1 यूहन्ना 3:14 - गढवली नयो नियम

¹⁴ हम जणदां छा, कि हम विश्वासी मौत अर शैतान की शक्ति का अधीन नि छा, पर अब हम मा पिता परमेश्वर की तरपां बट्टी अनन्त जीवन च; किलैकि हम भयों बट्टी प्रेम करदां; जु प्रेम नि करदो, उ मौत अर शैतान का अधीन मा च।

Garhwali

¹⁴ हम जणदा छां कि हमुन मौत तैं पार कैरिके जीवन पयेलि, अर या बात हम इलै जणद्‍यां किलैकि हम लोग एक-दुसरा से प्यार करद्‍यां। अर जु मनखि एक-दुसरा बटि प्यार नि करदु, त उ ईं बात तैं जाणि ल्यो कि उ मुरयूं च।

1 यूहन्ना 3:14 ပူးပေါင်းရင်းမြစ်များ

मत्ती 25:40

तब मि राजा ऊं तैं जवाब दयालो मि तुम मा सच बुल्णु छौं कि तुम ल जु मेरा यूं छुटा से छुटा मेरा चेला विश्वासी भयों मा बट्टी कै एक का दगड़ा भि कैरी उ सब मि ही दगड़ी कैरी।

लूका 15:24

किलैकि मेरू यु नौंनो जैका बारा मा सुचदा छा की मोरि गै छो पर अब ज्यूँदो हवे गे: हरचि गै छो, अब मिली गै अर उ अनन्द मनांण लगि गैनी।

लूका 15:32

पर अब आनन्द मगन हूंण चयणु च किलैकि तेरु यु भैय जै कु मिल सोचि छो, कि मोरि गै छो पर फिर ज्यूँदो हवे गै हरचि गै छो पर अब मिली गै।

लूका 7:5

किलैकि उ हमारी जाति बट्टी प्रेम करदो अर वेल हमारा यहूदियों का मिलणा का भवन तैं बंणवै।

यूहन्ना 13:35

जु तुम एक दुसरा बट्टी प्रेम करिल्या, जु हर कुई जांणि ल्यालो कि तुम मेरा चेला छा।”

यूहन्ना 15:12

“मेरी आज्ञा या च कि वे जन मिल तुम बट्टी प्रेम रखि उन ही तुम भि एक दुसरा बट्टी प्रेम रखा।

यूहन्ना 15:17

यूं बातों कि आज्ञा मि तुम तैं इलै दींणु छौं कि तुम एक हैंका दगड़ी प्रेम रख्यां।

यूहन्ना 5:24

मि तुम मा सच-सच बुल्णु छौं जु मेरू वचन सूंणि के मेरा भिजण वला पर विश्वास करदो अनन्त जीवन वेकु च अर वे पर दण्ड नि दिये जालो पर उ अनन्तकाल की मौत बट्टी बची जालो अर पैली बट्टी ही वेल अनन्त जीवन मा प्रवेश कैरी येले।

2 कुरिन्थि 5:1

किलैकि हम जंणदा छा, कि जु धरती पर कु हमारो यु अस्थायी देह नाश हवे जौं त हम तैं पिता परमेश्वर का तरपां बट्टी स्वर्ग मा एक इन देह मिललि, जु मनिख्युं का हथों बट्टी बंणि देह न पर चिरस्थाई च।

गलातियों 5:22

उ बरतौ जु पिता परमेश्वर का पवित्र आत्मा का द्वारा पैदा हूंद, उ यूं छिनी, प्रेम, आनन्द, शान्ति, धीरज, अर दया, भलै, अर दूसरों का प्रति विश्वासयोग्य हूंण,

इफिसुस 1:15

ऊं सभियूं का कारण जु पिता परमेश्वर ल करयुं च, मि भि वे विश्वास जु तुम लुखुं मा प्रभु यीशु पर च अर पवित्र लुखुं का प्रति हमारा प्रेम का बारा मा सूंणि कै,

