1 पतरस 2:24 - गढवली नयो नियम

²⁴ जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां

Garhwali

²⁴ अर यीशु न हमरा सब पापों तैं अपणा सरील मा ले अर क्रूस कि मौत तैं सै, ताकि हम अपणा पापों खुणि मोरि जां, अर परमेस्वर की नजर मा अच्छा कामों खुणि जीवन ज्या। अर वेका मार खाण से ही तुम खूब होयां।

1 पतरस 2:24 ပူးပေါင်းရင်းမြစ်များ

मत्ती 27:26

ईं बात पर पिलातुस ल बरअब्बा तैं ऊंकु छोड़ी दींनि अर यीशु तैं कोड़ा मरवै कै रोमी सैनिको तैं सौंपी दींनि कि उ सूली पर चड़ैये जौं।

मत्ती 5:20

मि तुम मा बुल्ण छौं कि तुम स्वर्ग का राज्य मा तभि प्रवेश कैर सकदा जब तक तुम्हरी धार्मिकता मूसा की व्यवस्था तैं सिखांण वलो अर फरीसियों की धार्मिकता बट्टी बढ़ि कै नि हो।

मत्ती 8:17

इलै की जु वचन यशायाह परमेश्वर का तरपां बट्टी बुल्ण वला का द्वारा बुलै गै छो उ पूरो हो, “कि वेल अपड़ा मथि हमारी कमजोरियों तैं लींनि अर हमारी बिमारियों तैं अपड़ा मथि उठैनि।”

मरकुस 15:15

तब पिलातुस ल भीड़ तैं खुश कने मनसा से बरअब्बा तैं ऊंकी खातिर छोड़ी दींनि अर यीशु तैं कोड़ा मरवै कै रोमी सैनिको तैं सौंपी दींनि कि उ सूली पर चढ़ै जौ।

लूका 4:18

परमेश्वर की आत्मा मि पर च इलै की वेल कंगालों तैं शुभ संदेश सुणौंणु कु मेरू अभिषेक कैरी अर मि तैं इलै भेजि कि कैदियों तैं छुटकारा कु अर अंधों तैं आंखा दींणु कु शुभ सन्देश प्रचार कैर अर दबयां लुखुं तैं छुणौं।

यूहन्ना 1:29

दुसरा दिन यूहन्ना ल यीशु तैं अपड़ी तरपां औंण देखि के बोलि, देखा यु परमेश्वर कु चिनखो दुनिया का पापों तैं ले के जांद।

यूहन्ना 19:1

यां पर पिलातुस ल सिपैयूं तैं आज्ञा दे के, की यीशु तैं लिजा अर वे पर कोड़ा मारा।

खास चेलों 10:35

पर हर अन्य-जाति जु पिता परमेश्वर बट्टी डरदु च अर धार्मिकता को काम करदो, पिता परमेश्वर ऊं तैं स्वीकार करद।

खास चेलों 10:39

अर हम प्रेरित लुखुं तैं ऊं सभि कामों का बारा मा बतौंदयां, जु हम ल यीशु तैं यहूदिया अर यरूशलेम शहर मा करदी देखि छा, अर यहूदी अगुवों ल यीशु तैं सूली पर चढै कै मारि दींनि।

खास चेलों 13:29

अर जब ऊंल उ सब कैरी जु पिता परमेश्वर के वचन मा लिखै गै छो, ज्यांमा वे तैं वे सूली पर मुरण शामिल छो जु उ उठै के लीगि छो।

खास चेलों 5:30

हमारा पूर्वजों का पिता परमेश्वर ल यीशु तैं मुर्दों मा बट्टी ज्यूँदो कैरी द्ये जै तैं तुम ल सूली पर लटकै के मारि डाली छो।

रोमियों 6:11

इन ही तुम भि अपड़ा आप तैं पाप का जकड़ मा मुरयूं समझा, पर परमेश्वर कु मसीह यीशु मा परमेश्वर की सेवा कनु कु ज्यून्दा छा समझा।

रोमियों 6:13

अर न अपड़ा देह का अंगों तैं बुरा मकसद कु इस्तेमाल हूंणु कु सुपूर्त नि कैरा, पर अपड़ा आप तैं मुर्दों मा बट्टी ज्यूँदो समझी के अपड़ा जीवन परमेश्वर तैं सौंपी द्यां, अर अपड़ा देह का अंगों तैं धार्मिक मकसद कु इस्तेमाल हूंणु कु अपड़ा जीवनों तैं पूरा ढंग से पिता परमेश्वर तैं सौंपी द्यां।

रोमियों 6:16

तुम जंणदा छा कि जब तुम अपड़ा आप तैं कैका गुलाम हूंणु कु दे दींदयां त उ मनिख तुमारो स्वामी हवे जांद, अर तुम तैं इन ही कन चयणु च जु उ बुल्द; तुम पाप का दास हवे सकदा छा जु मृत्यु का तरपां लीजांद, या फिर तुम परमेश्वर की आज्ञा कु पालन कनु कु चुनाव कैरी सकदां, जु धर्मी जीवन कि तरपां लीजांद।

रोमियों 6:2

न! बिल्कुल न! हम पाप कु मोरि ग्यां, अर इलै हम तैं पापमय काम नि कन चयणा छिनी।

रोमियों 6:22

पर अब पाप बट्टी आजाद हवे कै पिता परमेश्वर का दास बंणि के, अब तुम ऊं कामों तैं करदा जु पवित्रता कि तरपां लीजांद, अर वेको अंत अनन्त जीवन च।

