1 यूहन्ना 5:20 - गढवली नयो नियम

²⁰ हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।

Garhwali

²⁰ अर हमतै पता च कि परमेस्वर को पुत्र ईं दुनियां मा ऐ, अर वेन हमतै सच्‍चा परमेस्वर तैं पछ्यणनै की समझ दिनी। अर अब हम सच्‍चा परमेस्वर का दगड़ा मा रौन्द्‍यां, किलैकि हम वेका पुत्र यीशु मसीह मा बणयां रौन्द्‍यां। अर उई सच्‍चु परमेस्वर अर सदनि को जीवन च।

1 यूहन्ना 5:20 ပူးပေါင်းရင်းမြစ်များ

मत्ती 13:11

यीशु ल जवाब दींनि, “तुम तैं त परमेश्वर का राज्य कि सचै की समझ दियीं च पर ऊं तैं नि दिईं।”

लूका 21:15

किलैकि मि तुम तैं इना बोल, अर बुद्धि दयुलु, कि तुमारा विरोधी सामना खंडन नि कैरी सकला।

लूका 24:45

तब यीशु ल परमेश्वर का वचन तैं जनणु कु ऊंकी समझ ऊं तैं समझण मा मदद कैरी।

यूहन्ना 1:18

परमेश्वर तैं कैल कभि नि देखि, भस वेका एकलौता नौंना ल जु सच मा परमेश्वर च, अर बुबा का सबसे नजिक च, वेल परमेश्वर तैं हम तैं दिखै।

यूहन्ना 10:30

मि अर पिता परमेश्वर एक ही छा।

यूहन्ना 14:20

जब मि ज्यूँदो हुलु तब तुम जणिल्या कि मि अपड़ा बुबा मा छौं अर तुम मि मा अर मि तुम मा रौंदु छौं।

यूहन्ना 14:23

यीशु ल वे तैं जवाब दींनि, “मि अफ तैं इन लुखुं तैं दिखांदु जु मि तैं प्रेम करदींनि अर जु मेरी शिक्षा कु पालन करदींनि अर हम औला अर वेका दगड़ी रोला।

यूहन्ना 14:6

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

यूहन्ना 14:9

यीशु ल वेमा बोलि, “हे फिलिप्पुस मि इथग दिनों बट्टी तुमारा दगड़ा मा छौं क्य तु मि तैं नि जंणदी? जैल मि देखु वेल बुबा तैं देखेलि। तू किलै बुल्णी छै कि बुबा हम तैं दिखै द्या?

यूहन्ना 15:4

तुम मि मा बंणयां रा अर मि तुम मा। जन फौंकि अंगूरों कि लगुली पर नि रौ त व अफी नि फलि सकदी वे जन तुम मि मा बंणयां नि रौंदा, तुम कुछ भि नि कैर सकदा।

यूहन्ना 17:14

मिल तेरु संदेश ऊं तैं दियुं च अर दुनिया का लुखुं बट्टी बैर कैरी, किलैकि जन मि दुनिया बट्टी जुड़यां छो, उ दुनिया बट्टी जुड़यां नि च।

यूहन्ना 17:25

हे धर्मी बुबा, दुनिया ल त त्वे तैं नि जांणि, पर मि त्वे तैं जंणदु छों, अर यूं चेलों ल भि जांणि कि तिल मि तैं भेजि।

यूहन्ना 17:3

अनन्त जीवन यु च की लोग त्वे तैं पैछणदो बल्कि भस एकमात्र सच्चो परमेश्वर तैं, अर यु की उ मि तैं जंणदु पैछणदो, बल्कि, यीशु मसीह तैं जै तैं तिल भेजि।

यूहन्ना 20:28

यु सूंणि कै थोमा ल जवाब दींनि, “हे मेरा प्रभु, हे मेरा परमेश्वर।”

यूहन्ना 8:42

यीशु ल ऊंमा बोलि, कि जु परमेश्वर तुमारो बुबा हूंदो त तुम मि बट्टी प्रेम रखदा किलैकि मि परमेश्वर कि तरपां बट्टी अयुं छौं, मि अफी नि अयुं छों पर वेल मि तैं भेजि।

