1 यूहन्ना 2:17 - गढवली नयो नियम

¹⁷ दुनिया अर वेकी सभि अभिलाषा, मिटै जंदींनि, पर जु पिता परमेश्वर की इच्छा का अनुसार चल्दो, उ सदनी बणयुं रालो।

Garhwali

¹⁷ दुनियां अर वेकी बुरी इच्छा को नास ह्‍वे जाण, पर जु कुई परमेस्वर की इच्छा का मुताबिक चलदु वेको नास कभि नि होण।

1 यूहन्ना 2:17 ပူးပေါင်းရင်းမြစ်များ

मत्ती 21:31

यूं द्वीयूं मा बट्टी कैल बुबा कि मनसा पूरी कैरी? ऊंल बोलि “पैली वला ल” यीशु ल ऊंमा बोलि “मि तुम मा सच बुल्णु छौं कि चुंगि लींण वला अर वैश्या तुम से पैली परमेश्वर का राज्य मा प्रवेश करदींनि।”

मत्ती 24:35

आसमान अर धरती टळि जालि पर मेरी बोलि बात कभि भि नि टळदि।

मत्ती 7:21

“जु मि कु हे प्रभु”हे प्रभु बुल्द ऊंमा बट्टी हर एक स्वर्ग का राज्य मा भितर नि जांण पालो पर उ ही जु मेरा स्वर्गीय बुबा कि मनसा पर चलदो।

मरकुस 3:35

जु कुई परमेश्वर की मनसा पर चलो जु परमेश्वर चौ त उ करदां, “उ ही मेरा भैय अर बैंण अर ब्वे छिन।”

यूहन्ना 4:14

पर जु कुई वे पांणी मा बट्टी प्यालो जु मि वे तैं दयुलु उ फिर अनन्तकाल तक तिसालो नि होलो पर जै पांणी मि वे तैं दींदु उ वेमा एक सोता बण जालो, जु अनन्त जीवन कु पांणी दींदो रालो।

यूहन्ना 6:58

ज्वा रुट्टि स्वर्ग बट्टी उतरी च, पूर्वजों ल खै, अर मोरि गैनी, पर जु कुई ईं रुट्टि तैं खालो उ सदनी ज्यूँदो रालो।

यूहन्ना 7:17

इलै कुई वेकी इच्छा पर चलण चांदो उ जांणि ल्यो की मेरी शिक्षा परमेश्वर की तरपां बट्टी औंद या मेरा अपड़ा अधिकार बट्टी न, या मेरा अपड़ी तरपां बट्टी नि बुल्द।

रोमियों 12:2

अर ईं दुनिया का लुखुं का जन नि बंणा; पर अपड़ा सुचणा का ढंग तैं पिता परमेश्वर कु बदली द्या, ज्यां बट्टी तुम परमेश्वर की भलि, अर लुभौण, अर सिद्ध मनसा तैं मालुम करदी रावा।

1 कुरिन्थि 7:31

अर ईं दुनिया मा जु कुछ भि हम म च, हम तैं वे तैं जादा कीमती नि समझण चयणु च, किलैकि उ सब ईं दुनिया मा जादा लम्बा बगत नि चललो।

कुलुसी 1:9

इलै जै दिन बट्टी हम ल यु सूंणि, त हम भि तुम कु प्रार्थना कना छा कि पिता परमेश्वर को आत्मा तुम तैं ज्ञान अर समझ द्यो कि तुम वेकी इच्छा तैं पूरा ढंग से समझी साका।

कुलुसी 4:12

इपफ्रास जु तुम्हरी ही जगह कु च, अर मसीह यीशु कु सेवक च, उ तुम कु प्रणाम बुल्णु च, अर हमेशा तुम कु मन लगै के प्रार्थनाओं मा लग्युं रौंद, कि पिता परमेश्वर तुम तैं मजबूत अर सिद्ध कैरो अर तुम पूरा विश्वास का दगड़ी पिता परमेश्वर की इच्छा तैं पूरो कनु रौ।

1 थिस्सलुनीकी 4:3

पिता परमेश्वर कि मनसा या च कि तुम पवित्र बणा, मतलब कि तुम व्यभिचार नि करयां,

1 थिस्सलुनीकी 5:18

हरेक हालत मा धन्यवाद द्यवा; किलैकि मसीह यीशु मा तुम कु पिता परमेश्वर कि या ही मनसा च।

इब्रानी 10:36

अभि तुम तैं धीरज का दगड़ी सौण की जरूरत च; तब तुम पिता परमेश्वर की इच्छा तैं पूरी करला अर तुम तैं उ सभि चीज मिललि जैको पिता परमेश्वर ल वादा कैरी।

याकूब 4:14

पर तुम यु नि जणद्यां भोल कि होलो। सूंणि त ल्या, तुमारो जीवन छै ही क्य च? तुम त मांणा कुयडा का जन छा, जु जरा देर दिखै दींद, अर फिर हर्ची जांदी।

1 पतरस 1:5

पिता परमेश्वर अपड़ी बड़ी सामर्थ बट्टी तुम तैं सुरक्षित रखण चांद किलैकि तुम यीशु पर विश्वास रखदा अर उ अंतिम दिन तक जब मसीह वापिस आलो, तुम तैं सुरक्षित रखणु रालो। तब तुम जांणि जैला कि पिता परमेश्वर ल तुम तैं पाप अर मौत बट्टी पूरा ढंग से उद्धार द्ये।

1 पतरस 4:2

यांका बदला, उ आदिम अपड़ो जीवन ईं धरती पर अपड़ो पूरो जीवन अपड़ी पापमय मानवीय इच्छाओं तैं पूरो करदी नि जियो, पर उ व ही करलो जु पिता परमेश्वर चांदो कि उ कैरो।