1 यूहन्ना 2:6 - गढवली नयो नियम

⁶ जु कुई यु बुल्दो, कि पिता परमेश्वर का दगड़ी हमारो सम्बन्ध च, उ खुद भि वे बट्टा पर चल्दो जै पर यीशु चल्दु छो।

Garhwali

⁶ अर अगर कुई मनखि इन बुल्दु, कि मेरु पिता परमेस्वर का दगड़ा मा एक अच्छु रिश्ता च, त वेको इन फरज बणदु की वेको चाल-चलन भि ठिक उन्‍नि हो जन यीशु मसीह को छौ।

1 यूहन्ना 2:6 ပူးပေါင်းရင်းမြစ်များ

मत्ती 11:29

मेरू जूआ अपड़ा मथि उठै ल्या अर मि बट्टी सीखा किलैकि मि नम्र अर आत्मा मा दीन छौं अर तुम अपड़ा मन मा विश्राम पैल्या।

यूहन्ना 13:15

किलैकि मिल तुमारा संमणी एक मिसाल रखि कि जन मिल तुमारा दगड़ा मा कैरी तुम भि उन ही करयां।

यूहन्ना 15:10

जु तुम मेरी आज्ञाओं तैं पालन करिल्या, त मेरा प्रेम मा बंणयां रैल्या जन कि मिल अपड़ा पिता परमेश्वर कि आज्ञाओं कु पालन कैरी, अर वेका प्रेम मा बणयुं रौ।

1 कुरिन्थि 11:1

जन मि मसीह जन अपड़ो जीवन तैं ज्यून्दों, तुम भि मि जन जीवन तैं जियां।

इफिसुस 5:2

मसीह का उदाहरण का अनुसरण करद ही, दुसरा का प्रति प्रेम बट्टी भुर्युं जीवन बितावा, जैल तुम बट्टी प्रेम कैरी अर तुमारा पापों तैं उठाणै कु अफ तैं बलिदान कैरी, अर परमेश्वर खुश इलै छों, किलैकि उ बलिदान वेकु खुशबुदार इत्र का जन छों।

1 पतरस 2:21

पिता परमेश्वर का द्वारा तुम तैं बुलै अर चुणै जांण का कारणों मा बट्टी एक कारण यु च कि तुम वेको दुःख सै लिला तुम वेको भला काम कैरी के दुःख सहन करदा। मसीह, जैल तुम कु दुःख सै, उ तुम कु एक उदाहरण च। इलै तुम तैं उन ही काम कन चयणु च जन मसीह ल कैरी।

1 यूहन्ना 2:28

इलै हे नौंनो, मसीह का दगड़ी एकता मा हमेशा बणयां रावा, कि जब उ फिर से प्रगट होलो, त हम तैं हिम्मत हो, अर हम वेका आंण पर वेका संमणी लज्जित नि हो।

1 यूहन्ना 2:4

जु कुई यु बुल्दो, “मि पिता परमेश्वर तैं जांणि ग्यूं” पर वेकी आज्ञाओं तैं नि मणदो, त उ झूठो च; किलैकि उ पिता परमेश्वर का सचै का अनुसार नि ज्यून्दो।

1 यूहन्ना 3:24

अर जु पिता परमेश्वर की आज्ञाओं तैं मणदो, उ पिता परमेश्वर मा अर परमेश्वर वेमा रौंदो; अर यां बट्टी ही पवित्र आत्मा ल जु वेल हम तैं दियुं च, हम जंणदा छा, कि पिता परमेश्वर हम मा रौंदो।

1 यूहन्ना 3:6

जु कुई वेमा बणयुं रौंदो, उ सदनी पाप नि करदु; जु कुई पाप करदो, वेल न त वे तैं समझी कि मसीह को च, अर न वे तैं जंणदु।

1 यूहन्ना 4:17

यां बट्टी ही प्रेम हम मा पूरा हवे कि, न्याय का दिन हम तैं हिम्मत मिलो की उ हम तैं दंड नि द्यो, किलैकि मसीह का जन हम दूसरों बट्टी प्रेम करदां अर ईं दुनिया मा मसीह ही जन रौंदयां।