1 कुरिन्थि 4:15 - गढवली नयो नियम

¹⁵ चाहे मसीह मा तुम्हरा मार्गदर्शन कनु कु हजारों अगुवा किलै नि हों, पर मि ही एक पिता का जन छों, किलैकि मि पैली आदिम छों, जु तुम मा शुभ सन्देश ले के औं, जैका द्वारा तुम ल मसीह यीशु पर विश्वास कैरी।

Garhwali

¹⁵ हालांकि, सच्‍चै का बाटा पर चलौणु खुणि तुमरा पास सिखौण वळा हजारों गुरु ह्‍वे सकदिन, मगर तुमरा भौत बुबा नि छिन। ठिक उन्‍नि मि भि तुम खुणि एक बुबा का जन बणि ग्यों, किलैकि मिन ही तुमतै शुभ समाचार का बारा बतै, अर मेरा द्‍वारा ही तुमुन प्रभु यीशु मसीह पर बिस्वास कैरी।

1 कुरिन्थि 4:15 ပူးပေါင်းရင်းမြစ်များ

रोमियों 15:20

पर मेरा मन कि अभिलाषा या च, कि शुभ सन्देश प्रचार उ ही जगह मा हो, जख यीशु मसीह का बारा मा अभि तक सुंणै नि गै, उख ही शुभ सन्देश प्रचार सुणो; मि वे घौर बनांण वला मिस्त्री का जन छों, जु कै और की बुनियाद पर निर्माण नि करदो।

1 कुरिन्थि 1:30

पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद।

1 कुरिन्थि 15:1

हे विश्वासी भयों, मि तुम तैं उ ही शुभ सन्देश प्रचार याद दिलांणु छों, जु तुम ल पैली सुणैयेलि, जै संदेश पर तुम ल विश्वास भि कैरी छो, अर वेमा तुम अर भि मजबूत हूंदी ग्यां।

1 कुरिन्थि 3:10

पिता परमेश्वर का वे वरदान का अनुसार, जु मि तैं दिए गै, मिल बुद्धिमान राजमिस्त्री का जन नींव डाली, अर अब कुई दूसरो वे घौर तैं बनांणु च। पर हर एक आदिम चौकनों रौ, कि उ वीं नींव पर वे घौर तैं कन कै बनांणु च।

1 कुरिन्थि 3:6

मि तुम तैं पिता परमेश्वर कु वचन बतांण वलो पैली आदिम छों, इलै मि एक इन आदिम जन छों जैल बीज लगै; वेका बाद, अपुल्लोस ल तुम तैं तुम्हरा विश्वास मा मजबूत बनण मा मदद कैरी, ठिक उन ही जन कि कुई दुसरो आदिम ऊं पौधों तैं पांणी डल्द जु अब बढण लगि गैनी। पर पिता परमेश्वर ल तुम तैं नयो जीवन दींनि अर इन कै तुम आत्मिकता मा बढ़णा छा, जन पिता परमेश्वर पौधों तैं बढांद।

1 कुरिन्थि 3:8

मिल तुम तैं शुभ संदेश सुणये अर परमेश्वर का वचन तैं सिखांण शुरू कैरी, अर अपुल्लोस तुम तैं लगातार सिखांणु ही रै, पर हम द्वीयूँ कु एक ही मकसद च, कि हर एक मनिख अपड़ी ही मेहनत का अनुसार पिता परमेश्वर बट्टी ईनाम पौ।

1 कुरिन्थि 9:12

किलैकि तुम ल हैंका प्रेरितों कि भि आर्थिक मदद कैरी, जौं ल तुम्हरा बीच मा प्रचार कैरी, जबकि हम मा बट्टी कै ल भि ईं बात पर जोर नि द्ये कि तुम हम तैं ऊं चीजों तैं द्या, जु हम तैं आर्थिक मदद कु चयणु च; यांका बजाय, हम कुछ भि सैणु कु तैयार छा, कि हम मसीह का बारा मा शुभ सन्देश पर विश्वास कना का कारण कै तैं भि मुसिबत मा नि डाला।

1 कुरिन्थि 9:14

इन ही कै प्रभु ल भि ठैरे, कि जु लोग शुभ संदेश सुणौंदींनि, ऊंकी जीविका ऊं लुखुं बट्टी मिलण चयणी च, जु शुभ सन्देश तैं सुणौंदींनि।

