1 यूहन्ना 3:22 - गढवली नयो नियम

²² अर जु कुछ हम पिता परमेश्वर बट्टी मंगदा छा, उ हम तैं पिता परमेश्वर बट्टी मिल्दो; किलैकि हम वेकी आज्ञाओं तैं मणदां, अर जु वे तैं अच्छो लगदो हम उ ही करद्यां।

Garhwali

²² अर जु कुछ भि हम मंगुला पिता परमेस्वर हमतै दयालु, किलैकि हम वेकी आज्ञाओं को पालन करद्‍यां। अर हम उन्‍नि करद्‍यां, जु वेकी नजर मा अच्छु च।

1 यूहन्ना 3:22 ပူးပေါင်းရင်းမြစ်များ

मत्ती 17:5

उ जब बुल्णु ही छो कि एक चमक्यां बादल ल ऊं तैं घेरि कै ढकै दींनि अर उ ल बादल बट्टी परमेश्वर की आवाज सूंणि “यु मेरू प्रिय नौंनो च ये कि सूंणा।”

मत्ती 21:22

“अर जु कुछ तुम पिता परमेश्वर बट्टी प्रार्थना विश्वास से मांगिल्या त उ तुम तैं मिललो।”

मरकुस 11:24

इलै मि तुम मा बुल्णु छौं कि जु कुछ तुम पिता परमेश्वर बट्टी प्रार्थना कैरी के मांगिल्या त विश्वास कैरा कि उ तुम तैं मिली गै अर पिता परमेश्वर तुम तैं दयालो।

यूहन्ना 14:13

जु कुछ तुम मेरा नौं से मंगिल्या उ ही मि करुलु कि मि नौंना का द्वारा बुबा कि बड़ै हो।

यूहन्ना 15:10

जु तुम मेरी आज्ञाओं तैं पालन करिल्या, त मेरा प्रेम मा बंणयां रैल्या जन कि मिल अपड़ा पिता परमेश्वर कि आज्ञाओं कु पालन कैरी, अर वेका प्रेम मा बणयुं रौ।

यूहन्ना 15:7

जु तुम मि मा बंणयां रैल्या अर मेरू वचन तुम मा बणयूं रालो त जु चैल्या अर मंगिल्या उ तुम कु हवे जालो।

यूहन्ना 6:29

यीशु ल ऊं तैं जवाब दींनि परमेश्वर चांदु च की तुम वे पर विश्वास कैरा जै तैं वेल भेजि, वे पर विश्वास कैरा

यूहन्ना 8:29

मेरू भिजण वलो मि दगड़ी च वेल मि तैं इखुली नि छोड़ी किलैकि मि सदनी ऊं कामों तैं करदु जौं बट्टी उ खुश हूंद।

यूहन्ना 9:31

हम जंणदा छा कि परमेश्वर पापी लुखुं कि नि सुंणदो पर जु कुई परमेश्वर कु भक्त हो अर वेकी मनसा पर चलदो च त उ वेकी सुणदु च।

खास चेलों 17:30

पैली बगत मा परमेश्वर ल लुखुं का कामों पर ध्यान नि दींनि किलैकि लोग वे तैं नि जंणदा छा, पर अब सभि लुखुं तैं मन फिराव कि आज्ञा दींद।

खास चेलों 20:21

बल्कि यहूदियों अर अन्यजाति (यूनानियों) तैं चेतावनी दींणु रौं कि परमेश्वर जनै अपड़ा पापों तैं पछयांण अर ऊंकी माफी मांग के मन फिरा, अर हमारा प्रभु यीशु पर विश्वास कन चयणु च।

फिलिप्पी 4:18

मि मा सब कुछ च, बल्कि बिज्यां च; जु दान तुम ल इपफ्रुदीतुस का हथ का द्वारा भेजि छो वे तैं पै के मि तृप्त हवे ग्यों, तुम ल पिता परमेश्वर तैं एक बलिदान चढ़ै जु मिठी सुगंध दींद उ यु तैं स्वीकार करदो, अर या वे तैं भौत खुश करदी।

कुलुसी 1:10

हम यु प्रार्थना करदा कि तुम उन ही के जीवन जिया जन प्रभु चांदो च अर प्रभु सभि बातों मा तुम बट्टी खुश हो, अर तुमारा जीवन मा हरेक किस्मै का भला कामों का फल लगुनु अर तुम परमेश्वर की पछयांण मा बढ़दी जावा,

याकूब 1:5

पर जु तुम मा बट्टी कै तैं बुद्धि की कमी-घटि हो, त पिता परमेश्वर बट्टी मांगो, जु बगैर गलती खुज्ज्यां सभियूं तैं भरपूरी बट्टी दींद उ पिता परमेश्वर तुम तैं भि दयालो।

याकूब 4:3

तुम मंगदा छा अर पांदा नि छा, इलै कि बुरी इच्छा बट्टी मंगदा, कि अपड़ा भोग-विलास मा उड़ै द्या।

याकूब 5:16

इलै एक हैंका का संमणी अपड़ा-अपड़ा पापों तैं मंणिल्या; अर एक दुसरा कु प्रार्थना कैरा, ज्यां बट्टी बिमार ठिक हवे जौं; धर्मी जन की प्रार्थना मा भौत सामर्थी च अर वे बट्टी अद्भुत प्रणाम मिल्दा।

1 यूहन्ना 2:3

जु हम पिता परमेश्वर की आज्ञाओं तैं मांणा, त वे बट्टी हम तैं पता लगलो कि हम वे तैं जंणदां छा।

1 यूहन्ना 5:14

अर हम तैं पिता परमेश्वर का संमणी साहस हूंद, उ यु च; कि हम जु कुछ वेकी इच्छा अनुसार प्रार्थना मा मंगद्यां, त उ हमारी सुणदो च।