1 यूहन्ना 4:17 - गढवली नयो नियम

¹⁷ यां बट्टी ही प्रेम हम मा पूरा हवे कि, न्याय का दिन हम तैं हिम्मत मिलो की उ हम तैं दंड नि द्यो, किलैकि मसीह का जन हम दूसरों बट्टी प्रेम करदां अर ईं दुनिया मा मसीह ही जन रौंदयां।

Garhwali

¹⁷ अर यां से ही प्यार हम मा सिद्ध ह्‍वे ताकि न्याय का दिन पर हमतै हिम्मत मिलु, किलैकि जन यीशु च ठिक उन्‍नि हम भि ईं दुनियां मा छाँ।

1 यूहन्ना 4:17 ပူးပေါင်းရင်းမြစ်များ

मत्ती 10:15

मि तुम मा सच बुल्णु छौं कि न्याय का जांच का दिन वे शहर की दशा से सदोम अर अमोरा शहर कि दशा जादा सैंण जुगुत हवेलि।

मत्ती 10:25

चेला का गुरु से अर दासों कु गुरु का समान हूंण बराबर च अर जब उ मि तैं घौर का मालिक कु शैतान बुल्दा छिन, त मेरा घौर का लुखुं तैं अर भि बुरा नौं बट्टी बुलाला।

मत्ती 11:22

पर मि तुम मा बुल्णु छौं कि न्याय का जांच का दिन तुमारी दशा से वे सजा जु परमेश्वर सूर अर सीदोन शहर तैं दयालो व वीं सजा से कम हवेलि जु उ तुम तैं दयालो।

मत्ती 11:24

पर मि तुम मा बुल्णु छौं कि न्याय का जांच का दिन तुमारी दशा से वे सजा जु परमेश्वर सदोम अर सैदा शहर का लुखुं की वीं सजा से कम हवेलि जु उ तुम तैं दयालो।”

मत्ती 12:36

अर मि तुम मा बुल्णु छौं कि लोग जु-जु निकम्मी बातों तैं बुलला त न्याय का जांच का दिन उ हर एक वीं बात कु हिसाब दयाला।

यूहन्ना 15:20

याद रखा की मिल तुम मा क्य बोलि दास अपड़ा स्वामि बट्टी बड़ो नि हूंद, वे तैं याद रखा ऊंल मि तैं सतै त तुम तैं भि सताला जु मेरी शिक्षा तैं मणिल्या त तुम्हरी भि मंणला।

यूहन्ना 17:22

अर उ महिमा जु तिल मि तैं दे, मिल ऊं तैं दीं च की उ एक दगड़ी हों, जन हम एक छा

रोमियों 8:29

किलैकि जौं तैं वेल पैली बट्टी ही चुणयली ऊं तैं पैली बट्टी ही ठैराये गै कि वेका नौंना का स्वरूप मा हो कि उ सभि विश्वासी भयों मा पैलो नौंना का जन हवे जौं।

इब्रानी 9:27

अर जन हरेक आदिम कु एक बार मुरण निश्चित च; उन ही मौत का बाद, पिता परमेश्वर हर एक आदिम कु न्याय का द्वारा जांच करलो।

याकूब 2:13

किलैकि जु कुई दूसरों पर दया नि करलो, त पिता परमेश्वर भि वे पर दया नि करलो जब उ न्याय करलो। पर जु कुई दूसरों पर दया करलो, त पिता परमेश्वर भि वे पर दया करलो जब उ न्याय करलो।

याकूब 2:22

तिल देखेले कि विश्वास ल ऊंका कामों का दगड़ी मिली कै प्रभाव डाली अर वेको विश्वास वेका अच्छा कामों बट्टी सिद्ध हवे।

2 पतरस 2:9

यु सब काम जु पिता परमेश्वर ल पुरणा बगत मा करिनि, उ हम तैं यु दिखांद कि जु लोग पिता परमेश्वर का अनुसार जीवन जंदींनि, जब उ मुसिबत मा हूंदींनि त पिता परमेश्वर निश्चित रूप से ऊं तैं सुरक्षित रखलो। अर हम यु भि निश्चय कैरी सकदा कि उ दुष्ट लुखुं तैं वे दिन तक लगातार दण्ड दयालो जब तक कि पिता परमेश्वर सभि लुखुं कु न्याय नि करद।

2 पतरस 3:7

जन के पिता परमेश्वर ल आसमान अर धरती की सृष्टि की आज्ञा द्ये छै, उन ही वेल आज्ञा दींनि कि ए बगत को ब्रह्मांड तब तक बणयूं रालो जब तक उ ऊं तैं आग बट्टी नि फूंकी द्यो। उ ऊं तैं वे दिन तक रखणु च जब तक की उ सभि लुखुं को न्याय करलो अर ऊं लुखुं तैं नाश कैरी दयालो जु वेकी आज्ञाओं तैं नि मणदींनि।

1 यूहन्ना 2:28

इलै हे नौंनो, मसीह का दगड़ी एकता मा हमेशा बणयां रावा, कि जब उ फिर से प्रगट होलो, त हम तैं हिम्मत हो, अर हम वेका आंण पर वेका संमणी लज्जित नि हो।

1 यूहन्ना 2:5

पर जु कुई पिता परमेश्वर की आज्ञाओं को पालन करदो, वेमा सच मा पिता परमेश्वर को प्रेम पूरो हुयुं च, यु बट्टी ही हम तैं मालुम हून्दो, कि पिता परमेश्वर का दगड़ी हमारो सम्बन्ध च।

1 यूहन्ना 2:6

जु कुई यु बुल्दो, कि पिता परमेश्वर का दगड़ी हमारो सम्बन्ध च, उ खुद भि वे बट्टा पर चल्दो जै पर यीशु चल्दु छो।

1 यूहन्ना 3:1

सोचा त सै कि, पिता परमेश्वर ल हम बट्टी भौत प्रेम कैरी, कि हम पिता परमेश्वर की संतान कहलौंदियां, हकीकत मा हम वेकी सन्तान छैं भि छा। ईं दुनिया का लोग यु नि जणदींनि कि हम पिता परमेश्वर की संतान छा, किलैकि दुनिया का लोग पिता परमेश्वर तैं नि जणदींनि।

1 यूहन्ना 3:3

अर जु कुई मसीह पर यु आस रखदो, उ अपड़ा आप तैं उन ही पवित्र करदो, जन उ पवित्र च।

1 यूहन्ना 3:7

प्रिय नौंनो कैका भरमांण मा नि अयां; जु धार्मिकता को काम करदो, उ ही यीशु का जन धर्मी च।

1 यूहन्ना 4:12

पिता परमेश्वर तैं कभि कैल नि देखि; जु हम आपस मा प्रेम कैरा, त पिता परमेश्वर हम मा बणयूँ रौंद; अर पिता परमेश्वर को प्रेम हम मा सिद्ध होलो।