इफिसुस 2:1

पैली जब तुम ल मसीह पर विश्वास नि कैरी छों, त इन लगदु छों जन कि पैली बट्टी मोरि गै छा, हम मा उ जीवन नि छों जु पिता परमेश्वर कि तरपां बट्टी मिल्दु छों, किलैकि तुम ल पाप कैरी अर परमेश्वर कि आज्ञाओं तैं नि मांणि।

इफिसुस 2:5

जब हम पापों मा छा जन कि पैली बट्टी ही मोरि गै छा, त वेल हम तैं मसीह मा ज्यूँदो कैरी; पिता परमेश्वर की दया बट्टी ही तुमारो बचाव अर उद्धार हुयुं च,

कुलुसी 1:4

किलैकि हम ल सूंणि, कि यीशु मसीह पर तुमारो विश्वास च, अर उ सब पवित्र लुखुं बट्टी प्रेम रखदु।

1 थिस्सलुनीकी 4:9

पर विश्वासी दगड़िया का प्रति प्रेम का बारा मा जरूरी नि च, कि मि तुम कु कुछ लिखु; किलैकि आपस मा प्रेम रखण तुम ल अफी पिता परमेश्वर बट्टी सीखी;

इब्रानी 13:1

भैय-बैंणों का जन एक-दुसरा बट्टी प्रेम करदी रावा।

1 पतरस 1:22

किलैकि सचै को पालन कना का द्वारा तुम तैं आत्मा मा शुद्ध किये गै, अब तुम तैं अपड़ा दगड़िया विश्वासियों बट्टी ईमानदरी अर पूरा मन से प्रेम करदी रौंण चयणु च।

1 पतरस 3:8

अंत मा, मि तुम बट्टी बुल्णु छो, कि तुम विश्वासी बंणि के आपस मा एकजुट रवा, अर एक-दुसरा की चिन्ता किया कैरा, अर एक ही परिवार का सदस्यों का जन प्रेम कैरा, दूसरों पर दया कैरा, एक दुसरा का दगड़ी नम्र बणा।

2 पतरस 1:7

तुम तैं न भस यु ढंग से जीवन जींण चयणु च जु पिता परमेश्वर तैं खुश करद, बल्कि तुम तैं एक-दुसरा विश्वासियों तैं अपड़ा खुद का परिवार का सदस्यों का जन प्रेम कन चयणु च, अर तुम तैं न भस एक दुसरा विश्वासियों का दगड़ी प्रेम कन चयणु च, बल्कि तुम तैं सभि लुखुं बट्टी प्रेम कन चयणु च।

1 यूहन्ना 2:3

जु हम पिता परमेश्वर की आज्ञाओं तैं मांणा, त वे बट्टी हम तैं पता लगलो कि हम वे तैं जंणदां छा।

1 यूहन्ना 3:23

अर वेकी आज्ञा या च कि हम वेका नौंना यीशु मसीह का नौं पर विश्वास कैरा अर जन वेल हम तैं आज्ञा दींनि वेका अनुसार आपस मा प्रेम रखा।

1 यूहन्ना 4:12

पिता परमेश्वर तैं कभि कैल नि देखि; जु हम आपस मा प्रेम कैरा, त पिता परमेश्वर हम मा बणयूँ रौंद; अर पिता परमेश्वर को प्रेम हम मा सिद्ध होलो।

1 यूहन्ना 5:13

मि या चिट्टी तुम कु लिखणु छो, जु पिता परमेश्वर का नौंना यीशु मसीह का नौं पर विश्वास करदो, कि तुम तैं पक्को मालूम हवे जौ कि अनन्त जीवन तुमारो ही च।

1 यूहन्ना 5:2

जब हम पिता परमेश्वर बट्टी प्रेम करद्यां, अर वेकी आज्ञा तैं मणदा, त यां बट्टी ही हम जांणि लींदयां, कि हम पिता परमेश्वर की सन्तानोंं बट्टी प्रेम करद्यां।