1 कुरिन्थि 9:16

जु मि शुभ सन्देश प्रचार सुणो, फिर मि मा कुछ भि नि च जैका बारा मा, मि बड़ो मोन कैरी साको; किलैकि यीशु मसीह ल वे तैं कनु कु मि तैं आज्ञा द्ये, अर जु मि शुभ सन्देश प्रचार नि सुणो, त मि पर धिक्कार च।

1 कुरिन्थि 9:18

तब मेरू प्रतिफल क्य च? यु ही कि मि यीशु मसीह कु शुभ सन्देश कु प्रचार मुफ्त मा करदु रौ, य मेरी तनखा च, मि कु यु संभव च कि मि बगैर तनखा का शुभ सन्देश प्रचार सुंणौ, भले ही मि तैं अपड़ा खर्च कु मंगणु कु अधिकार च।

1 कुरिन्थि 9:23

अर मि सब कुछ मसीह का बारा मा शुभ सन्देश तैं प्रचार कनु कु ही करदु, कि मि दुसरों का दगड़ी शुभ सन्देश कु प्रचार कनु कु पिता परमेश्वर द्वारा मिलण वला ईनाम मा शामिल हवे जौं।

2 कुरिन्थि 4:5

किलैकि हम अपड़ो न, पर मसीह यीशु कु प्रचार करदा, कि यीशु मसीह ही प्रभु च; अर हम यीशु का कारण ही तुम्हरा सेवक छा।

गलातियों 3:24

इलै मूसा की व्यवस्था मसीह तक औंण तक हम तैं रस्ता दिखांणु कु अर हमारी रखवली कनु कु दिये गै, कि हम यीशु मसीह पर विश्वास कना का द्वारा पिता परमेश्वर का संमणी धर्मी बंणै जै सका।

गलातियों 3:25

पर अब हम मसीह पर विश्वास करदा छा, त हमारी मदद कनु कु अर हम तैं रस्ता दिखांणु कु मूसा की व्यवस्था की जरूरत नि च।

गलातियों 4:19

हे मेरा प्रियों, जन एक जनन प्रसव का बगत दर्द महसूस करदी, उन ही के मि एक बार फिर तुम कु पिड़ा सौणु छो। मि ईं पिड़ा मा तब तक रौलु जब तक तुम मसीह मा मजबूत नि हवे जणदां।

2 तीमुथियुस 4:3

किलैकि इन बगत आलो, जब लोग खरा उपदेश तैं स्वीकार नि करला पर अपड़ी लालसाओं का अनुसार अफ कु भौत सी धर्म-गुरुओं तैं कट्ठा करला जु ऊं तैं ऊंकी पसंद कि बात सुंणौनु।

तीतुस 1:4

मि य चिठ्ठी तीतुस तैं लिखणु छों, तू मेरा अपड़ा नौंना जन छै, किलैकि तू भि मसीह पर विश्वास करदी छै जन मि करदु; परमेश्वर पिता अर हमारा उद्धारकर्ता मसीह यीशु कि तरपां बट्टी त्वे तैं कृपा अर शान्ति मिलदी रौ।

फिलेमोन 1:19

मि पौलुस अपड़ा हथों ल लिखणु छौं, मि अफी वेको भुगतान कैरी दयुलु; जब की तु पैली बट्टी जणदी छै, कि जु मि तेरी मदद नि करदु, त तु खुद बट्टी नया जीवन तैं नि पै सकदी, इलै तु अपड़ा जीवन कु मेरू कर्जदार छै।

याकूब 1:18

पिता परमेश्वर ल अपड़ी ही मनसा का अनुसार सच्चा वचन का द्वारा हम तैं नयो जन्म दींनि, कि हम वेका द्वारा बणईं हर एक चीज का सबसे जरूरी भाग हो, जन कि फसल कु पैलो हिस्सा सबसे जरूरी हिस्सा हूंद।

1 पतरस 1:23

(तुम तैं एक दुसरा बट्टी प्रेम कन चयणु च) किलैकि तुम तैं पिता परमेश्वर की तरपां बट्टी एक नयो जीवन मिल्युं च। तुम तैं यु जीवन कै इन चीज का द्वारा नि मिली, जु नाश हवे जाली पर हम तैं यु नयो जीवन पिता परमेश्वर का जीवित अर अनन्त वचन बट्टी मिली।