1 कुरिन्थि 9:18 - गढवली नयो नियम

¹⁸ तब मेरू प्रतिफल क्य च? यु ही कि मि यीशु मसीह कु शुभ सन्देश कु प्रचार मुफ्त मा करदु रौ, य मेरी तनखा च, मि कु यु संभव च कि मि बगैर तनखा का शुभ सन्देश प्रचार सुंणौ, भले ही मि तैं अपड़ा खर्च कु मंगणु कु अधिकार च।

Garhwali

¹⁸ अर इन्दरि हालत मा मितैं कुई इनाम नि मिलण। मगर जब मि शुभ समाचार को परचार करदु, त वेका बदला मा मि कै बटि कुछ नि लेन्दु। अर ना ही मि शुभ समाचार मा अपणा अधिकारो को इस्तेमाल करदु।

1 कुरिन्थि 9:18 ပူးပေါင်းရင်းမြစ်များ

यूहन्ना 4:36

कठ्ठा कन वला अपड़ी मजदूरी पै कै अनन्त जीवन कु फसल कठ्ठा कनु च की किसान अर कठ्ठा कन वला द्वी मिल के आनन्द करुनु।

खास चेलों 18:3

पौलुस ऊं बट्टी मिलणै गै उ वे जन ही तम्बु बनांण वला छा पौलुस ल वेका दगड़ी रै के काम कैरी; इलै उ ऊंका दगड़ा मा रै।

रोमियों 14:15

जु तेरु भैय तेरु खांणु का कारण उदास हूंद, त फिर तु प्रेम की रीति बट्टी नि चलदी; त त्वे तैं सावधान रौंण चयणु च कि हम खांणु का वजह बट्टी हमारा दगड़िया विश्वासी कु विश्वास नष्ट नि कैरा, किलैकि मसीह वेको भि मोरि छों।

1 कुरिन्थि 3:8

मिल तुम तैं शुभ संदेश सुणये अर परमेश्वर का वचन तैं सिखांण शुरू कैरी, अर अपुल्लोस तुम तैं लगातार सिखांणु ही रै, पर हम द्वीयूँ कु एक ही मकसद च, कि हर एक मनिख अपड़ी ही मेहनत का अनुसार पिता परमेश्वर बट्टी ईनाम पौ।

1 कुरिन्थि 7:31

अर ईं दुनिया मा जु कुछ भि हम म च, हम तैं वे तैं जादा कीमती नि समझण चयणु च, किलैकि उ सब ईं दुनिया मा जादा लम्बा बगत नि चललो।

1 कुरिन्थि 8:9

पर चौकस रावा, इन नि हो, कि तुम्हरी य आजादी कखी ऊं लुखुं कु जु विश्वास मा कमजोर छिनी ठोकर कु कारण बंणि जां।

1 कुरिन्थि 9:12

किलैकि तुम ल हैंका प्रेरितों कि भि आर्थिक मदद कैरी, जौं ल तुम्हरा बीच मा प्रचार कैरी, जबकि हम मा बट्टी कै ल भि ईं बात पर जोर नि द्ये कि तुम हम तैं ऊं चीजों तैं द्या, जु हम तैं आर्थिक मदद कु चयणु च; यांका बजाय, हम कुछ भि सैणु कु तैयार छा, कि हम मसीह का बारा मा शुभ सन्देश पर विश्वास कना का कारण कै तैं भि मुसिबत मा नि डाला।

1 कुरिन्थि 9:15

पर मिल यां मा बट्टी एक भि अधिकार कु इस्तेमाल नि कैरी; मि यु नि लिखणु छों, कि अब तुम मि कु कुछ कैरा। यांका बजाय मि कु मुरण जादा बढ़िया च! किलैकि कुई भि मि तैं ईं बात मा बड़ो मोन कन से नि रोकि सकद कि मि अपड़ो ख्याल अफी ही रखदु।

1 कुरिन्थि 9:17

जु मि यु काम अपड़ी मर्जी से करदु त फिर मि तैं ईनाम मिललो। पर जु पिता परमेश्वर ल मि तैं य जिम्मेदारी दीं च, त मि ईनाम मा क्य उम्मीद कैरी सकदु? मि कै भि ईनाम की उम्मीद नि कैरी सकदु।

2 कुरिन्थि 4:5

किलैकि हम अपड़ो न, पर मसीह यीशु कु प्रचार करदा, कि यीशु मसीह ही प्रभु च; अर हम यीशु का कारण ही तुम्हरा सेवक छा।

1 थिस्सलुनीकी 2:6

हम मनिख्युं बट्टी आदर नि चदयां, अर न तुम बट्टी, न और कै हैंका बट्टी अर जबकि मसीह का प्रेरित हूंण का कारण हमारो तुम बट्टी मदद पांण अधिकार छो।