1 कुरिन्थि 9:5 - गढवली नयो नियम

⁵ किलैकि हैंका प्रेरित अर प्रभु का भैय याकूब, यहूदा अर पतरस (कैफा) जब उ यात्रा करदींनि त उ अफ दगड़ी अपड़ी विश्वासी जननों तैं भि ली जयदींनि, त मि मा भि यु अधिकार च,

Garhwali

⁵ क्या हमरु यू हक नि च? कि हम भि कैं बिस्वासी बैंण का दगड़ा मा ब्यौ कैरा अर जख भि जा वींतैं अपणा दगड़ा मा लि जा, जन कि और खास चेलों न, अर प्रभु का भैयों न अर पतरस न भि कैरी।

1 कुरिन्थि 9:5 ပူးပေါင်းရင်းမြစ်များ

मत्ती 13:55

क्य यु बड़ई कु नौंनो नि च? क्य ये कि ब्वे कु नौं मरियम अर येका भयों कु नौं याकूब यूसुफ शमौन अर यहूदा नि च?

मत्ती 8:14

यीशु जब पतरस का घौर मा ऐ तब वेल पतरस की सास तैं जौर मा पड़ीं देखि।

मरकुस 1:30

अर शमौन पतरस की सास जौर का कारण पड़ीं छै, अर तब चेलों ल यीशु मा बोलि कि शमौन कि सास बिमार च।

मरकुस 6:3

यीशु कु अपमान कैरी के ऊंल यु बोलि, क्य यु उ ही बड़ैइ नि च जु मरियम कु नौंनो अर याकूब अर योसेस अर यहूदा अर शमौन को बड़ो भैय नि च? अर क्य वेकी बैंण इख हमारा बीच मा नि रौदींनि? इलै ऊंल वे तैं अस्वीकार कैरी।

लूका 6:15

अर मत्ती अर थोमा अर हलफई को नौंनो याकूब अर शमौन कनानी जु जेलोतेस कहलांद।

लूका 8:20

अर वेमा बोलि, “तेरी ब्वे अर तेरा भैय भैर खड़ा छिन अर त्वे बट्टी मिलण चांणा छिन।”

यूहन्ना 1:42

अन्द्रियास शमौन पतरस यीशु का संमणी लैनि यीशु ल ऊं तैं देखि के बोलि, तु यूहन्ना कु नौंनो शमौन पतरस छै तु अब बट्टी कैफा मतलब पतरस कहलेली।

यूहन्ना 2:12

यांका बाद उ अर वेकी ब्वे अर वेका भैय अर वेका चेला कफरनहूम शहर मा ऐनी अर कुछ दिन रैनी।

खास चेलों 1:14

यु सभि जनन जु उख छै जौं ल यीशु की मदद कैरी छै, अर यीशु की ब्वे मरियम अर यीशु का भैय प्रेरित का दगड़ा अक्सर एकटक पिता परमेश्वर बट्टी प्रार्थना कन मा लगयां छा।

रोमियों 16:1

मि तुम बट्टी फीबे कु, जु हमारी दगड़िया विश्वासी बैंण अर किंख्रिया शहर का मण्डलि की सेविका च, मि चांदु छों कि तुम वींको समान कैरा।

1 कुरिन्थि 1:12

मेरू बुल्णों कु मतलब यो च, कि तुम मा बट्टी कुई त अफ तैं बुल्द की, “मि पौलुस कु चेला छों” अर कुई “मि अपुल्लोस कु” त कुई मि कैफा कु, या “मि मसीह कु चेला छों।”

1 कुरिन्थि 7:15

पर जु आदिम विश्वास नि करद, अर जु उ तलाक दे के अलग हूंण चौ, त वे तैं अलग हूंण द्या, जब इन हूंद त, विश्वासी वे ब्यो का सम्बंध बट्टी छुट्टी जांद, तब उ बंधन मा नि छिनी; पर पिता परमेश्वर ल त हम तैं मेल-मिलाप कु बुलै।

1 कुरिन्थि 7:39

जब तक कैं जनन कु आदिम ज्यूँदो रौंदु, तब तक व वे दगड़ी बंधन मा बंधि च, पर जु वीं कु आदिम मोरि जौं, त व जै दगड़ी चौ ब्यो कैरी सकदी च, पर भस वे बट्टी जु प्रभु मा विश्वास करदु हो।

1 कुरिन्थि 7:7

मि यु चांदु कि, जन मिल ब्यो नि कैरी, उन ही सभि मनिख हूंनु; पर हर मनिख तैं पिता परमेश्वर की तरपां बट्टी विशेष वरदान मिलयां छिनी; पिता परमेश्वर कुछ लुखुं तैं ब्यो कनु कु वरदान दींद अर कुछ तैं ब्यो नि कनु कु वरदान दींद।

1 कुरिन्थि 7:8

ब्यो नि कन वलो तैं अर विधवाओं तैं मेरी सलाह य च, कि उ मि जन ब्यो नि कैरा त ऊंकु यु उत्तम च।

गलातियों 1:19

पर मि भस एक प्रेरित अर प्रभु यीशु मसीह का भैय याकूब बट्टी मिल।

1 तीमुथियुस 3:2

इलै जरूरी च, कि अध्यक्षों तैं निर्दोष हूंण चयणु च, अर वेकी एक ही जनन हो, अर सब्र रखण वलो, समझदार, इज्जतदार, अर खातिरदारि कन वलो, अर पिता परमेश्वर का वचन तैं सिखांण म निपुण हो।

1 तीमुथियुस 4:3

यु लोग सिखौंदींनि, कि ब्यो कन गलत च, अर खांण वलि कुछ चिज्युं बट्टी भि दूर रौंणे कि आज्ञा द्याला; जौं चिज्युं तैं परमेश्वर इलै बणै कि जु लोग विश्वास करदींनि अर जु सच तैं पछयंणदींनि उ धन्यवाद का दगड़ी खौनु।

1 तीमुथियुस 5:2

त्वे तैं बुजुर्ग जननों तैं इन सलाह दींण चयणु च जन कि उ तेरी अपड़ी ब्वे हों, अर अफ बट्टी छुटी उम्र की जननों का दगड़ी उन ही बरतौ कैर, जन उ तेरी अपड़ी बैंण हों, अर इन शुद्ध मन से कैर।

तीतुस 1:6

अगुवा तैं निर्दोष हूंण चयणु च, अर अपड़ी जनन का प्रति वफादार, जौं का नौंना बाला विश्वासी हूंनु, अर देह की इच्छाओं पर नि चलणवला, पर ब्वे-बुबा को आदर कन वलो हो।

इब्रानी 13:4

ब्यो सभियूं मा आदर की बात समझी जौं, अर हमेशा आदिम अर वेकी जनन एक दुसरा का प्रति ईमानदार बणयां रावा; किलैकि पिता परमेश्वर व्यभिचारियों, अर परस्त्रीगामियों कु न्याय करलो।