1 पतरस 1:17 - गढवली नयो नियम

¹⁷ जब तुम प्रार्थना करदा त तुम पिता परमेश्वर तैं अपड़ो पिता बुल्दा। पर याद रखा कि पिता परमेश्वर कै को पक्षपात नि करदो मतलब हर एक ल क्य-क्य कैरी। इलै जबकि तुम ईं धरती पर एक परदेशी हवे के रौंदा त तुम तैं ऊंका प्रति भौत सम्मान का दगड़ी रौंण चयणु च।

Garhwali

¹⁷ अर पिता परमेस्वर सब लोगु को न्याय बिना पक्षपात को करदु, इलै अगर जु तुम वेतैं पिता बोलि के प्रार्थना करद्‍यां, त हे मेरा भै-बैंणो, ईं बात तैं जाणि जा, कि जब तक तुम ईं धरती पर परदेसी लोगु की तरौं जीवन जीणा छाँ, तब तक वे परमेस्वर पर अपणी पूरि सरदा रखी के जीवन ज्या।

1 पतरस 1:17 ပူးပေါင်းရင်းမြစ်များ

मत्ती 16:27

जब मि मनिख कु नौंनो अपड़ा स्वर्गदूतों का दगड़ी अपड़ा बुबा कि महिमा मा आलो वे बगत उ हर एक तैं वेका कामों का अनुसार प्रतिफल दयालो।

मत्ती 22:16

अर ऊंल अपड़ा चेलों तैं हेरोदियों मा यु बुल्णु कु भेजि कि, “हे गुरु हम जंणदा छा कि तुम हमेशा सच बुल्दियां अर परमेश्वर का बारा मा सचै से सिखांदि अर त्वे तैं कैकी कुई परवाह नि च किलैकि तु मनिख्युं का मुक देखि के बात नि करदी।

मत्ती 6:9

इलै तुम इन कै पिता परमेश्वर बट्टी प्रार्थना कैरा करा, हे हमारा बुबा तु जु स्वर्ग मा छै तेरु नौं पवित्र मणै जौ

रोमियों 11:20

यु सच च, उ त अविश्वास का कारण तुड़ै गै, पर तु विश्वास मा बणयूं रौंदी इलै घमंडी नि हो, पर डौर मांण,

2 कुरिन्थि 1:2

मि प्रार्थना करदु कि, हमारा पिता परमेश्वर अर प्रभु यीशु मसीह का तरपां बट्टी तुम तैं कृपा अर शान्ति मिलदी रौ।

2 कुरिन्थि 5:6

इलै हम हमेशा निश्चित रौंदियां अर यु जंणदा; कि जब तक हम देह मा छा, तब तक हम प्रभु बट्टी दूर छा, जु स्वर्ग मा च।

2 कुरिन्थि 7:1

हे प्रियों, किलैकि पिता परमेश्वर ल हम तैं अपड़ा बच्चों का रूप मा स्वीकार कनु कु यु वादा कैरी, त आवा, हम अपड़ा आप तैं ऊं सभि बुरी चीजों बट्टी दूर कैरा, अर सभि रीति रिवाजों बट्टी बचा, अर पिता परमेश्वर की डौर मांणी कै आदर करां अर आवा हम पूरा ढंग से पवित्र हूंणु कु काम कैरा।

2 कुरिन्थि 7:11

ध्यान द्या कि पिता परमेश्वर की तरपां बट्टी अयां दुःख ल तुम मा क्य-क्य बदलाव कैरी; इन उत्सुकता भुरीं जल्दबाजी, अपड़ो पक्ष स्पष्ट कने की इन बड़ी इच्छा, अन्याय का प्रति इन गुस्सा, संकट का प्रति इन सावधानी, मि बट्टी मिलणै की इन जादा इच्छा, सेवा का प्रति इन उत्साह अर दुराचारी तैं दण्ड दींणु कु इन तेजी का द्वारा तुम ल यु साबित कैरेले कि सभि कुछ ठिक-ठाक कनु कु तुम ल कुई भि कमी नि छोड़ी।

