1 पतरस 1:5 - गढवली नयो नियम

⁵ पिता परमेश्वर अपड़ी बड़ी सामर्थ बट्टी तुम तैं सुरक्षित रखण चांद किलैकि तुम यीशु पर विश्वास रखदा अर उ अंतिम दिन तक जब मसीह वापिस आलो, तुम तैं सुरक्षित रखणु रालो। तब तुम जांणि जैला कि पिता परमेश्वर ल तुम तैं पाप अर मौत बट्टी पूरा ढंग से उद्धार द्ये।

Garhwali

⁵ अर तुमरा बिस्वास करण का खातिर ही परमेस्वर अपणी ताकत से तुमरि हिफाजत कनु च, ताकि न्याय को दिन जु कि परगट होण वळु च वेमा उ तुमतै बचै सैको।

1 पतरस 1:5 ပူးပေါင်းရင်းမြစ်များ

यूहन्ना 12:48

जु मि तैं तुच्छ जंणदु च अर मेरी बात स्वीकार नि करदु च इन कुछ नि च जु मि तैं अस्वीकार कन वलो कु न्याय करलो मतलब जु वचन मिल बोलि छो, वे अंतिम दिनों मा वे तैं भंगारी ठैरालो।

यूहन्ना 17:15

मिल परमेश्वर बट्टी प्रार्थना नि कैरी, की तु ऊं तैं जगत बट्टी उठै येले, पर यु की तु ऊं तैं वे दुष्ट शैतान बट्टी ऊं की रक्षा कैर।

यूहन्ना 4:14

पर जु कुई वे पांणी मा बट्टी प्यालो जु मि वे तैं दयुलु उ फिर अनन्तकाल तक तिसालो नि होलो पर जै पांणी मि वे तैं दींदु उ वेमा एक सोता बण जालो, जु अनन्त जीवन कु पांणी दींदो रालो।

यूहन्ना 5:24

मि तुम मा सच-सच बुल्णु छौं जु मेरू वचन सूंणि के मेरा भिजण वला पर विश्वास करदो अनन्त जीवन वेकु च अर वे पर दण्ड नि दिये जालो पर उ अनन्तकाल की मौत बट्टी बची जालो अर पैली बट्टी ही वेल अनन्त जीवन मा प्रवेश कैरी येले।

रोमियों 11:20

यु सच च, उ त अविश्वास का कारण तुड़ै गै, पर तु विश्वास मा बणयूं रौंदी इलै घमंडी नि हो, पर डौर मांण,

रोमियों 8:18

मि तैं पता च, कि मि कु या बात साफ च कि जु बडै पिता परमेश्वर हम तैं बाद मा दयालु, उ दुःख वे बट्टी बड़ो च जु हम अब सौणा छा।

1 कुरिन्थि 1:21

मि इन इलै बुल्णु छों, किलैकि पिता परमेश्वर ल समझदारी का दगड़ी यु निर्णय लये कि ई दुनिया का लोग अपड़ी काबलियत ल वे तैं जनण मा सक्षम नि छिनी। इलै पिता परमेश्वर ल ऊं लुखुं तैं बचौणु कु जु हमारा द्वारा प्रचार किये गै शुभ संदेश तैं मणदींनि, अर जु लोग यु नि मणदींनि उ बुल्दींनि कि हमारा उपदेश कु कुई फैदा नि च।

2 कुरिन्थि 1:24

यु न, कि हम विश्वास का बारा मा तुम पर प्रभुता जतांण चदयां; पर तुम्हरा आनन्द मा मददगार छा किलैकि तुम विश्वास बट्टी ही मजबूत हूंणा छा।

गलातियों 2:20

मि मसीह का दगड़ी सूली पर चड़ैये ग्यों अर मि नि रौं जु अब भि ज्यूंदों च, बल्कि उ मसीह च जु मि मा ज्यूंणु च। अर जन के मि ज्यूंणु छों अब मि पिता परमेश्वर का नौंना पर विश्वास कैरी कै ज्यूँदो छौं, जु मि बट्टी इथग प्रेम करदो कि वेल मेरा खातिर अपड़ी जान दे दींनि।

इफिसुस 2:8

किलैकि जब तुम ल विश्वास कैरी त पिता परमेश्वर ल अपड़ी दया ल तुम तैं बचैयेले, अर तुम ल अपड़ा आप तैं नि बचै, बल्कि यु पिता परमेश्वर कु दान च;

इफिसुस 3:17

अर विश्वास का द्वारा मसीह तुमारा मनों मा ज्यूंदों रो जन तुम वे पर विश्वास रखिला, कि तुम प्रेम मा मजबूत बणदी जावा, जु तुम तैं लमडण बट्टी बचांदु।

