1 पतरस 2:20 - गढवली नयो नियम

²⁰ पर जु तुम तैं गलत कनु कु पिटे जांद, त दण्ड मिलण पर धीरज रखण मा तुम्हरी प्रशंसा कनु कु कुई कारण नि च। पर जु भलै कना का कारण तुम दुःख सौंदयां अर धीरज रखदां, त पिता परमेश्वर खुश हूंद।

Garhwali

²⁰ अर अगर जु तुम गळत काम करण की वजै से मार खन्द्‍यां अर दुख तैं चुपचाप से सौन्द्‍यां, त या मा तुमरि तारीफ कि कुई बात नि च, पर अगर जु तुम भला काम करण का बाद भि दुख सौन्द्‍यां, त ईं बात का बदला मा पिता परमेस्वर तुमतै आसीस द्‍यालु।

1 पतरस 2:20 ပူးပေါင်းရင်းမြစ်များ

मत्ती 26:67

तब ऊंल यीशु का मुक पर थूकि अर वे पर मुक्का मना अर कुछों ल थप्पड़ मारि के बोलि

मत्ती 5:47

अर जु तुम भस अपड़ा विश्वासी भयों तैं प्रणाम करदी, त कौन सी बड़ो काम करदी, यु त गैर-यहूदी भि जु परमेश्वर की नियम कु पालन नि करदींनि उ भि इन ही करदींनि?

मरकुस 14:65

तब कुई त वे पर थुकण कुई वेको मुक ढकाण अर वे पर मुक्का मरण लगि गैनी अर बुल्ण लगि गैनी कि “भविष्यवाणि कैर”अर यु बोलि के वेको ठट्टा कन बैठी गैनी अर मंदिर का सिपैयूं ल वे तैं पकड़ी के थपड़ मरिनि।

लूका 6:32

जु तुम अपड़ा ही प्रेम रखण वलो का दगड़ी प्रेम रखिल्या त तुमारी क्य बढ़ै? किलैकि पापी भि अपड़ा प्रेम कन वलो बट्टी प्रेम करदींनि।

1 कुरिन्थि 4:11

हम आज तक भि भुखी, तिस्सी छा अर फटयां पुरणा कपड़ोंं मा छा, अर हम दगड़ी बुरो बरतौ हूंणु च, अर हम मा रौंणु कु भि घौर भि नि च।

गलातियों 4:18

हमेशा ही भला उद्देश्य कु खुश हूंण अच्छो हूंद अर भस वे ही बगत न, जब मि तुम दगड़ी रौंदु।

इफिसुस 5:10

जनणै कि कोशिश कैरा कि क्य पिता परमेश्वर तैं खुश करद।

फिलिप्पी 4:18

मि मा सब कुछ च, बल्कि बिज्यां च; जु दान तुम ल इपफ्रुदीतुस का हथ का द्वारा भेजि छो वे तैं पै के मि तृप्त हवे ग्यों, तुम ल पिता परमेश्वर तैं एक बलिदान चढ़ै जु मिठी सुगंध दींद उ यु तैं स्वीकार करदो, अर या वे तैं भौत खुश करदी।

1 पतरस 2:19

किलैकि जु हम दुःख सौंदा चाहे हमारी कुई गलती न हो, पर हम भस इलै सौंदा किलैकि हम जंणदा कि पिता परमेश्वर सभि कुछ जंणदु च, त पिता परमेश्वर हम बट्टी खुश हूंद।

1 पतरस 3:14

पर जु हम तैं अपड़ा धर्मी बरतौ का कारण दुःख मिल्दो भि च, त हकीकत मा हम धन्य होला। इलै, जु इन लोग छिनी जु हम तैं डरौंदींनि, त ऊं बट्टी नि डैरा अर नि घबरा।

1 पतरस 3:17

कभी-कभी पिता परमेश्वर तुम पर परेशानियां अर दर्द आंण दींद जबकि तुम ल अच्छा काम करिनि। पर यु ऊं परेशानी अर दर्द बट्टी बढ़िया च जु यु कारण औंदींनि किलैकि तुम ल बुरा काम करिनि।