1 कुरिन्थि 4:5 - गढवली नयो नियम

⁵ इलै प्रभु का वापिस आंण तक कै तैं भि नि परखा, उ पूरा ढंग से ऊं सभि विचारों तैं बतालो जु लोग सुचदींनि, ज्यांका बार मा कुई भि नि जंणद, त अंधेरा मा छिपी बातों तैं उज्यला मा दिखालो, अर मांणा के उद्देश्यों तैं प्रगट करलो, तब पिता परमेश्वर का तरपां बट्टी हर एक की प्रशंसा होली।

Garhwali

⁵ इलै जबरि तक न्याय को बगत नि ऐ जान्दु, तबरि तक कै का दगड़ा मा कुई गळत काम नि कैरा। अर जब हमरु प्रभु यीशु आलु, त उई ईं बात को न्याय करलु, अर लोगु तैं ऊंका भला-बुरा कामों का बारा मा बतालु, जु ऊंन लुकि-छिपी के करिनी। अर उ इन भि बतालु, कि ऊंका मनों मा क्या च। तब पिता परमेस्वर ऊं लोगु की तारीफ करलु, जु वेका काम खुणि वफादार छिन।

1 कुरिन्थि 4:5 ပူးပေါင်းရင်းမြစ်များ

मत्ती 10:26

इलै ऊं लुखुं बट्टी नि डरयां जु तुम तैं धमकी दींद उ बगत आंणु च जब सब कुछ जु ढँकुयों च उ संमणी ऐ जालो, अर जु कुछ गुप्त च उ सब तैं पता चलि जालो।

मत्ती 24:30

मि मनिख कु नौंनो कु चिन्ह आसमान मा दिखै जालो अर तब धरती का सब जाति का लोग अपड़ी छाति पिटला अर मि मनिख कु नौंनो तैं सैरी सामर्थ, सैरी शक्ति अर महिमा का दगड़ा मा आसमान का बादलों पर औंण दिखला।

मत्ती 24:46

धन्य च उ सेवक जै तैं वेको स्वामी ऐ के इन ही करदु दिखलु।

मत्ती 25:21

वेका मालिक ल वेकु बोलि, धन्य च अच्छा अर ईमानदार सेवक तु थोडी धन राशि तैं संभलण मा ही विश्वासयोग्य रै मि त्वे तैं भौत चीजों कु अधिकारी बंणौलु। औ अर अपड़ा स्वामी की खुशी मा शामिल हवे जा।

मत्ती 25:23

वेका स्वामी ल वेकु बोलि, धन्य अच्छा अर ईमानदार सेवक तु जरासी धन राशि का संभलण मा विश्वासयोग्य रै मि त्वे तैं भौत चीजों कु अधिकारी बंणौलु। अपड़ा स्वामी कि खुशी मा शामिल हवे जा।

लूका 6:37

दूसरों कु जांच कैरी के न्याय नि कैरा त परमेश्वर भि तुमारो न्याय नि करलो अर भंगार नि लगावा त परमेश्वर भि तुम पर भंगार नि लगालो दूसरों तैं माफ कैरा त परमेश्वर भि तुम तैं माफ करलो।

यूहन्ना 21:22

यीशु ल वेको बोलि, “जु मि चौं कि उ मेरा लौटण तक ज्यूँदो रौ, त त्वे तैं क्य? तु मेरू चेला बंणि रै।”

यूहन्ना 21:23

इलै विश्वासी भयों मा या बात फैली गै कि की उ दुसरा चेला नि मुरलि; तभि यीशु ल वेमा इन नि बोलि, कि यु नि मुरलि, पर यु कि “जु मि चौं कि उ मेरा आंण तक ठैरयूं रौ, त त्वे यां बट्टी क्य”

यूहन्ना 5:44

तुम मि पर विश्वास नि कैर सकदा किलैकि तुम एक दुसरा बट्टी प्रशंसा चांदा छा अर तुम एकमात्र परमेश्वर बट्टी प्रशंसा पाणै कि कोशिश नि करदां?

रोमियों 14:4

इलै तुम तैं कैका दास कु न्याय नि कन चयणु च; चाहे उ भलो कैरो या बुरो कैरो, यु वेका मालिक की जिम्मेदारी च। पर उ भलो ही करलो, किलैकि प्रभु भलो कन मा वेकी मदद करदो।

रोमियों 2:1

इलै तुम इन सुचदा कि तुम इन लुखुं पर भंगार लगै सकदा छा, पर तु जु दूसरों पर भंगार लगौंदी, तू बगैर जवाब को छै, किलैकि जीं बात पर तु दूसरों पर भंगार लगौंदी, वीं बात मा अपड़ा आप तैं भि भंगारी ठैरांदी छै, इलै कि तु जु भंगार लगौंदी, खुद भि ऊं ही कामों तैं करदी।