खास चेलों 20:28

इलै तुम अपड़ी अर अपड़ा सैरा झुण्ड की जौं का बीच पवित्र आत्मा ल तुम तैं अध्यक्ष बणयूं च देखभाल करयां; कि तुम परमेश्वर की मण्डलि कि देखभाल करयां जु वेल अपड़ा ल्वे बट्टी मोल लियां छिनी।

रोमियों 9:5

अब्राहम, इसहाक अर याकूब ऊंका पूर्वज छिनी, अर जख तक मनिख स्वभाव कु संबंध च, मसीह खुद एक इस्राएली छों, पिता परमेश्वर जु सब पर राज्य करदो, वेकी हमेशा कु बडै हूंदी रौ। आमीन।

1 कुरिन्थि 1:30

पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

2 कुरिन्थि 5:17

इलै, जु कुई मसीह पर विश्वास करद त वेको एक नयो अस्तित्व च; पुरणो स्वभाव बीत गै; देखा, उ सभि नयो हवे गै।

इफिसुस 3:18

अर पिता परमेश्वर का सभि लुखुं का दगड़ी, तुम यु जांणि पैल्या कि मसीह हम तैं भौत प्रेम करदु, वेको प्रेम कभी खत्म नि हूंण वलो च।

फिलिप्पी 3:9

अर मि ऊं दगड़ी एक हवे के रै साको; मेरी धार्मिकता मूसा द्वारा लिखीं परमेश्वर की व्यवस्था कु मेरी आज्ञाकारिता पर निर्भर नि च, बल्कि य व धार्मिकता च जै तैं भस मसीह मा मेरा विश्वास का कारण पिता परमेश्वर मि तैं दींद।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

तीतुस 2:13

हम इन बरतौ कैरा, जब हम आस का दगड़ी वे महान दिन का जुगाल करदां जब यीशु मसीह, जु हमारा महान पिता परमेश्वर अर उद्धारकर्ता च, अपड़ी सैरी महिमा का दगड़ी धरती पर वापिस आलो।

इब्रानी 1:8

पर नौंना का बारा मा बुल्द, “हे परमेश्वर, तेरु राज्य हमेशा तक बणयूँ रौ, उ अपड़ा राज्य का मथि न्याय से राज्य करद।

1 यूहन्ना 2:23

जु कुई नौंना प्रभु यीशु मसीह कु इन्कार करदो च वेमा पिता परमेश्वर भि नि च, जु नौंना प्रभु यीशु मसीह तैं मणदो च, वेमा पिता परमेश्वर भि च।

1 यूहन्ना 2:24

उ सच्चो संदेश जु तुम ल पैली बट्टी सूंणि छो, जब तुम ल मसीह पर विश्वास कैरी छो ऊई तुम मा बणयुं रौ, जु उ तुम मा बणयुं च, त तुम भि नौंना प्रभु यीशु मसीह मा, अर पिता परमेश्वर मा बंणया रैल्या।

1 यूहन्ना 2:6

जु कुई यु बुल्दो, कि पिता परमेश्वर का दगड़ी हमारो सम्बन्ध च, उ खुद भि वे बट्टा पर चल्दो जै पर यीशु चल्दु छो।

1 यूहन्ना 4:14

अर हम ल यीशु मसीह तैं देखि अर वेकी गव्है दींणा छा कि पिता परमेश्वर ल अपड़ो नौंना यीशु मसीह तैं दुनिया का लुखुं कु उद्धारकर्ता हूंणु कु भेजि।

1 यूहन्ना 4:16

अर हम अच्छा ढंग ल जांणि ग्यां अर हम विश्वास भि करदां कि पिता परमेश्वर हम बट्टी प्रेम करदो। पिता परमेश्वर प्रेम च अर जु कुई प्रेम मा रौंदो उ पिता परमेश्वर मा रौंदो अर पिता परमेश्वर वेमा रौंद।

