1 पतरस 2:4 - गढवली नयो नियम

^4-5 अब तुम प्रभु यीशु का संमणी अयां छा। उ एक घौर का कूणा पर रखयां जरूरी ढुंगा का जन च, पर उ ज्यूँदो ढुंगा का जन च। कई लुखुं ल वे तैं अस्वीकार कैरेले छो, पर पिता परमेश्वर ल वे तैं चुणि अर वे तैं भौत अनमोल मणदो। अर जन के लोग ढुंगों ल घौर बंणौंदींनि, उन के ही पिता परमेश्वर तुम तैं एक दगड़ा मा एक झुण्ड मा जुड़णु च जै मा पिता परमेश्वर को आत्मा रौंद, कि जु यीशु मसीह ल हम कु कैरी, वेका द्वारा तुम ऊं याजकों का जन जु बलिदान चढ़ौदींनि, इन काम कैरा जु पिता परमेश्वर तैं खुश करदींनि।

Garhwali

⁴ अर प्रभु यीशु ज्यून्द ढुंगो च, जैतैं मनखियों न नकारी कैरी, मगर पिता परमेस्वर न वेतैं चुणी अर वे खुणि उ भौत जादा कीमती च। अर जब तुम वे ज्यून्दा ढुंगा का पास औन्द्‍यां,

1 पतरस 2:4 ပူးပေါင်းရင်းမြစ်များ

मत्ती 11:28

हे सब मेनत कन वलो अर बोझ से दबयां लुखुं मि मा आवा, मि तुम तैं विश्राम दयुलु।

मत्ती 12:18

“देखा यु मेरू सेवक च जै तैं मिल चुणि मेरू प्रिय जै बट्टी मेरू ज्यू खुश च मि अपड़ो आत्मा वे पर डलुलु अर उ सभि जातियों तैं न्याय को शुभ संदेश प्रचार दयालो।

मत्ती 21:42

यीशु ल ऊंमा बोलि “क्य तुम ल कभि परमेश्वर का वचन मा यु नि पढ़ी; जै ढुंगा तैं राजमिस्त्रियों ल निकम्मु ठैरे छो उ ही कोंणा को ढुग्गो हवे गै यु प्रभु कि तरपां बट्टी हवे अर हमारो दिखण मा अनोखु च।

यूहन्ना 14:19

जरा ही बगत मा दुनिया मि तैं नि दिखल्या, तुम मि तैं दिखल्या किलैकि मि फिर से ज्यूँदो हवे जालो अर इलै तुम भि ज्यूँदो रैला।

यूहन्ना 14:6

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

यूहन्ना 5:26

किलैकि जैं रीति बट्टी पिता परमेश्वर अफ मा जीवन रखदु च वीं रीति बट्टी वेल मि तैं भि यु अधिकार दियुं च कि अपड़ा आप मा जीवन रखु

यूहन्ना 5:40

यु सब हूंण पर उ ही तुम अनन्त जीवन पांणु कु मि मा आंण नि चदयां।

यूहन्ना 6:37

जु कुछ पिता परमेश्वर मि तैं दींद उ सब मि मा आलो अर जु कुई मि मा आलो वे तैं मि कभि नि निकललु।

यूहन्ना 6:57

मेरा पिता परमेश्वर जैल मि तैं भेजि उ जीवन दींद जन वेल मि तैं जीवन दये वे जन मि भि वे आदिम तैं जीवन दयुलु जु मेरी देह तैं खांदु।

रोमियों 5:10

किलैकि जब हम पिता परमेश्वर का दुश्मन छा त वेका नौंना मसीह यीशु कि मौत का द्वारा हमारो मेल मिलाप परमेश्वर का दगड़ी हवे, इलै हम निश्चित रूप बट्टी यु जांणि सकदा छा कि अब जबकि हमारो वे दगड़ी मेल मिलाप च त उ हम तैं बचालो किलैकि मसीह ज्यूंदों च।

1 कुरिन्थि 3:11

जु यु घौर बणये जांणु च, यीशु मसीह ही वे घौर की नींव च; उ एकमात्र आधार च, यांको मतलब च, यीशु मसीह ही एकमात्र रस्ता च ज्यां बट्टी लोग पिता परमेश्वर तैं जांणि सकदींनि पर हर एक मनिख चौकस रौ, कि उ वीं बुनियाद पर वे घौर तैं कन के बनांणु च।

कुलुसी 3:4

जब मसीह जु कि हमारो जीवन च दुनिया मा वापिस आलो, तब तुम भि वेका दगड़ा मा महिमा दगड़ी प्रगट किये जैला।

1 पतरस 1:7

यूं मुसिबतों कु उद्देश्य यु दिखांण च कि क्य तुम सच मा पिता परमेश्वर पर विश्वास करदा छा। यीशु मसीह मा तुम्हरो विश्वास सोना बट्टी भि जादा कीमती च। जन नाश हूंण वला सोना तैं आग मा परखै जांद अर शुद्ध किये जांद, उन ही तुम जु तुम्हरो विश्वास आग की अजमैशों का द्वारा परखै जांणा का बाद भि मजबूत रांदो, त यु वे दिन तुम तैं भौत प्रशंसा अर महिमा अर सम्मान दिलालो जब यीशु मसीह फिर से आलो।

1 पतरस 2:7

यु ढुंगो तुम कु भौत कीमत च जु यीशु मसीह पर विश्वास करदींनि। पर जु लोग वे पर विश्वास नि करदींनि, ऊंका बारा मा पिता परमेश्वर कु वचन बुल्द कि, “राजमिस्त्रियों ल जै ढुंगो कु इस्तेमाल कन से मना कैरी दींनि, वीं इमारत की नींव मा सबसे जरूरी ढुंगो बंणि गै।”

2 पतरस 1:1

मि, शमौन पतरस, जु यीशु मसीह कु सेवक अर प्रेरित छो, मि तुम सभियूं कु लिखणु छो जु वे कीमती विश्वास तैं बंटदियां जु हम म च, उ विश्वास जु हमारा पिता परमेश्वर अर उद्धारकर्ता यीशु मसीह का द्वारा हम तैं दिये गै, जु हम तैं पिता परमेश्वर का दगड़ी सै ठैरांद, ऊं विश्वासी लुखुं का नौं जौनु हमारा पिता परमेश्वर अर उद्धारकर्ता यीशु मसीह की धार्मिकता ल हमारा जन कीमती विश्वास पै।

2 पतरस 1:4

वे ही शक्तिशाली सामर्थ का द्वारा, पिता परमेश्वर ल हम तैं अपड़ा भौत सैरा अच्छा अर अद्भुत करार करिनी। कि यूं वरदानों को इस्तेमाल कैरी के हम दुनिया की ऊं बुरी इच्छाओं बट्टी बच सैका जु लुखुं तैं नाश करदी, अर पिता परमेश्वर का स्वभाव का भागि हवे साका।