रोमियों 6:7

जब हम मसीह का दगड़ी मोरि ग्यां त हम पाप का वश बट्टी भि मुक्त हवे ग्यां।

रोमियों 7:6

पर हम वीं व्यवस्था कु मोरि ग्यां जैल एक बार हम तैं बंधि बंणै येलि छों, अब वीं व्यवस्था बट्टी छुटी ग्यां, अब हम पिता परमेश्वर कि सेवा पुरणी रीति बट्टी लिख्यां व्यवस्था का मनणु का द्वारा नि करदां, बल्कि पवित्र आत्मा का द्वारा एक नई रीति मा सेवा करदां।

1 कुरिन्थि 15:3

इलै मिल तुम तैं उ सबसे जरुरी शुभ संदेश बतै जु मि तैं प्रभु यीशु बट्टी मिली छो; उ शुभ संदेश यु च; कि परमेश्वर का वचन का अनुसार यीशु मसीह हमारा पापों कु मोरि।

2 कुरिन्थि 6:17

इलै प्रभु हम बट्टी अपड़ा वचन मा बुल्द, “ऊं लुखुं का बीच बट्टी भैर ऐ जा जु पिता परमेश्वर का पिछनै नि चलदींनि। अर जु रावा; अर उ चीज जु मिल अशुद्ध अर वर्जित करिनि ऊं बट्टी दूर रयां, त मि तुम तैं स्वीकार करुलु;

गलातियों 3:13

मसीह जु हम कु श्रापित हवे, हम तैं मोल ले के मूसा की व्यवस्था का श्राप बट्टी छुड़ै किलैकि परमेश्वर का वचन मा लिख्युं च, “जु कुई सूली पर लटकये जांदु उ श्रापित च।”

इफिसुस 5:9

किलैकि जु कुई मनिख उज्यला मा च, त वेको बरतौ अच्छो अर धार्मिक हूंद अर वे पर भरोसो किये जै सकदु च,

फिलिप्पी 1:11

यीशु मसीह का द्वारा पैदा हूंण वला धार्मिकता का कामों तैं अपड़ा भितर भोरि लय, जु यीशु मसीह मा पये जंदींनि ज्यां ल पिता परमेश्वर कि बड़ै हूंणी रौ।

कुलुसी 2:14

यु इन छो जन पिता परमेश्वर ल हमारा पापों का दोषपत्र तैं मिटै येले, ज्यांमा हमारा खिलाफ भंगार लिख्यां छा, जब मसीह सूली पर चढ़ै गै तब वेल वे दोषपत्र तैं पूरो हटै दींनि।

कुलुसी 2:20

किलैकि तुम्हरो पापमय स्वभाव मसीह का दगड़ा मोरि गै, इलै अब तुम तैं ईं दुनिया का ज्ञान अर बेकार की बातों तैं मनणै की जरूरत नि च। त फिर तुम किलै अभि भि यूं शिक्षाओं कु पालन करदा, जन कि अभि भि दुनिया तुम तैं नियंत्रित कनी हो?

कुलुसी 3:3

किलैकि, तुम अपड़ा पापी स्वभाव कु मोरि ग्यां, अर तुमारो नयो जीवन मसीह का दगड़ी पिता परमेश्वर मा छिप्युं च।

इब्रानी 10:5

इलै मसीह दुनिया मा आंण बगत बुल्द, तू बलिदान अर भेंट नि चांदी; उ बलिदान जु जानवरों तैं पूरा ढंग से जलै कै चढै जांद, अर उ बलिदान जु पापों की माफी कु भेंट का रूप मा चढै जांद, उ पिता परमेश्वर त्वे तैं खुश नि करद। पर तिल मि तैं एक मनिख बणै।

इब्रानी 12:13

अर इख अर उख दिखणां का बजाय, तुम यीशु का संमणी पौंछण वली सीधी सड़क पर चलदी रावा, कि हमारा बीच मा जु लोग आत्मिक रूप मा कमजोर छिनी, उ भटकी नि जां, पर ऊंको विश्वास मजबूत बंणि जौं।

इब्रानी 7:26

किलैकि यीशु इन महायाजक च जै की हम तैं जरूरत च; उ पवित्र च, अर पापरहित च, अर शुद्ध च, अर वे तैं स्वर्ग मा मथि उठै गै।

इब्रानी 9:28

उन ही के, मसीह भि भस एक बार बलि चढ़ै गै कि उ सभि लुखुं का पापों तैं दूर कैरी के उद्धार करलो; जब उ दुबरा आलो तब उ पाप कु बलिदान हूंणु कु न बल्कि ऊं तैं बचांणु कु ऐ जु वेको जग्वाल कना छा।

याकूब 5:16

इलै एक हैंका का संमणी अपड़ा-अपड़ा पापों तैं मंणिल्या; अर एक दुसरा कु प्रार्थना कैरा, ज्यां बट्टी बिमार ठिक हवे जौं; धर्मी जन की प्रार्थना मा भौत सामर्थी च अर वे बट्टी अद्भुत प्रणाम मिल्दा।

1 यूहन्ना 2:29

किलैकि तुम जंणदा छा, कि मसीह धर्मी च, त यु भि जांणि ल्या, कि जु कुई धार्मिकता को काम करदो, उ पिता परमेश्वर कि सन्तान च अर वे बट्टी पैदा हुयुं च।

1 यूहन्ना 3:7

प्रिय नौंनो कैका भरमांण मा नि अयां; जु धार्मिकता को काम करदो, उ ही यीशु का जन धर्मी च।

दिब्य दरस 22:2

गाड वे शहर की सड़क का बीचों-बीच बुगदी, अर पांणी का कै भि छाला पर जीवन दींणवला डालों तैं देखै जा सकद। अर हर मैना यु अलग-अलग किस्म का फलों तैं दींदिनि अर येका पत्ता इन दवै कु काम करदींनि जु धरती का जातियों का लुखुं तैं ठिक कैर सकदींनि।