1 कुरिन्थि 7:34 - गढवली नयो नियम

³⁴ अणबिवाक अर जूंको ब्यो हुयुं च द्वीयूँ मा भेद च; अणबिवाक प्रभु की सेवा कन कै कैरो ईं बात कि चिंता मा रौंदो, कि उ देह मा अर आत्मा द्वीयूँ मा पवित्र हो, पर जूंको ब्यो हुयुं च उ सांसारिक चिन्ताओं मा रौन्दींनि, कि व अपड़ा आदिम तैं कन कै खुश रखो।

Garhwali

³⁴ इलै एक पति हमेसा इन सोचदु कि कनकै पिता परमेस्वर तैं खुश किये जौ, अर कनकै घरवळी तैं खुश किये जौ। अर ठिक इन्‍नि एक अणविवाक नौनि सिरफ पिता परमेस्वर का काम का बारा मा सोचदी, कि वा कनकै पिता परमेस्वर तैं खुश कैरो, अर वा खुद तैं पिता परमेस्वर का सुपुर्द कैरी देन्दी, अर इन वा इलै करदी ताकि वींको बदन अर आत्मा दुई पवित्र रा। मगर जिं जनानि को ब्यौ होयुं रौन्दु, वा अपणा परिवार अर अपणा कामों की चिन्ता मा ही रौन्दी, ताकि वा कनि ना कनकै अपणा पति तैं खुश रखो।

1 कुरिन्थि 7:34 ပူးပေါင်းရင်းမြစ်များ

यूहन्ना 10:13

उ इलै भागि जांद किलैकि उ मजदूर च अर वे तैं ढिबरों कि चिन्ता नि च।

रोमियों 6:13

अर न अपड़ा देह का अंगों तैं बुरा मकसद कु इस्तेमाल हूंणु कु सुपूर्त नि कैरा, पर अपड़ा आप तैं मुर्दों मा बट्टी ज्यूँदो समझी के अपड़ा जीवन परमेश्वर तैं सौंपी द्यां, अर अपड़ा देह का अंगों तैं धार्मिक मकसद कु इस्तेमाल हूंणु कु अपड़ा जीवनों तैं पूरा ढंग से पिता परमेश्वर तैं सौंपी द्यां।

1 कुरिन्थि 6:20

पिता परमेश्वर ल यीशु मसीह तैं भेजि के अर यीशु ल सूली पर अफ तैं बलिदान कैरी के, हम एक बड़ी कीमत चुकै के छुड़ै, इलै अपड़ी देह का द्वारा पिता परमेश्वर की महिमा कैरा।

1 कुरिन्थि 7:33

पर जौं कु ब्यो हुयुं च उ मनिख दुनिया की बातों की चिन्ताओं मा रौंदो, कि अपड़ी जनन तैं कन कै खुश रखो।

1 कुरिन्थि 7:35

मि यु बात तुम्हरा भलै कु बुल्णु छों, न कि तुम तैं फसांणु कु, पर जन की ठिक च; कि तुम एक मन हवे के प्रभु की सेवा मा लगयां रां।

2 कुरिन्थि 11:28

अर यु सभियूं बातों का अलावा हर दिन सभि विश्वासी मण्डलि की चिन्ता मि तैं भौत परेशान करदी।

2 कुरिन्थि 8:16

पिता परमेश्वर कु धन्यवाद हो, जैल तुम कु उ ही चिंता तीतुस का मन मा डाली जु चिंता मि तैं तुम कु च।

फिलिप्पी 1:20

किलैकि मेरा मन कि मनसा अर आस या च कि मेरी कैं भि बात मा बेजती नि हो। पर मि तैं मसीह का बार मा बुल्ण की हिम्मत हो, जन कि मिल पैली बगत मा कैरी छो। चै मि ज्यूँदो रौं या फिर मोरि जौं, मि अपड़ा पूरा जीवन बट्टी मसीह कु सम्मान कनु रौलु।

1 थिस्सलुनीकी 5:23

अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।

1 तीमुथियुस 3:5

किलैकि जब कुई अपड़ा ही परिवार कु प्रबंध कन नि जंणदु हो, त उ पिता परमेश्वर कि मण्डलि कि देख-भाल कनके करलो?

1 तीमुथियुस 5:5

ऊं विधवाओं का प्रति जूं मा ऊंकी जरूरत पूरी कनु कु अर ऊं की देखभाल कनु कु कुई नि च व भस पिता परमेश्वर पर आस रखदि अर दिन-रात बिनती अर प्रार्थना मा लगिं रौंदि

तीतुस 3:8

या बात सच च जु मिल तुम तैं अभि लिखीं अर मि इन चांणु छौं, कि तु यूं बातों का बारा मा विश्वासियों तैं सिखांण बगत सख्तै से बोल, इलै कि जौं लुखुं ल परमेश्वर पर विश्वास कैरी उ भला-भला काम कनु को ध्यान रखुनु; किलैकि सभियूं कु या बात भलि अर मनिख्युं कि फैदा कि छिन।