1 कुरिन्थि 4:6 - गढवली नयो नियम

⁶ हे विश्वासी भयों, मिल तुम्हरा फैदा कु अपड़ा अर अपुल्लोस कु उदाहरण तुम तैं द्ये, कि तुम हमारा द्वारा यु सीखा कि परमेश्वर का वचन मा जु लिख्युं च, वे बट्टी अगनैं नि बढ़ा। यु ठिक नि च कि तुम एक अगुवा कु आदर कैरा अर दूसरों कु अपमान कैरा।

Garhwali

⁶ हे मेरा भै-बैंणो, मिन तुमरा फैदा का बानो ही अपणु अर अपुल्‍लोस भै को उदारण देके तुमतै यू बात बतैनि, ताकि तुम लोग हमरा उदारण से या बात सिखी जा कि, “जन लिख्यूं च वेसे भैर नि जाण।” अर या बात अच्छी नि च कि तुम महान बणण कि कोसिस कैरा, अर फिर कै एक मनखि का तरफा ह्‍वे जा, अर दुसरो को तिरिस्कार कैरा।

1 कुरिन्थि 4:6 ပူးပေါင်းရင်းမြစ်များ

खास चेलों 18:24

अपुल्लोस नौं को एक यहूदी जैको जन्म सिकन्दरिया शहर मा हवे छो, जु जांणकार आदिम छो अर परमेश्वर का वचन तैं अच्छी तरौं से जंणदो छो उ इफिसुस शहर मा ऐ।

खास चेलों 19:1

जब अपुल्लोस कुरिन्थुस शहर मा छो, त पौलुस दूर का प्रदेशों बट्टी हवे के इफिसुस शहर मा ऐ। अर उख वे तैं कुछ चेला उख मिलिनि।

रोमियों 12:3

किलैकि मि वीं दया का कारण जु परमेश्वर बट्टी मि तैं मिल्युं च, तुम मा बट्टी हरेक कु बुल्णु छौं, कि जन समझण चयणु च, वे बट्टी बढ़ि के कुई भि अपड़ा आप तैं नि समझो; पर जन पिता परमेश्वर ल हरेक तैं परिमाण का अनुसार जथग विश्वास दियुं च उथग ही बांटि, उन ही अच्छी बुद्धि का दगड़ी अपड़ा आप तैं समझा।

1 कुरिन्थि 1:12

मेरू बुल्णों कु मतलब यो च, कि तुम मा बट्टी कुई त अफ तैं बुल्द की, “मि पौलुस कु चेला छों” अर कुई “मि अपुल्लोस कु” त कुई मि कैफा कु, या “मि मसीह कु चेला छों।”

1 कुरिन्थि 1:19

किलैकि परमेश्वर का वचन मा लिख्युं च, कि जु ई दुनियां का बुद्धिमान लोग छिनी, मि दिखौलू की ऊंका विचार हकीकत मा मूर्खता का विचार छिनी। मि साबित करुलु की उ हकीकत मा बुद्धिमान नि छिनी।

1 कुरिन्थि 1:31

किलैकि पिता परमेश्वर का वचन मा लिख्युं च, उन ही हो, “जु बड़ो मोन कैरो उ प्रभु पर कैरो।”

1 कुरिन्थि 13:4

जु लोग दुसरा बट्टी प्रेम करदींनि, उ धीरज ल अर दया का दगड़ी काम करदींनि, प्रेम जलन नि करद, अपड़ी बड़ै नि करद।

1 कुरिन्थि 3:19

किलैकि सच यु च, कि सांसारिक ज्ञान पिता परमेश्वर की नजर मा मूर्खता च, जन परमेश्वर का वचन मा लिख्युं च, “पिता परमेश्वर ही च, जु बुद्धिमानों तैं ऊं की चालाकी मा फंसै दींद।”

1 कुरिन्थि 3:21

इलै एक अगुवा कु बुल्युं मनणु का बारा मा बड़ो मोन कन बंद कैरा, किलैकि पिता परमेश्वर ल तुम तैं सब कुछ तुम्हरी ही भलै कु दयूं च।

1 कुरिन्थि 5:2

तुम तैं बल्कि दुःख बट्टी भुरे जांण चयणु च अर वे आदिम तैं जैल इन काम कैरी, वे तैं मण्डलि बट्टी भैर निकाली दींण चयणु च पर यांका बजाय तुम और भि जादा बड़ा मोन का हवे ग्यां।

1 कुरिन्थि 5:6

तुम्हरो बड़ो मोन कन ठिक नि च मण्डलि पूरा ढंग पर अनैतिकता तैं लै के दुःखी अर वे बट्टी दूर हूंणा का बजाय वे पर बड़ो मोन कनी च; जन जरा सी खमीर पूरा गूंदयां आटा तैं खमीर कैरी दींद उन ही, जु एक आदिम तैं पाप कने की मंजूरी मिलो, त जल्द ही सभि लोग भि उन ही कनु कु प्रभावित होला।

1 कुरिन्थि 8:1

तुम्हरी चिठ्ठी मा तुम ल मूर्तियों का संमणी चढ़यूं बलि कु खांणु का बारा मा पूछि छों, कि हम सभि यु बारा मा जंणदा छा; पर ज्ञान बड़ा मोन तैं पैदा करद, पर अगनैं बढ़ण मा हम एक-दुसरा की मदद प्रेम का दगड़ी करदां।

