1 कुरिन्थि 8:13 - गढवली नयो नियम

¹³ इलै, जु मेरा मूर्तियों का संमणी चढ़यूं खांणु बट्टी दुसरा विश्वासी भैय का विश्वास बट्टी पिछनै हटणों कु कारण बणद, त मि तैं उ खांणु कभी भि नि खांण चयणु च।

Garhwali

¹³ इलै अगर मेरु खाणुक खाण मेरा बिस्वासी भै-बैंण खुणि उतेडु़ बणण की वजा बणणु च, त इन्दरि दसा मा मि कभि भि मांस नि खौलु। अर बिस्वासी भै-बैंणो खुणि मि कभि भि उतेडु़ नि बणलु।

1 कुरिन्थि 8:13 ပူးပေါင်းရင်းမြစ်များ

मत्ती 17:27

फिर भि इलै कि हम ऊं तैं ठोकर नि द्यां तु झील का छाला जै के बलस तैं डाल अर ज्वा माछि पैली निकलली वीं तैं ली वीं को गिच्चा खुलण पर त्वे तैं एक सिक्का मिललो वे तैं ले के मेरा अर अपड़ा बदला कु कर ऊं तैं देये दे।

खास चेलों 15:20

पर हम ऊं तैं एक चिठ्ठी लिखीं कै भेजा, कि उ वे मांस तैं नि खये जै तैं लुखुं ल मूर्तियों तैं चढ़ायूं च अर व्यभिचार अर गौलो घोंटी कै मर्यां जानवरों कु मांस नि खयां अर जानवरों को ल्वे नि खयां।

रोमियों 14:13

इलै अगनैं कु हम एक हैंका पर भंगार नि लगयां पर तुम यु ही ठांणी ल्यावा की कुई भि अपड़ा भैय का संमणी पाप कन या ठोकर खांणु कु कारण नि रख्यां।

रोमियों 14:21

भलो त यु च, की तु न मांस खा अर न दाखमधु पी अर न कुछ इन कैर ज्यां बट्टी तेरु विश्वासी भैय पाप कैरो।

1 कुरिन्थि 10:32

मि सभियूं तैं खुश कने की कोशिश करदु, मि अपड़ी भलै का बारा मा नि सुचणु छो, बल्कि सभियूं का भलै का बारा मा सुचणु छो, कि उ बची के उद्धार पै साका। उन ही के तुम भि इन के रा कि यहूदियों या यूनानी अन्यजाति या पिता परमेश्वर का विश्वासियों की मण्डलि कु कुई परेशानी या कुई ठेस पैदा नि हो।

1 कुरिन्थि 13:5

उ दुसरों का दगड़ी बुरो बरतौ नि करदींनि, प्रेम मतलबी नि हूंद, यु बल्कि खुद तैं खुश कना का बारा मा नि सुचदींनि, उ जल्दी गुस्सा नि हूंदींनि।

1 कुरिन्थि 6:12

मि एक विश्वासी छों, इलै मि तैं सब कुछ कने की आजादी त च, पर सब कुछ लाभ कु नि च, जबकि सब कुछ कने की मि तैं आजादी त च, पर मि कै बात का भि अधीन नि छों।

1 कुरिन्थि 9:12

किलैकि तुम ल हैंका प्रेरितों कि भि आर्थिक मदद कैरी, जौं ल तुम्हरा बीच मा प्रचार कैरी, जबकि हम मा बट्टी कै ल भि ईं बात पर जोर नि द्ये कि तुम हम तैं ऊं चीजों तैं द्या, जु हम तैं आर्थिक मदद कु चयणु च; यांका बजाय, हम कुछ भि सैणु कु तैयार छा, कि हम मसीह का बारा मा शुभ सन्देश पर विश्वास कना का कारण कै तैं भि मुसिबत मा नि डाला।

2 कुरिन्थि 11:29

जब कुई कमजोर हूंद त मि भि कमजोर महसूस करदु; जब कुई पाप मा पोड़ जांद त मि भौत दुखी हूंदु।

2 कुरिन्थि 6:3

पिता परमेश्वर का सहभागी का रूप मा, हम कै बात मा ठोकर खांणा का कुई मौका नि दींदयां, कि हमारी सेवा पर कई भंगार नि लगौ।