फिलिप्पी 1:6

मि तैं ईं बात कु पूरो भरोसो च, कि पिता परमेश्वर ल तुम मा भलो काम कन शुरू कैरी, उ ही वे काम तैं मसीह यीशु का औंणा का दिन तक पूरो भि करलो।

फिलिप्पी 4:7

तब पिता परमेश्वर कि शान्ति, ज्वा मनिख का सैरी समझ बट्टी भैर च, तुमारा ह्रदय अर तुमारा विचारों तैं मसीह यीशु मा सम्भालि के रखली।

2 तीमुथियुस 3:15

छुटा बट्टी ही तिल पिता परमेश्वर का वचन तैं जांणि, जु त्वे तैं मसीह यीशु पर विश्वास कन अर उद्धार कु ज्ञान दींण लैक च।

तीतुस 2:13

हम इन बरतौ कैरा, जब हम आस का दगड़ी वे महान दिन का जुगाल करदां जब यीशु मसीह, जु हमारा महान पिता परमेश्वर अर उद्धारकर्ता च, अपड़ी सैरी महिमा का दगड़ी धरती पर वापिस आलो।

इब्रानी 9:28

उन ही के, मसीह भि भस एक बार बलि चढ़ै गै कि उ सभि लुखुं का पापों तैं दूर कैरी के उद्धार करलो; जब उ दुबरा आलो तब उ पाप कु बलिदान हूंणु कु न बल्कि ऊं तैं बचांणु कु ऐ जु वेको जग्वाल कना छा।

1 पतरस 1:13

इलै, अनु के सोचा अर अफ पर-भस रखणों कु अभ्यास कैरा (या, अच्छा ढंग से सोचा कि तुम क्य कन वला छा अर अफ तैं-वश मा रखा) वीं उद्धार की आस लगै के रखा जु दया ल आंदी जु तुम तैं दिए जालो जब यीशु मसीह फिर से वापिस दुनिया मा आलो।

1 पतरस 4:13

भस यांका बारा मा खुश रावा, किलैकि तुम तैं ऊं दुखों मा एक हिस्सा मिली जु मसीह तैं मिली छो। इलै, जब मसीह सभि लुखुं तैं अपड़ी महिमा प्रकट कनु कु दुबरा आलो त तुम्हरो आनन्द सच मा भौत बड़ो होलो।

1 पतरस 5:1

कुछ इन बात छिनी जु मि उख का पुरणा अगुवों बट्टी कन चांणु छो किलैकि मि भि तुम जन एक पुरणों अगुवा छो। मिल अफ भि ऊं दुखों तैं देख जु भौत बगत पैली मसीह ल सैनी। जब उ फिर वापिस आलो, त मि भि वेकी महिमा मा शामिल होलो अब मि तुम बट्टी बिनती कनु छो

2 पतरस 1:3

पिता परमेश्वर ल अपड़ी सामर्थ का द्वारा हम तैं उ सब द्ये जु हम तैं एक ईश्वरीय जीवन जींणु कु चयणी च जु पिता परमेश्वर तैं खुश करदी। यु संभव च किलैकि हम पिता परमेश्वर तैं जंणदा छा अर उ, उन ही च जैल हम तैं अपड़ी महिमा अर नैतिक अच्छै का द्वारा अपड़ा लोग हूंणु कु बुलै।

1 यूहन्ना 3:2

हे प्रियों, अब हम पिता परमेश्वर कि संतान छा, अर अब तक उ प्रगट नि हवे, कि भविष्य मा हम क्य कुछ बंणि जौला! इथग जंणदा, कि जब यीशु मसीह प्रगट होलो त हम भि वे जन होला, किलैकि हम वे तैं उन ही दिखला जन उ छै च।

यहूदा 1:1

मि यहूदा, जु यीशु मसीह कु एक सेवक अर याकूब कु छुटो भैय तुम तैं य चिठ्ठी लिखणु छो, जै तैं पिता परमेश्वर ल अपड़ा मथि विश्वास कनु कु बुलै। हमारो पिता परमेश्वर तुम बट्टी प्रेम करद अर तुम यीशु मसीह का द्वारा सुरक्षित छा।

यहूदा 1:24

एकमात्र पिता परमेश्वर ही च जु तुम तैं लमडण बट्टी बचै सकद, अर तुम तैं निर्दोष अर आनन्दित बणै सकद, जब पिता परमेश्वर तुम तैं अपड़ी महिमा मा अपड़ा संमणी खड़ो करद। वेल हम तैं हमारा उद्धारकर्ता प्रभु यीशु मसीह का द्वारा बचै। महिमा, गौरव, सामर्थ अर अधिकार बगत की शुरुआत बट्टी पैली ही वेको ही छो, अब भि वेको ही च, अर हमेशा कु वेको ही रालो। आमीन।