रोमियों 2:16

जै दिन पिता परमेश्वर वे शुभ सन्देश जै कु मि प्रचार करदु छों, का अनुसार यीशु मसीह का द्वारा मनिख्युं कि गुप्त बातों कु न्याय करलो।

रोमियों 2:29

एक सचो यहूदी उ च, जैको मन पिता परमेश्वर का दगड़ी जुड़यूं च, अर सचो खतना भस मूसा कि व्यवस्था कु पालन कन ही नि च; बल्कि यु मन कु बदलाव च, जु परमेश्वर कि आत्मा का द्वारा ही पैदा हूंद। इन मनिख लुखुं बट्टी न, बल्कि परमेश्वर बट्टी बड़ै पांदो।

रोमियों 2:7

जु अच्छा काम मा स्थिर रै के बड़ै, अर आदर, अमरता कि खोज मा छिनी, ऊं तैं पिता परमेश्वर अनन्त जीवन दयालो;

1 कुरिन्थि 1:7

इन ही कै तुम मा हरेक आत्मिक वरदान च, ज्यांकी तुम तैं जरूरत च, अर तुम तैं हमारा प्रभु यीशु मसीह का वापिस आंण कु इन्तेजार करदां।

1 कुरिन्थि 11:16

पर जु कुई सुचद कि जु कुछ मि बुल्णु छों उ गलत च, त यु जांणो कि न हमारी अर न पिता परमेश्वर की मण्डलि मा कुई रिवाज नि च।

1 कुरिन्थि 11:26

किलैकि हर बगत जब तुम ईं रुठी तैं खंदियां, अर यु कटोरा बट्टी अंगूरों कु रस तैं पिन्दयां, त प्रभु का आंण तक वेकी मौत कु प्रचार करदी रावा।

1 कुरिन्थि 15:23

पर हर आदिम एक ठिक ढंग से ज्यूँदो किये जालो; मसीह पैलो आदिम छो, जै तैं ज्यूँदो किये गै; फिर जब मसीह वापिस आलो त उ सभि जु वे पर विश्वास करदींनि ऊं तैं दुबारा ज्यूँदो किये जालो।

1 कुरिन्थि 3:13

पर जब पिता परमेश्वर सभियूं कु न्याय करलो, त आग हर एक आदिम का कामों तैं प्रगट कैरी द्याली; अर व आग हर एक का कामों तैं परखैलि कि कन छिनी।

1 कुरिन्थि 3:14

जैका काम वीं नींव पर जु वेल करीनि, जु उ फुकयो न, त उ ईनाम पालो।

1 कुरिन्थि 3:8

मिल तुम तैं शुभ संदेश सुणये अर परमेश्वर का वचन तैं सिखांण शुरू कैरी, अर अपुल्लोस तुम तैं लगातार सिखांणु ही रै, पर हम द्वीयूँ कु एक ही मकसद च, कि हर एक मनिख अपड़ी ही मेहनत का अनुसार पिता परमेश्वर बट्टी ईनाम पौ।

2 कुरिन्थि 10:18

किलैकि जु अपड़ी बड़ै करद, उ न, पर जै की बड़ै प्रभु करद, उ पिता परमेश्वर का द्वारा सचो कैरी के स्वीकार किये जालो।

2 कुरिन्थि 10:9

यु मि इलै बुल्णु छो, कि चिठ्ठी का द्वारा तुम तैं डरांण वलो नि ठैरु।

2 कुरिन्थि 4:2

पर हम ल शर्मनाक अर गुप्त कामों तैं छोड़ी येले, अर न चालाकी ल चलद्यां, अर न पिता परमेश्वर का वचन मा कुछ मिलावट करदा, पर हम पिता परमेश्वर का संमणी भस सच सिखौदियां, अर हर कुई आदिम गव्है दे सकद कि य बात सच च।

2 कुरिन्थि 5:10

किलैकि जरूरी च, कि हम सभियूं कु मसीह का द्वारा न्याय आसण पर बैठण का द्वारा न्याय किये जौं, कि हर एक आदिम अपड़ा-अपड़ा भला बुरा कामों का बदला जु वेल देह का द्वारा कैरी हूंनु, पौ।

1 थिस्सलुनीकी 5:2

किलैकि तुम अफी अच्छी तरौं से जंणदा छा कि जन राती चोर अचानक औंद, उन कै ही प्रभु यीशु कु आंणौ को दिन भि अचानक आंण वलो च।

इब्रानी 4:13

पिता परमेश्वर का नजरों मा ईं दुनिया का कुई भि आदिम छिपियां नि छिनी, हम तैं पिता परमेश्वर तैं वे हर काम कु हिसाब दींण पुड़लो, किलैकि पिता परमेश्वर का संमणी सभि बात खुलीं अर प्रगट छिनी।

