1 कुरिन्थि 4:12 - गढवली नयो नियम

¹² अर अपड़ा ही हथों का परिश्रम का द्वारा काम करदां; लोग बुरो बुल्दींनि, हम ऊं तैं आशीष दींदयां; उ हम तैं सतांदा छिनी, अर हम सौंदा छा।

Garhwali

¹² अर अपणा हाथोंळ बड़ी मेनत कैरिके थकी जन्द्‍यां। अर फिर भि लोग हमरु अपमान करदिन, मगर हम ऊंतैं आसीस देन्द्‍यां। अर वु लोग हमतै सतौन्दा छिन, मगर हम ऊंकी सौन्द्‍यां।

1 कुरिन्थि 4:12 ပူးပေါင်းရင်းမြစ်များ

मत्ती 5:11

“धन्य छा तुम जब मनिख तुम तैं मेरा चेला हूंण का वजह से तुम्हरी बुरै कैरा अर तुम तैं सतौनु अर झूठ बोलि-बोलि के तुमारा विरोध मा बनि-बनि किस्मै की बात बुलुनु।”

मत्ती 5:44

पर मि तुम मा यु बुल्ण छौं कि अपड़ा बैरियों से प्रेम रखा अर अपड़ा सतौंण वलो कु पिता परमेश्वर बट्टी प्रार्थना कैरा।

लूका 23:34

तब यीशु ल बोलि, “हे बुबा यूं तैं माफ कैर किलैकि यु नि जणदींनि कि यु क्य कना छिन” ऊंल वेका कपड़ोंं तैं बंटणु कु पर्ची बणै कि जै तैं जु भि मिललो वे तैं आपस मा बांटि द्याला।

लूका 6:28

जु तुम तैं गलि द्ये ऊं तैं आशीष द्या, जु तुमारो अपमान करदो ऊं कु परमेश्वर बट्टी प्रार्थना कैरा।

यूहन्ना 15:20

याद रखा की मिल तुम मा क्य बोलि दास अपड़ा स्वामि बट्टी बड़ो नि हूंद, वे तैं याद रखा ऊंल मि तैं सतै त तुम तैं भि सताला जु मेरी शिक्षा तैं मणिल्या त तुम्हरी भि मंणला।

खास चेलों 18:3

पौलुस ऊं बट्टी मिलणै गै उ वे जन ही तम्बु बनांण वला छा पौलुस ल वेका दगड़ी रै के काम कैरी; इलै उ ऊंका दगड़ा मा रै।

खास चेलों 20:34

तुम त जंणदा ही छा कि मिल मेहनत कैरी के अपड़ा अर अपड़ा दगड़ियों की जरूरत तैं पूरो कैरी।”

खास चेलों 7:60

फिर घुंडा टेकि कै ऊंची आवाज मा बोलि, “हे प्रभु यूं तैं यु पाप को भंगारी नि ठैरो।” अर इन बोलि उ मोरि गै।

रोमियों 12:14

अपड़ा सतौंण वलो तैं आशीष द्यावा; आशीष द्यावा पर श्राप नि द्यावा।

रोमियों 12:20

पर जन परमेश्वर का वचन मा लिख्युं च, “जु तेरु बैरी भूखो हो त वे तैं खांणु खिलौ, जु तिसलो हो, त वे तैं पांणी पिलौ; किलैकि इन कै तु वे तैं लज्जित कैरी दीलि।”

रोमियों 8:35

कुई भि हम तैं मसीह का प्रेम बट्टी अलग नि कैर सकद। क्य क्लेश, या संकट, या घपरौल, या अकाल, या नंगुपन, या खतरा, यूं मा बट्टी एक भि हम तैं मसीह का प्रेम बट्टी अलग नि कैर सकलो।

1 कुरिन्थि 9:6

मि तैं अर बरनबास तैं भि प्रभु यीशु का हैंका प्रेरितों का जन आर्थिक मदद मिलणु कु अधिकार च अर हमारा जीवनों तैं ज्यूंणु कु काम कनै की जरुरत नि च।

2 कुरिन्थि 11:8

मिल दुसरी मण्डलियों बट्टी मदद स्वीकार कैरी कि मि तुम तैं बगैर कै खर्च का सेवा दे साको। यु तैं तुम लुटण नि बोला।

