1 कुरिन्थि 7:25 - गढवली नयो नियम

²⁵ अणबिवाकों नौंनियों का बार मा प्रभु की कुई भि आज्ञा मि तैं नि मिली, पर पिता परमेश्वर ल अपड़ी दया का अनुसार मि तैं ज्ञान द्ये, जै पर विश्वास किये जै सकद अर मि अपड़ी सलाह दींदु।

Garhwali

²⁵ अर कुंवारियों खुणि मितैं प्रभु बटि कुई आज्ञा नि च मिली, मगर मि तुमतै सला देणु छौं। अर मि पर यकीन किये जै सकदु, किलैकि प्रभु यीशु न मि पर अपणी दया कैरिके मितैं वफादार बणै।

1 कुरिन्थि 7:25 ပူးပေါင်းရင်းမြစ်များ

1 कुरिन्थि 15:10

पर पिता परमेश्वर की कृपा ल मि प्रेरित छौं; अर वेकी दया मेरा जीवन मा प्रभावशाली च; पर मिल दुसरा कै भि प्रेरित बट्टी बढ़ि मेहनत भि कैरी तब भि य मेरी तरपां बट्टी नि हवे, पर पिता परमेश्वर की दया ल मि तैं वेको काम कना का लैक बणै।

1 कुरिन्थि 4:2

एक मनिख जै तैं अपड़ा मालिक द्वारा काम कनु कु दिए गै हो, वे तैं सच मा विश्वासयोग्य हूंण चयणु च कि जु काम वे तैं दिए गै वे तैं उ पूरो कैरो।

1 कुरिन्थि 7:10

जौं कु ब्यो हवे गै, ऊं तैं मि न, पर प्रभु आज्ञा दींद, कि जनन अपड़ा आदिम से तलाक दे के अलग नि हो।

1 कुरिन्थि 7:12

पर अब या प्रभु की आज्ञा नि च, पर मि वेका विश्वास कन वला लुखुं तैं बुल्ण चांणु छो, जौको ब्यो विश्वास नि कन वला लुखुं दगड़ी हवे गै; जु कै मसीह भैय की जनन मसीह पर विश्वास नि करदी अर वे दगड़ी रौंण चांदी, त उ आदिम वीं जनन तैं तलाक नि द्यो।

1 कुरिन्थि 7:28

पर जु तुम्हरो ब्यो हवे भि जौं, त पाप नि च; अर जु अणबिवाक नौंनि कु ब्यो करे जौं त कुई पाप नि च; ब्यो हुयां लुखुं तैं ईं दुनिया मा अपड़ा जीवन मा दर्दनाक चीजों कु अनुभव कन पुड़लो अर मि नि चांदु कि तुम यूं मुशीबतों मा पोड़ा।

1 कुरिन्थि 7:34

अणबिवाक अर जूंको ब्यो हुयुं च द्वीयूँ मा भेद च; अणबिवाक प्रभु की सेवा कन कै कैरो ईं बात कि चिंता मा रौंदो, कि उ देह मा अर आत्मा द्वीयूँ मा पवित्र हो, पर जूंको ब्यो हुयुं च उ सांसारिक चिन्ताओं मा रौन्दींनि, कि व अपड़ा आदिम तैं कन कै खुश रखो।

1 कुरिन्थि 7:40

पर जु व दुबरा ब्यो नि करदी, त मेरा विचारों मा व धन्य च, अर मि समझदु, कि जब मि तुम बट्टी यु बुल्द त मि पिता परमेश्वर का आत्मा का द्वारा तुम तैं सलाह दींणु छो।

1 कुरिन्थि 7:6

पर मि यु जु बुल्द मेरी एक सलाह च, न कि आज्ञा।

2 कुरिन्थि 11:17

यु बेधड़क मा जु कुछ मि बुल्णु छो, मि उन ही नि बुल्णु छो जन मसीह यीशु चांदो च कि मि बोलु; पर चला मांणी ल्या मूर्खता ही बट्टी बुल्णु छो।

2 कुरिन्थि 2:17

किलैकि हम ऊं भौतों का समान नि छा, जु धन कमौण कु पिता परमेश्वर कु वचन कु प्रचार करदा; पर हम पिता परमेश्वर का वचन कु प्रचार सचै अर मसीह का अधिकार का दगड़ी करदा, यु जांणि के कि पिता परमेश्वर हम तैं दिखणु च।