1 यूहन्ना 2:27 - गढवली नयो नियम

²⁷ अर तुम कु, उ पवित्र आत्मा, जै तैं तुम ल मसीह बट्टी पयुं च, अर तुमारा भितर रांदो, अर इलै कै तैं भि तुम तैं सचै का बारा मा सिखौंण की जरुरत नि च, उ तुम तैं ऊं सभि बातों का बारा मा सैरी सचै तैं जनण मा मदद करदो किलैकि वेको अभिषेक तुम तैं उ सब कुछ सिखांदु ज्यां कि तुम तैं जरूरत च। जु भि पवित्र आत्मा तुम तैं सिखांदु च उ सच च अर झूठ नि अर इलै मसीह का दगड़ा मा एकता मा बणयां रावा जन कि पवित्र आत्मा ल तुम तैं कनु कु बुल्युं च।

Garhwali

²⁷ हे मेरा भै-बैंणो, यीशु मसीह न तुमरो अभिषेक पवित्र आत्मा का द्‍वारा कर्युं च। अर जब तक वेको पवित्र आत्मा तुम मा बणु रौन्दु, तब तक तुमतै सिखौणु खुणि कै की जरुरत नि च, किलैकि पवित्र आत्मा को अभिषेक तुमतै हरेक चीज का बारा मा सिखौन्दु, कि कु जि बात सच्‍चि छिन अर कु झूठ्‍ठी। इलै पवित्र आत्मा की शिक्षा तैं स्वीकार कैरिके वेको पालन कैरा, अर यीशु मसीह की संगत मा बणयां रा।

1 यूहन्ना 2:27 ပူးပေါင်းရင်းမြစ်များ

मत्ती 13:11

यीशु ल जवाब दींनि, “तुम तैं त परमेश्वर का राज्य कि सचै की समझ दियीं च पर ऊं तैं नि दिईं।”

यूहन्ना 14:16

मि पिता परमेश्वर बट्टी प्रार्थना करुलु अर उ तुम तैं एक और मददगार दयालो की उ सदनी तुमारा दगड़ा मा रालो।

यूहन्ना 14:17

या पवित्र आत्मा च जु सैरा सचै मा अगवै करदु च जै तैं दुनिया अपणे नि सकद किलैकि उ न वे तैं दिखदु च अर न वे तैं जंणदु च तुम वे तैं जंणदा छा किलैकि उ तुमारा दगड़ा रौंदो च अर उ तुम मा होलो।

यूहन्ना 14:26

पर मददगार यानि पवित्र आत्मा जै तैं बुबा मेरा अधिकार का दगड़ी भेजलो पवित्र आत्मा तुम तैं सभि बात सिखालो अर जु कुछ मिल तुम मा बोलि जांणा सब तुम तैं याद दिलालो।

यूहन्ना 16:13

पर जब उ यानि पवित्र आत्मा आलो, परमेश्वर का बारा मा जु भि सच्चो च समझण का कारण बंणलो किलैकि ऊं अपड़ा अधिकार बट्टी नि बुल्दो, पर उ परमेश्वर की तरपां बट्टी सुणांलो, वे तैं ही बुलालो, अर आंण वली बात तुम तैं बतालो।

यूहन्ना 4:14

पर जु कुई वे पांणी मा बट्टी प्यालो जु मि वे तैं दयुलु उ फिर अनन्तकाल तक तिसालो नि होलो पर जै पांणी मि वे तैं दींदु उ वेमा एक सोता बण जालो, जु अनन्त जीवन कु पांणी दींदो रालो।

यूहन्ना 6:45

परमेश्वर का तरपां बट्टी बुल्ण वलो का लेखों मा यु लिख्युं च कि उ सब परमेश्वर का तरपां बट्टी सिखयां होला। जु कैल पिता परमेश्वर बट्टी सूंणि अर सीखी उ मि मा आंणु च।

1 कुरिन्थि 2:12

पर हम उन ही नि सुचदियां जन और दुनिया का लोग सुचदींनि; पर हम ल दुनिया की आत्मा नि पै, पर व आत्मा पै जु पिता परमेश्वर की दया का तरपां बट्टी आंद, कि हम ऊं बातों तैं जंणयां जु पिता परमेश्वर ल हम तैं दींनि।

