1 कुरिन्थि 6:15 - गढवली नयो नियम

¹⁵ तुम तैं मालूम च, कि तुम्हरी देह मसीह का अंग छिनी, क्य एक आदिम तैं अपड़ा देह तैं ले के, जु की मसीह कु च, क्य यु तैं वेश्या का दगड़ी जुड़ण चयणु च? न! बिल्कुल भि न।

Garhwali

¹⁵ अर क्या तुम इन नि जणद्‍यां, कि हमरु सरील यीशु मसीह को अंग च? अर हम जु मसीह का सरील का अंग छां, इलै या बात ठिक नि च कि हम कै दुसरि जनानि का दगड़ा मा गळत सम्बन्ध रखा?

1 कुरिन्थि 6:15 ပူးပေါင်းရင်းမြစ်များ

लूका 20:16

उ ऐ के ऊं किसानों तैं बुरी रीति बट्टी नाश करलो अर अंगूर का बगिचा का ठेका और किसानों तैं दयालो, जु बगत पर वे तैं फल दींणा राला, यु सूंणि के ऊंल लुखुं कु बोलि, “परमेश्वर कैरो त इन नि हो।”

रोमियों 12:5

वे जन ही, हम भि जु मसीह मा विश्वासी छा, हम सभि मसीह का देह का अंग छा, अर हम सभि एक-दुसरा बट्टी जुड़यां छा।

रोमियों 3:31

त क्य हम मूसा की व्यवस्था पर विश्वास का द्वारा अंत कैरी दींदयां? न! बिल्कुल न! पर हम त व्यवस्था तैं वेको सही महत्व दींणा छा जु पिता परमेश्वर ल मूसा का द्वारा द्ये।

रोमियों 3:6

न! बिल्कुल न! जु पिता परमेश्वर यहूदियों को न्याय कन मा ठिक नि च, त उ निश्चित रूप बट्टी सैरी दुनिया का लुखुं कु न्याय नि कैरी सकद।

रोमियों 6:15

त क्य हवे? किलैकि हम व्यवस्था का अधीन न, पर पिता परमेश्वर की दया का अधीन छा, इलै हम तैं पाप नि कन चयणु च।

रोमियों 6:2

न! बिल्कुल न! हम पाप कु मोरि ग्यां, अर इलै हम तैं पापमय काम नि कन चयणा छिनी।

रोमियों 7:13

क्य व्यवस्था ल, जु अच्छी च, मि तैं पिता परमेश्वर बट्टी दूर कैरी? न! बिल्कुल न! यु पाप च जैल इन कैरी। पाप ल वीं व्यवस्था जु अच्छी छै इस्तेमाल कैरी अर मि तैं पिता परमेश्वर बट्टी दूर कैरी। ईं रीति बट्टी पाप ल दिखै कि उ सच मा क्य च, अर आज्ञा ल दिखै कि पाप पूरी रीति ल बुरी च।

रोमियों 7:7

त हम यूं बातों का बार मा क्य बोला? क्य व्यवस्था पाप च? न! बिल्कुल न! पर व्यवस्था का द्वारा मि पाप तैं जांण साको। मिल जांणि की लालच कन पाप च, किलैकि व्यवस्था मा इन लिख्युं च, कि “लालच नि कैर।”

1 कुरिन्थि 11:3

पर मि चांदु, कि तुम यु जणिल्यो, कि हर आदिम कु मुंड मसीह च, अर एक जनन कु मुंड वेको आदिम च, अर मसीह कु मुंड पिता परमेश्वर च।

1 कुरिन्थि 12:27

इन कै तुम सभि मिलिके मसीह की देह छा अर तुम मा बट्टी हरेक वेका देह का अंग छा।

1 कुरिन्थि 6:13

मि एक विश्वासी छों, इलै मि तैं सब कुछ खांणै की आजादी त च, खांणु हमारा देह कु, अर पुटगो खांणु कु, यु सच च पर पिता परमेश्वर हमारा पुटगा अर खांणु दुयूं तैं नष्ट कैरी दयालो, देह व्यभिचार कु नि, हम तैं अपड़ा देह कु इस्तेमाल ऊं कामों कु कन चयणु च जु प्रभु चांद, अर हमारी देह भि प्रभु कु ही च।

1 कुरिन्थि 6:17

अर जु प्रभु की संगति मा हमेशा रौंद, त वेकी आत्मा अर प्रभु की पवित्र आत्मा एक हवे गै।

1 कुरिन्थि 6:19

तुम जणदां छा, कि तुम्हरी देह पवित्र आत्मा कु मन्दिर च; जु तुम मा बसयूं च, अर तुम तैं पिता परमेश्वर का तरपां बट्टी मिल्द, अर अब तुम अपड़ा न पर पिता परमेश्वर का छा।

1 कुरिन्थि 6:3

तुम तैं पता च कि भविष्य मा हम ल दुष्टदूतों कु न्याय कन, कि पूरा ढंग ल हम यु जीवन की साधारण बातों कु न्याय कैर सका त यु जीवन का मामला खुद ही निपटे साका।

गलातियों 2:17

कुछ यहूदी सुचणा छिनी कि हम ल पाप कैरी, किलैकि हम मूसा की व्यवस्था कु पालन कन का बजाय, धर्मी ठैरे जांण कु मसीह पर भरोसा करदा। त क्य यांकू मतलब यु च कि मसीह ल हम बट्टी पाप किये? न! बिल्कुल न!

गलातियों 3:21

त यांको मतलब यु च कि मूसा की व्यवस्था पिता परमेश्वर का करार का खिलाफ च? न! बिल्कुल न! किलैकि जु मूसा का कानून हम तैं अनन्त जीवन दे सकदा, त हम यांको पालन कैरी के पिता परमेश्वर का दगड़ी धर्मी ठैरे जै साका।

गलातियों 6:14

मि सूली पर हमारा प्रभु यीशु मसीह की मौत का अलावा कभी भि कै हैंकी बात पर बड़ो मोन नि कन चांदु। अर ईं दुनिया की कै भि चीज कु मि तैं कुई लालच नि च, अर मि मा अब दुनिया का कामों तैं कने की कुई इच्छा नि च।

इफिसुस 4:12

वेल लुखुं तैं यु योग्यता इलै दींनि, कि उ पिता परमेश्वर का लुखुं तैं वे कु काम कनु कु तैयार कैरी अर मसीह का देह की रूप मा मजबूत अर पक्का हूंदा जावा।

इफिसुस 5:23

किलैकि स्वामि त जनन कु मुंड च, जन मसीह मण्डलि कु मुंड च; अर मसीह मण्डलि कु उद्धारकर्ता च, जु कि वेकी खुद की देह च।

इफिसुस 5:30

इलै कि हम सभि मसीह का देह का अंगों का जन छा।

कुलुसी 2:19

उ मसीह से जुड़यूं नि रौंदो जु कि सैरी देह कु मुंड च, अर जै बट्टी सैरी देह जोड़ी रांदि अर पट्ठों का द्वारा खुराक पै के अर दगड़ी जुड़ी कै पिता परमेश्वर कि तरपां बट्टी बढ़दी जांद।