इफिसुस 4:28

चोरी कन वलो फिर चोरी नि कैर; पर उ मेहनत कैरा कि हथों ल कैरे गै उपयोगी कामों का द्वारा अन्य लुखुं की भि मदद कैरी सका, जौं तैं कै भि किस्मै कि जरुरत च; इलै कि जै तैं मतलब हो, वे तैं दींणु कु कुछ नि हो।

1 थिस्सलुनीकी 2:9

हे विश्वासी भयों, तुम हमारी मेहनत अर हमारी मुसिबतों तैं याद रखद्यां, कि हम ल रात दिन कामकाज कैरी कै तुम्हरा बीच मा पिता परमेश्वर कु शुभ सन्देश प्रचार कैरी, कि तुम तैं हमारी जरूरतों कु ध्यान नि रखण पोडो।

2 थिस्सलुनीकी 3:8

अर कैकी रुटि मुफ्त मा नि खै; पर कष्ट उठै के मेहनत ल रात-दिन कामकाज करदां छा, कि हम तैं अपड़ी जरूरतों कु तुम मा बट्टी कै पर भि निर्भर हूंण नि पोड़ो।

1 तीमुथियुस 4:10

किलैकि यु जीवन तैं पांणु कु हम मेहनत अर हरेक किस्मै कि कोशिश इलै ही करदां, कि हमारी आस वे ज्यूंदा पिता परमेश्वर पर च जु सभि मनिख्युं को अर खास कैरी कै विश्वासियों कु उद्धारकर्ता च।

1 पतरस 2:23

जब लुखुं ल यीशु को अपमान कैरी, त यीशु ल पलटी के ऊंको अपमान नि कैरी। जब लुखुं ल वे तैं दुःख द्ये, त वेल बदला मा ऊं तैं चोट पौछांणै की कोशिश नि कैरी। बल्कि, यीशु ल अपड़ी मदद कु पिता परमेश्वर पर विश्वास कैरी। उ जंणदु छो कि पिता परमेश्वर हमेशा न्यायपूर्ण ढंग से लुखुं को न्याय करद।

1 पतरस 3:14

पर जु हम तैं अपड़ा धर्मी बरतौ का कारण दुःख मिल्दो भि च, त हकीकत मा हम धन्य होला। इलै, जु इन लोग छिनी जु हम तैं डरौंदींनि, त ऊं बट्टी नि डैरा अर नि घबरा।

1 पतरस 3:9

बुरै का बदला मा बुरै नि कैरा अर न गल्ली का बदला मा गल्ली द्या; पर यांका विपरीत आशीष ही द्या; पिता परमेश्वर ल तुम तैं बुलै कि तुम दूसरों तैं आशीष दे साका। जु तुम इन करदा त पिता परमेश्वर भि तुम तैं आशीष दयालो।

1 पतरस 4:19

इलै, जु लोग उन ही दुःख सौंदींनि जन पिता परमेश्वर चांद, ऊं तैं पिता परमेश्वर पर विश्वास रखण चयणु च, जैल ऊंकी सृष्टि कैरी। पिता परमेश्वर हमेशा उ करद जै तैं कनु को पिता परमेश्वर को वादा करयूं छो अर इलै जु अच्छो च उ कना रा अर पिता परमेश्वर का हथों मा अपड़ा आत्मा तैं सौंपी द्या।

यहूदा 1:9

इख तक की मीकाईल ल भि जु पिता परमेश्वर का मुख्य स्वर्गदूतों मा बट्टी एक छो, वेल अपमान नि कैरी जन यु अधर्मी लोग करदींनि। किलैकि जब वेल शैतान का दगड़ी विवाद कैरी अर पिता परमेश्वर का तरपां बट्टी बुल्ण वला मूसा की देह तैं लींणु कु अपड़ा अधिकार की चुनौती द्ये, त मीकाईल ल भि यु नि सोचि कि वेमा बुरी बात बोलि के शैतान पर जांच का द्वारा भंगार लगांण कु अधिकार च। बल्कि वेल बोलि, “प्रभु त्वे दगड़ी कड़ाई से बात कैरो।”