1 कुरिन्थि 7:28 - गढवली नयो नियम

²⁸ पर जु तुम्हरो ब्यो हवे भि जौं, त पाप नि च; अर जु अणबिवाक नौंनि कु ब्यो करे जौं त कुई पाप नि च; ब्यो हुयां लुखुं तैं ईं दुनिया मा अपड़ा जीवन मा दर्दनाक चीजों कु अनुभव कन पुड़लो अर मि नि चांदु कि तुम यूं मुशीबतों मा पोड़ा।

Garhwali

²⁸ अर अगर कुई अणविवाक ब्यौ करण चाणु च, त यां मा कुई गळत बात नि च। अर अगर कुई अणविवाक नौनि ब्यौ करण चाणि च, त इन करण भि गळत नि च। मगर मि तुमतै बतै देन्दु, कि जु लोग ब्यौ करदिन ऊंतैं अपणा जीवन मा दुख-तकलीफ झिलण पोड़दिन, अर मि त बस इथगा ही चान्दु कि तुमतै कुई परेसानी नि हो।

1 कुरिन्थि 7:28 ပူးပေါင်းရင်းမြစ်များ

मत्ती 5:32

पर मि तुम कु यु बुल्णु छौं कि, “जु कुई आदिम अपड़ी घरवलि तैं व्यभिचार का सिवै कै और कारण ल तलाक द्यो त उ वीं बट्टी व्यभिचार करौंदो अर जु कुई वीं छुड़ी घरवलि दगड़ा मा ब्यो कैर त व भि व्यभिचार करद।”

1 कुरिन्थि 7:26

किलैकि यूं दिनों मा हर जगह विश्वासियों कु मुश्किल चीज हूंणी छिनी, मि तैं लगद कि तुम तैं इन कन ठिक च, कि अणबिवाकों लुखुं तैं मि यु सलाह दींणु छों कि उ अणबिवाक ही रा।

1 कुरिन्थि 7:27

जु कै कु ब्यो हुयुं च अर वेकी जनन च, त वीं बट्टी तलाक ले के अलग हूंणो कु कोशिश नि कैर; अर जु तेरु ब्यो नि हवे अर जनन नि च, त जनन की खोज नि कैर।

1 कुरिन्थि 7:29

हे विश्वासी भयों, मि बुल्दो कि, ईं दुनिया मा हम मा जादा बगत नि च, यु कारण की तुम्हरी जनन च या नि च, यांका बारा मा जादा परेशान नि व; पर प्रभु की सेवा कना का बारा मा सुचणां रा।

2 कुरिन्थि 1:23

पिता परमेश्वर मेरी ईं सचै कु गवाह च कि मि दुबारा कुरिन्थुस शहर इलै नि अयुं कि मेरा कारण तुम तैं कष्ट नि हो।

इब्रानी 13:4

ब्यो सभियूं मा आदर की बात समझी जौं, अर हमेशा आदिम अर वेकी जनन एक दुसरा का प्रति ईमानदार बणयां रावा; किलैकि पिता परमेश्वर व्यभिचारियों, अर परस्त्रीगामियों कु न्याय करलो।