1 कुरिन्थि 9:23

अर मि सब कुछ मसीह का बारा मा शुभ सन्देश तैं प्रचार कनु कु ही करदु, कि मि दुसरों का दगड़ी शुभ सन्देश कु प्रचार कनु कु पिता परमेश्वर द्वारा मिलण वला ईनाम मा शामिल हवे जौं।

2 कुरिन्थि 10:12

किलैकि हम तैं य हिम्मत नि च कि हम अपड़ा आप तैं ऊं दगड़ी गिंणा, या ऊं बट्टी अफ तैं मिलां, जु अपड़ी बढ़ै करदींनि, अर अपड़ा आप तैं आपस मा नाप तोली के एक दुसरा बट्टी तुलना कैरी के अपड़ा आप तैं मूर्ख ठैरौदींनि।

2 कुरिन्थि 10:15

अर हम सीमा बट्टी भैर दुसरों की मेहनत पर घमण्ड नि करदा; पर हम तैं आस च, कि ज्यों-ज्यों तुम्हरो विश्वास बढ़दी जौं त्यों-त्यों हम अपड़ी सीमा का अनुसार तुम्हरा कारण अर तुम्हरा अमणी-संमणी और भौत लुखुं तक पौंछण मा सक्षम होला।

2 कुरिन्थि 10:7

तुम भैरा का दिखावा तैं दिखदा, जु आँखों का संमणी च, जु कै कु अपड़ा आप पर यु भरोसो हो, कि मि मसीह कु छो, त उ यु भि जांणि ल्यो, कि जन उ मसीह कु च, उन ही हम भि मसीह का छा।

2 कुरिन्थि 11:4

जब भि कुई तुम मा आंदो अर तुम तैं कै दुसरा एक यीशु का बारा मा बतांद जैको प्रचार हम ल नि कैरी त तुम वे नया आदिम तैं स्वीकार कनु कु भौत उत्सुक रौन्दियां; उ यीशु मसीह नि च जैका बारा मा हम ल तुम तैं बतै छो; अर तुम खुश हवे के वे पर ध्यान दींद जब तुम तैं एक इन आत्मा अर शुभ सन्देश मिल्दो जु वे आत्मा अर संदेश का जन नि च जु हम तुम मा लौंदियां त तुम गलत ढंग ल यु तैं पूरा मन से स्वीकार करदा।

2 कुरिन्थि 12:19

तुम अभि तक समझणा होला कि हम तुम्हरा संमणी जवाब दींण होला, पर हम पिता परमेश्वर की मौजूदगी मा मसीह का द्वारा हमेशा सचै दगड़ी बात करदा, अर हे प्रियों, यु सभि बात तुम तैं विश्वास मा मजबूत कनु कु बुल्णा छा।

2 कुरिन्थि 12:20

किलैकि मि तैं डौर च, कखी इन नि हो, कि मि ऐ के जन चांदु छो, उन ही तुम तैं नि पौ; अर मि तैं भि जन तुम नि चांदा उन ही पां, मि तैं डौर च, कि तुम मा झगड़ा, जलन, गुस्सा, लालच, जलन, चुगली, घमंड अर बखेड़ा हो।

2 कुरिन्थि 12:6

किलैकि जु मि घमण्ड कन चौ भि त मूर्ख नि होलो, किलैकि सच बुललु; पर मि यु घमण्ड कन से अफ तैं रुकदो छो, कखी इन नि हो, कि जन कुई मि तैं दिखद, या मि बट्टी सुणद, मि तैं वे बट्टी बढ़ि के समझो।

2 कुरिन्थि 4:15

किलैकि सभि दुःख जु हम ल तुम कु सैनी, कि पिता परमेश्वर की दया का द्वारा जादा से जादा लोग मसीह मा विश्वास कैरा, अर पिता परमेश्वर की महिमा कु धन्यवाद अर स्तुति कैरा।

कुलुसी 2:18

कुई भि मनिख झूठी दीनता, अर स्वर्गदूतों की आराधना कैरी कै, तुम तैं तुम्हरी दौड़ कु प्रतिफल ल्योंणु कु भरमै नि द्यो, कखि तुम अपड़ा फल नि पै सैका। किलैकि इन मनिख दिखीं बातों मा लग्युं रौंदो अर अपड़ी शारीरिक समझ पर बेकार मा बड़ो मोन करदो।

1 थिस्सलुनीकी 1:5

किलैकि हमारो यीशु मसीह का बार मा शुभ सन्देश तुम तैं भस शब्दो मा ही नि सुणै बल्कि पवित्र आत्मा की सामर्थ अर पक्का विश्वास का दगड़ी सुणै गै अर तुम अफी जंणदा छा कि जब हम तुमारा बीच रांदा छा तब तुम्हरी भलै का बानौ हम ल कै किस्मै कु जीवन बसर कैरी।

2 तीमुथियुस 2:10

इलै मि ऊं लुखुं का फैदा कु, दुःख सौणु छो, जौं तैं पिता परमेश्वर ल चुणि, कि उ भि यीशु मसीह पर विश्वास कैरा अर उद्धार का द्वारा बचै जै सैका, अर वीं महिमा तैं पां जु हमेशा बंणि रौ।