1 कुरिन्थि 3:8 - गढवली नयो नियम

⁸ मिल तुम तैं शुभ संदेश सुणये अर परमेश्वर का वचन तैं सिखांण शुरू कैरी, अर अपुल्लोस तुम तैं लगातार सिखांणु ही रै, पर हम द्वीयूँ कु एक ही मकसद च, कि हर एक मनिख अपड़ी ही मेहनत का अनुसार पिता परमेश्वर बट्टी ईनाम पौ।

Garhwali

⁸ पौद लगौण वळु अर देख-रेख करण वळु दुईया का दुई एक ही जन छिन, अर ऊंतैं ऊंकी मेनत का मुताबिक ध्याड़ि दिये जालि, हाँ, जु कुछ भि हमुन कैरी।

1 कुरिन्थि 3:8 ပူးပေါင်းရင်းမြစ်များ

मत्ती 16:27

जब मि मनिख कु नौंनो अपड़ा स्वर्गदूतों का दगड़ी अपड़ा बुबा कि महिमा मा आलो वे बगत उ हर एक तैं वेका कामों का अनुसार प्रतिफल दयालो।

लूका 19:19

वेल वेकु बोलि “तू भि पाँच शहरों कु अधिकारी बंणि जा।”

रोमियों 2:6

पिता परमेश्वर हरेक मनिख तैं वेका कामों का अनुसार प्रतिफल दयालो।

1 कुरिन्थि 15:58

इलै हे विश्वासी भयों, अपड़ा विश्वास मा मजबूत रावा अर गलत शिक्षाओं का द्वारा नि भटका, प्रभु कु जु काम तुम कना छा वेमा हमेशा बढ़णा रावा, अर यु जांणा, कि जु कुछ भि तुम प्रभु कु करीला वेको ईनाम तुम तैं जरुर मिललो।

1 कुरिन्थि 3:14

जैका काम वीं नींव पर जु वेल करीनि, जु उ फुकयो न, त उ ईनाम पालो।

1 कुरिन्थि 3:7

इलै न त बीज लगांण वलो कुछ च, अर न पौधों तैं पांणी दींण वलो कुछ च, पर पिता परमेश्वर ही सब कुछ च, जु बढांद।

1 कुरिन्थि 3:9

किलैकि हम पिता परमेश्वर कु काम कन वला छा, अर कुरिन्थ का विश्वासियों तुम एक सगोड़ा अर एक घौर जन छा, जै तैं पिता परमेश्वर बणद अर उ वेको ही च।

1 कुरिन्थि 4:15

चाहे मसीह मा तुम्हरा मार्गदर्शन कनु कु हजारों अगुवा किलै नि हों, पर मि ही एक पिता का जन छों, किलैकि मि पैली आदिम छों, जु तुम मा शुभ सन्देश ले के औं, जैका द्वारा तुम ल मसीह यीशु पर विश्वास कैरी।

1 कुरिन्थि 9:7

एक सिपै तैं कभी भि अपड़ो खर्च अफी नि दींण पुड़दो; जब एक आदिम अंगूरों कु बगिचा लगौंद, त वे तैं वेको फल खांणो कु भि अधिकार हूंद; अर एक चरवाहा तैं अपड़ी ढिबरों बट्टी दूध पींणो कु भि अधिकार हूंद।

गलातियों 6:4

तुम मा बट्टी हर एक तैं अपड़ा कामों की जाँच कन चयणी च। जु यु अच्छो च त जु कुछ तुम ल कैरी वे पर तुम बड़ो मोन कैरी सकदियां, पर कै और दगड़ी अपड़ा काम की तुलना नि कैरा।

गलातियों 6:5

किलैकि हम मा बट्टी हर एक आदिम अपड़ा कामों कु जिम्मेदार अफी च।

इब्रानी 6:10

किलैकि जन तुम ल अच्छा काम करीनि अर अब भि तुम पिता परमेश्वर का नौं बट्टी वेका लुखुं कु प्रेम का दगड़ी सेवा कु काम करदींनि, इलै परमेश्वर तुम्हरा कामों तैं नि बिसरुलो; किलैकि उ एक धर्मी च।

1 पतरस 5:4

जब यीशु मसीह, जु कि हमारो प्रधान चरवाहा च, दुबरा वापिस आलो, तब तुम तैं एक ईनाम दिये जालो जु कभी भि अपड़ी चमक तैं नि खोलो।

2 यूहन्ना 1:8

इलै तुम तैं चौकस रौंण चयणु च कि कखी यु लोग तुम तैं धोखा नि द्यां कि पिता परमेश्वर कि सेवा कु तुम्हरा द्वारा किये गै मेहनत बेकार नि हवे जौ अर पिता परमेश्वर तुम तैं तुम्हरी सेवा को पूरो प्रतिफल दयालो।

दिब्य दरस 2:23

मि ऊं लुखुं तैं मारि दयुलु जु वींकी शिक्षाओं कु अनुसरण करदींनि, अर सैरी मण्डलि जांणि जाली कि मि ही छो जु हर एक आदिम का विचारों अर उद्देश्यों की अजमैश करदु। मि तुम मा बट्टी हर एक तैं ऊंका करयां कामों का अनुसार ईनाम दयुलु।

दिब्य दरस 22:12

“तब प्रभु यीशु ल बोलि; मि जल्द ही औलु; अर लुखुं ल जु-जु काम करिनि, मि ऊं तैं ऊंका कामों तैं देख के ईनाम अर सजा दयुलु।”