1 कुरिन्थि 2:13

अर इलै हम यूं बातों तैं दुसरा लुखुं तैं बतौंदयां, त हम यूं शब्दों कु इस्तेमाल नि करदा, जु मनिख्युं का ज्ञान से मिल्दा, पर हम ऊं शब्दों कु इस्तेमाल करदा जु पिता परमेश्वर की आत्मा का द्वारा मिल्दा, जु आत्मिक ज्ञान का द्वारा आत्मिक बातों तैं समझद।

2 कुरिन्थि 1:21

पिता परमेश्वर ही च, जु तुम्हरा दगड़ी हम तैं मसीह मा मजबूत करद; पिता परमेश्वर ल हम पर अपड़ी मोहर लगै के बयान का रूप मा अपड़ा आत्मा हमारा हृदय मा रखि के हम तैं अफ कु चुणि।

इफिसुस 4:21

जु कुछ तुम ल यीशु मसीह का बारा मा सूंणि अर कुछ हमारा शिक्षकों ल तुम तैं सिखयूं च, उ निश्चित रूप बट्टी मसीह कु सच्चो शुभ संदेश च।

कुलुसी 2:6

इलै जन तुम ल मसीह यीशु तैं प्रभु मांणी के अपणे, उन ही वे दगड़ी चलदी रावा

1 थिस्सलुनीकी 2:13

इलै हम भि पिता परमेश्वर कु धन्यवाद सदनी करदां; कि जब हमारा द्वारा पिता परमेश्वर कु शुभ संदेश कु वचन तुम ल सूंणि जु हम ल तुम्हरा बीच मा प्रचार कैरी तुम ल वे तैं मनिख्युं कु न बल्कि पिता परमेश्वर को वचन समझी के (अर सच मा यु इन ही च) स्वीकार कैरी अर उ तुम मा जु विश्वास रखद्यां काम करद।

1 थिस्सलुनीकी 4:9

पर विश्वासी दगड़िया का प्रति प्रेम का बारा मा जरूरी नि च, कि मि तुम कु कुछ लिखु; किलैकि आपस मा प्रेम रखण तुम ल अफी पिता परमेश्वर बट्टी सीखी;

1 तीमुथियुस 2:7

इलै, पिता परमेश्वर ल मि तैं शुभ संदेश को प्रचारक अर एक प्रेरित हूंणु कु ठैरा, वेल मि तैं अन्यजातियों तैं विश्वास कु सचो संदेश सिखांणु कु चुणि; मि झूठ नि बुल्णु छो; मि सच बुल्णु छो।

1 पतरस 1:23

(तुम तैं एक दुसरा बट्टी प्रेम कन चयणु च) किलैकि तुम तैं पिता परमेश्वर की तरपां बट्टी एक नयो जीवन मिल्युं च। तुम तैं यु जीवन कै इन चीज का द्वारा नि मिली, जु नाश हवे जाली पर हम तैं यु नयो जीवन पिता परमेश्वर का जीवित अर अनन्त वचन बट्टी मिली।

1 यूहन्ना 2:28

इलै हे नौंनो, मसीह का दगड़ी एकता मा हमेशा बणयां रावा, कि जब उ फिर से प्रगट होलो, त हम तैं हिम्मत हो, अर हम वेका आंण पर वेका संमणी लज्जित नि हो।

1 यूहन्ना 3:24

अर जु पिता परमेश्वर की आज्ञाओं तैं मणदो, उ पिता परमेश्वर मा अर परमेश्वर वेमा रौंदो; अर यां बट्टी ही पवित्र आत्मा ल जु वेल हम तैं दियुं च, हम जंणदा छा, कि पिता परमेश्वर हम मा रौंदो।

2 यूहन्ना 1:2

हम तुम बट्टी वीं सचै का कारण प्रेम करदां जु हमारा भितर रौन्दु अर सदनी हम दगड़ी रालो।