गलातियों 2:6

यरूशलेम शहर की मण्डलि का ऊं अगुवों ल मेरी शिक्षाओं मा कुछ भि नि जोड़ी। ईं बात बट्टी मि तैं कुई फर्क नि पुड़दो कि उ अगुवा कु छिनी, किलैकि पिता परमेश्वर आदिम की सकल देखि के न्याय नि करद।

इफिसुस 1:17

मि प्रार्थना करदु छों, कि पिता परमेश्वर हमारा प्रभु यीशु मसीह कु महिमामय बुबा, तुम तैं आत्मा द्या जु तैं बुद्धिमान बंणै दयालो अर परमेश्वर तुम पर प्रकट करलो कि तुम वे तैं अच्छो के जांणि सका।

इफिसुस 3:14

इलै, मि पौलुस घुंडा टेकी के तुम कु पिता परमेश्वर बट्टी प्रार्थना करदु,

इफिसुस 6:9

ईं रीति बट्टी च स्वामियों, तुम तैं ऊं तैं धमकी नि दींण चयणी च, बल्कि तुम तैं अपड़ा सेवकों का दगड़ी वे ही रीति ल बरतौ कन चयणु च, जन मिल ऊं बट्टी बोलि छों, कि उ तुम दगड़ी बरतौ कैरा, किलैकि तुम जंणदा छा, कि ऊंको अर तुमारो दुयूं कु स्वामि स्वर्ग मा च, अर उ कैकी तरफदरी नि करदु।

फिलिप्पी 2:12

जब मि तुम दगड़ी छो तब तुम ल हमेशा पिता परमेश्वर की आज्ञा कु पालन कैरी अब जब मि दूर हवे ग्यों, त तुम तैं और भि बात मनण चयणी च। पिता परमेश्वर डौर का दगड़ी तुम मा बट्टी हर एक तैं ऊं चीजों तैं कन चयणु च जूं ऊं लुखुं कु सै च जौं तैं पिता परमेश्वर ल उद्धार द्ये अर बचै।

कुलुसी 3:25

किलैकि जु कुई बुरै कनु ही रौंदा, त पिता परमेश्वर वे तैं दंड दयालो, किलैकि पिता परमेश्वर कै को भि पक्षपात नि करद।

इब्रानी 12:28

इलै हम तैं जु राज्य मिली, उन ही हिलै जालो, हम तैं यांको पिता परमेश्वर कु आभारी हूंण चयणु च, जैका द्वारा हम भक्ति, अर डौर मांणी कै पिता परमेश्वर की इन आराधना कैरी साका जै बट्टी उ खुश हवे सकद।

इब्रानी 4:1

पिता परमेश्वर ल हम बट्टी वादा कैरी कि हम विश्राम की जगह मा जौला, इलै विश्राम की जगह मा प्रवेश कनु कु वादा अब भि च। त हम तैं भौत चौकस रौंण चयणु च; अर तुम म बट्टी कै तैं भि वे विश्राम की जगह पर जांण कु मौका नि छुड़ण चयणु च।

1 पतरस 2:11

हे प्रियों मि तुम बट्टी बिनती कनु छो कि तुम ई दुनिया मा परदेसियों अर यात्रियों का जन रौंणा छा। मि तुम बट्टी बिनती कनु छो कि ऊं सैरी पापमय शारीरिक इच्छाओं बट्टी बचा किलैकि उ तुम्हरा अपड़ा आत्मा का विरुद्ध हमेशा लड़दी रौंद।

1 पतरस 3:15

पर अपड़ा मनों मा मसीह कु आदर-सत्कार रखा, अर प्रभु का रूप मा वे तैं सम्मान द्या, अर हमेशा हर कै तैं जवाब दींणु कु तैयार रावा जु तुम बट्टी वीं आस तैं समझणु कु पुछदींनि जु सैरा विश्वासी कठ्ठा करदींनि, पर यु तुम नम्र अर सम्मान का दगड़ी कैरा। हमेशा उ ही कैरा जु सही च। फिर जु लोग तुम्हरा विरुद्ध बुरो बुल्दींनि, त उ ही शर्मिंदा होला जब उ मसीह का दगड़ी तुम्हरा सम्बंध का कारण तुम्हरो अच्छो बरतौ तैं दिखला।