं कामों बट्टी कथग शुद्ध करलो जु मौत का तरपां लिजांदी, कि हम जीवित पिता परमेश्वर की आराधना कैरी साका; किलैकि हमेशा की आत्मा की सामर्थ का द्वारा, मसीह ल हमारा पापों कु अपड़ा आप तैं एक सिद्ध बलिदान का रूप मा पिता परमेश्वर तैं भेंट का रूप मा चढ़ै।

इब्रानी 9:28

उन ही के, मसीह भि भस एक बार बलि चढ़ै गै कि उ सभि लुखुं का पापों तैं दूर कैरी के उद्धार करलो; जब उ दुबरा आलो तब उ पाप कु बलिदान हूंणु कु न बल्कि ऊं तैं बचांणु कु ऐ जु वेको जग्वाल कना छा।

याकूब 5:6

तुम ल धर्मी तैं भंगारी ठैरे कै वे तैं मारि डाली, जु कि तुमारो विरोध नि करदो।

1 पतरस 3:19

तब वेकी आत्मा ल जै के ऊं आत्माओं मा शुभ संदेश प्रचार कैरी जु वीं जगह पर पिता परमेश्वर का द्वारा कैद किये गै छा, जख मुरयां लुखुं की आत्माएँ छिनी।

1 पतरस 4:1

इलै, जब मसीह ल अपड़ा देह मा रै के दुःख सै, इलै तुम तैं भि वीं ही स्वभाव का दगड़ी दुःख सौणु कु तैयार रौंण चयणु च जु वेमा च। किलैकि जु तुम मसीह कु दुःख सौणु कु तैयार छा किलैकि तुम मसीह का छा, त तुम ल पाप नि कनु को फैसला कैरेले।

1 पतरस 4:6

यु ही कारण च कि मुरयां लुखुं ल भि मसीह का बारा मा शुभ सन्देश प्रचार सुणै। ऊंका देहों तैं सभि लुखुं जन मुरण पोड़ी, पर अब उ आत्मा मा हमेशा पिता परमेश्वर का दगड़ी राला।

1 यूहन्ना 1:9

जु हम अपड़ा पापों तैं पिता परमेश्वर का संमणी मणिल्या, त पिता परमेश्वर हमारा पापों तैं माफ कन, अर हम तैं सभि अधर्म बट्टी शुद्ध कन मा विश्वासयोग्य अर धर्मी च।