1 यूहन्ना 4:2

पिता परमेश्वर का आत्मा तैं तुम इन ही कै पछांण सकदियां, कि जु कुई आदिम मणी लींद, कि यीशु मसीह मनिख बंणि के ऐ, उ पिता परमेश्वर की तरपां बट्टी ऐ।

1 यूहन्ना 5:1

जै को यु विश्वास च, कि यीशु ही मसीह च, उ मनिख पिता परमेश्वर की सन्तान च अर जु कुई पिता परमेश्वर बट्टी प्रेम करदो, उ पिता परमेश्वर की सन्तान बट्टी भि प्रेम करद।

1 यूहन्ना 5:15

अर हम जंणदा छा, कि जु कुछ हम पिता परमेश्वर बट्टी प्रार्थना मा मंगदा उ हमारी सुणदो, त यु भि हम जंणदा छा, कि जु कुछ हम ल पिता परमेश्वर बट्टी मांगि, उ हम तैं मिल्द च।

1 यूहन्ना 5:18

हम जंणदा छा, कि जु कुई पिता परमेश्वर की सन्तान च, उ पाप मा नि बणयूँ रौंद; किलैकि जु कुई पिता परमेश्वर की सन्तान च, वे तैं उ बचै के रखद; अर उ दुष्ट शैतान वे तैं छू भि नि सकद।

1 यूहन्ना 5:5

दुनिया पर जीत हासिल कन वलो को च? उ ही जु विश्वास करद, कि यीशु ही पिता परमेश्वर को नौंनो च।

दिब्य दरस 15:3

अर उ पिता परमेश्वर का दास मूसा को गीत गांणा छा जु कि चिनखो का बारा मा च, “हे सर्वशक्तिमान प्रभु परमेश्वर, जु कुछ तिल कैरी उ कीमती अर अद्भुत च, तू सभि देशों को स्वामी छै, तू जु भि करदी उ सच अर धर्म कु च।”

दिब्य दरस 19:11

फिर मिल स्वर्ग तैं खुल्यूं देखि, अर दिखदु कि एक सफेद घोड़ा च; अर वे पर एक सवार च, उ जै पर तुम भरोसा कैर सकदा, उ जु झूठ नि बुल्द; उ वेका अनुसार जु पिता परमेश्वर की नजर मा सै च, परमेश्वर धार्मिकता का दगड़ी न्याय करद अर दुश्मनों का विरुद्ध लड़ै करद।

दिब्य दरस 3:14

लौदीकिया शहर की मण्डलि का दूत तैं लिख “मि आमीन कहलांद, किलैकि मि विश्वासयोग्य छो अर मि पिता परमेश्वर का बारा मा जु भि प्रमाणित करदु उ सच च। जु कुछ भि वेल बणै मि वे सब कुछ को स्रोत भि छो, मि त्वे बट्टी यु बुल्दो।

दिब्य दरस 3:7

फिलदिलफिया शहर की मण्डलि का दूत तैं लिख; मि ही उ छो जु पवित्र अर सचै छो, जै मा उ चाबी च जु राजा दाऊद की च। जब मि वीं चाबी तैं लींदु छो अर एक द्वार तैं खुलद त कुई भि वे तैं बंद नि कैर सकद, अर जब मि चाबी लींदु अर एक द्वार बंद कैरी दींदु त कुई भि वे तैं खोल नि सकद, जैका खुल्यां तैं कुई बन्द नि कैर सकद अर बन्द करयां तैं कुई खोल नि सकद, उ यु बुल्द,

दिब्य दरस 6:10

अर ऊंल बड़ा शब्द से पुकार के पिता परमेश्वर से बोलि, “हे पवित्र अर सच्चा प्रभु; तू धरती पर रौंण वला ऊं बुरा लुखुं तैं दण्ड दींण मा इथग लंबो जग्वाल किलै कनी छै? हम बिनती करदा कि तू ऊं लुखुं का बरतौ कु बदला लीली जौनु हमारो ल्वे बुगै अर मार डाली।”