याकूब 4:11

हे विश्वासी भयों, एक हैंका की बदनामी नि कैरा जु अपड़ा भैय की बदनामी करदो या वे पर भंगार लगौंदु उ परमेश्वर का वचन की बदनामी करदो, अर परमेश्वर का वचन पर भंगार लगौंदु पर तू जु परमेश्वर का वचन पर भंगार लगांदी त तब तू परमेश्वर का वचन कु पालन नि करदी बल्कि तु अफी मूसा द्वारा लिखीं परमेश्वर की व्यवस्था पर न्यायी बण जांदी।

याकूब 5:7

इलै हे विश्वासी भयों, प्रभु का औंण वला दिन तक सब्र रखा, जन किसान खेती की मूल्यवान फसल तैं कन जुगल्णु रौंदो अर पैली अर आखिर बरखा तक सब्र रखदो; कि फसल बढ़ौ अर कटणु कु तैयार हो।

याकूब 5:9

हे विश्वासी भयों, एक हैंका पर भंगार नि लगावा, ज्यां ल तुम पर भि भंगार नि लगाये जौं, देखा प्रभु को न्याय कनु को दिन नजदीक च।

1 पतरस 1:7

यूं मुसिबतों कु उद्देश्य यु दिखांण च कि क्य तुम सच मा पिता परमेश्वर पर विश्वास करदा छा। यीशु मसीह मा तुम्हरो विश्वास सोना बट्टी भि जादा कीमती च। जन नाश हूंण वला सोना तैं आग मा परखै जांद अर शुद्ध किये जांद, उन ही तुम जु तुम्हरो विश्वास आग की अजमैशों का द्वारा परखै जांणा का बाद भि मजबूत रांदो, त यु वे दिन तुम तैं भौत प्रशंसा अर महिमा अर सम्मान दिलालो जब यीशु मसीह फिर से आलो।

1 पतरस 5:4

जब यीशु मसीह, जु कि हमारो प्रधान चरवाहा च, दुबरा वापिस आलो, तब तुम तैं एक ईनाम दिये जालो जु कभी भि अपड़ी चमक तैं नि खोलो।

2 पतरस 3:12

इन कै बरतौ कैरा जबकि तुम वे दिन को इन्तेजार कना छा जु पिता परमेश्वर ल चुणि जब मसीह दुबरा वापिस आलो, अर यांका जल्दी आंणु कु अपड़ी तरपां बट्टी पूरी कोशिश कैरा। वे दिन पिता परमेश्वर आसमान तैं आग बट्टी नाश कैरी दयालो, वीं आग की गर्मी आसमान का पिंडों तैं गलै द्याली।

2 पतरस 3:4

अर उ बुलला, मसीह को आंणो को वादा सच नि च! उ कभी नि आलो किलैकि जु शुरुवाती बगत मा हमारा अगुवा छा, उ सब मोरि गैनी पर फिर भि कुछ भि नि बदली। चीज उन ही के हूंदी जन उ तब बट्टी हूंदी ऐनी जब पिता परमेश्वर ल दुनिया की सृष्टि कैरी।

यहूदा 1:14

अर हनोक जु आदम बट्टी (जु पैलो छो) सातवीं पीढ़ी मा पैदा हवे, यूं लुखुं का बारा मा भविष्यवाणी कैरी छै, जब वेल बोलि, देखा प्रभु निश्चित रूप बट्टी अपड़ा पवित्र स्वर्गदूतों की भौत बड़ी संख्या का दगड़ी आलो

दिब्य दरस 1:7

सूंणा, उ बादलों का दगड़ी आंण वलो च; अर हर एक आदिम वे तैं दिखलो, इख तक कि जैल मसीह तैं भाला ल छेदी छो उ भि मसीह तैं आंद दिखला, अर धरती का सभि लोग ऊंची आवाज मा रवाला जब उ मसीह तैं दिखला। हाँ, इन ही होलो! आमीन।

दिब्य दरस 20:12

अर मिल मुरयां लुखुं तैं वे सिंहासन का संमणी खड़ा दिखिनि, मतलब कि जु जरूरी च। उ लोग जु समुद्र मा डूबी कै मोरि गैनी, अर कब्रों म का सभि मुरयां लोग, अर उ सभि लोग जु मोरि के अधोलोक मा छा, उ सभि वे सिंहासन का संमणी खड़ा हवीनि। उ किताब (चाम्रपत्र) खुलै गै जै मा ऊं लुखुं को नौं लिख्यां छा जै मा उ जीवन छो जैको कुई अंत नि च। उ किताब भि खुलै गै जै मा लुखुं ल जु-जु कैरी छो उ लिखै गै छो, अर हर एक ल जु कुछ कैरी छो वेका अनुसार ऊंको जांच के न्याय किये गै, जु वीं किताब मा लिख्युं छो।