1 कुरिन्थि 6:2 - गढवली नयो नियम

² तुम अच्छो के जंणदयां कि भविष्य मा पिता परमेश्वर का लोग ईं दुनिया मा लुखुं तैं जांच अर न्याय करला; इलै, जब तुम तैं ईं दुनिया का लुखुं कु फैसला कन त तुम तैं छुटा-छुटा मामलों कु फैसला कना का योग्य हूंण चयणु च।

Garhwali

² हे मेरा दगड़्यों, तुम इन किलै करद्‍यां? क्या तुम ईं बात तैं नि जणद्‍यां, कि न्याय का दिन पर पवित्र लोग न दुनियां का लोगु को न्याय करण? इलै जब हम दुनियां का सब लोगु को न्याय करण वळा छां, त क्या तुम लोग इथगा लैख भि नि छाँ, कि छुटी से छुटी बातों को फैसला तुमरा ही बीच मा हो?

1 कुरिन्थि 6:2 ပူးပေါင်းရင်းမြစ်များ

मत्ती 19:28

यीशु ल ऊंमा बोलि मि तुम मा सच बुल्णु छौं कि नई सृष्टि मा जब मि मनिख कु नौंनो अपड़ी महिमा का सिहासन पर बैठुलो त तुम भि जु मेरा पिछनैं हवे ग्यां बारह सिंहासन मा बैठी के इस्राएल का लुखुं का बारह गोत्र कु न्याय करिल्या।

लूका 22:30

कि तुम मेरा राज्य मा मेरी मेज पर खयां पियां सिंहासनों मा बैठी के इस्राएल का लुखुं का बारह गोत्र कु न्याय करिल्या।

रोमियों 6:16

तुम जंणदा छा कि जब तुम अपड़ा आप तैं कैका गुलाम हूंणु कु दे दींदयां त उ मनिख तुमारो स्वामी हवे जांद, अर तुम तैं इन ही कन चयणु च जु उ बुल्द; तुम पाप का दास हवे सकदा छा जु मृत्यु का तरपां लीजांद, या फिर तुम परमेश्वर की आज्ञा कु पालन कनु कु चुनाव कैरी सकदां, जु धर्मी जीवन कि तरपां लीजांद।

1 कुरिन्थि 1:20

फिर एक कुशल प्रतिद्वंधी जु ई दुनिया मा छिनी, बुद्धिमान आदिम अर मूसा की व्यवस्था तैं सिखांण वलो की स्थिति क्य च? किलैकि पिता परमेश्वर ल पैली ही साबित कैरी दींनि कि ऊंकी सांसारिक बुद्धि को कुई कीमत नि च।

1 कुरिन्थि 1:21

मि इन इलै बुल्णु छों, किलैकि पिता परमेश्वर ल समझदारी का दगड़ी यु निर्णय लये कि ई दुनिया का लोग अपड़ी काबलियत ल वे तैं जनण मा सक्षम नि छिनी। इलै पिता परमेश्वर ल ऊं लुखुं तैं बचौणु कु जु हमारा द्वारा प्रचार किये गै शुभ संदेश तैं मणदींनि, अर जु लोग यु नि मणदींनि उ बुल्दींनि कि हमारा उपदेश कु कुई फैदा नि च।

1 कुरिन्थि 6:4

जु इन मामला समणी औंदींनि, त तुम तैं ऊं मामलों तैं ऊं लुखुं का द्वारा जांच कैरी के नि निपटांण चयणु च जु मण्डलि मा लुखुं का द्वारा सम्मान का लैक नि समझै जयदींनि।

2 कुरिन्थि 4:18

अर हम त दिखीं चीजों तैं न पर अणदिखीं चीजों तैं दिखदी रौंदयां, किलैकि दिखीं चीज त थोड़ा ही दिनों की छिनी, पर अणदिखीं चीज सदनी बंणि रौंदींनि।

1 थिस्सलुनीकी 3:13

हम प्रार्थना करदां प्रभु यीशु तुमारा मनों तैं इन मजबूत कैर कि जब हमारो प्रभु यीशु अपड़ा सब पवित्र लुखुं का दगड़ा मा फिर औ त उ हमारा पिता परमेश्वर का संमणी पवित्रता मा निर्दोष ठैरुनु।

दिब्य दरस 20:4

वेका बाद मिल कुछ सिंहासन दिखिनि अर जु लोग ऊं सिंहासनों पर बैठयां छा ऊं तैं राज्य कनु को अधिकार दिये गै छो। मिल ऊं लुखुं की आत्माओं तैं भि देखि, जूंका मुंड तैं काटेले छो किलैकि ऊंल यु अंगीकार कैरी छो कि यीशु ऊंको प्रभु छो, अर उ परमेश्वर का वचन पर विश्वास करदा छा। ऊं लुखुं ल जानवर या वेकी मूर्ति की आराधना नि कैरी छै, ऊंल अपड़ा माथा या हथों पर जानवर की छाप भि नि लगै छै। यु लोग दुबरा ज्यून्दा हवे गैनी अर एक हजार सालों तक मसीह का दगड़ी मिली के राज्य कैरी।

दिब्य दरस 3:21

उ जु जीत जंदींनि, वे तैं मि अपड़ा सिंहासन का बगल मा सिंहासन पर बैठणों कु अधिकार दयुलु। यु बिल्कुल मि जन ही होलो, जन मिल जीत हासिल कैरी अर अपड़ा बुबा का बगल मा आसण प्राप्त कैरी।