1 कुरिन्थि 3:5 - गढवली नयो नियम

⁵ आखिर मा, मि पौलुस अर अपुल्लोस भस सेवक ही छा, जूंका द्वारा तुम लुखुं ल मसीह पर विश्वास कैरी, हम मा बट्टी हर एक ल उ ही काम कैरी जु पिता परमेश्वर ल हम तैं कनु कु द्ये।

Garhwali

⁵ अर तुमरो यू पौलुस अर अपुल्‍लोस क्या च लगायूं? अरे, हम त सिरफ यीशु मसीह का सेवक छां। अर हमरि बातों तैं सुणी के तुमुन यीशु मसीह पर बिस्वास कैरी, अर हम दुईयों न त सिरफ उई काम कैरी जु कि परमेस्वर न हमतै देई।

1 कुरिन्थि 3:5 ပူးပေါင်းရင်းမြစ်များ

मत्ती 25:15

वेल एक तैं पाँच चांदी का सिक्का अर दुसरा तैं द्वी अर तिसरा तैं एक हरेक तैं वेकी सामर्थ का अनुसार दींनि अर तब परदेश चलि गै।

लूका 1:2

ऊंल ठिक उ ही लिखी जु हम तैं ऊं लुखुं बट्टी बतै गै छो जौं ल ऊं तैं प्रत्यक्ष रूप मा यीशु की सेवकाई की शुरुआत से देखि छो अर जु बाद मा परमेश्वर का वचन कु सेवक बंणि गै।

यूहन्ना 3:27

यूहन्ना ल जवाब दे जब तक मनिख तैं स्वर्ग बट्टी न दिये जौं तब तक उ कुछ नि पै सकद।

खास चेलों 18:24

अपुल्लोस नौं को एक यहूदी जैको जन्म सिकन्दरिया शहर मा हवे छो, जु जांणकार आदिम छो अर परमेश्वर का वचन तैं अच्छी तरौं से जंणदो छो उ इफिसुस शहर मा ऐ।

खास चेलों 19:1

जब अपुल्लोस कुरिन्थुस शहर मा छो, त पौलुस दूर का प्रदेशों बट्टी हवे के इफिसुस शहर मा ऐ। अर उख वे तैं कुछ चेला उख मिलिनि।

रोमियों 15:16

कि मि अन्यजातियों कु मसीह यीशु कु सेवक हवे के एक याजक का जन पिता परमेश्वर बट्टी मिलीं शुभ सन्देश तैं सुनांणै की सेवा करदु छों; कि अन्यजाति पिता परमेश्वर तैं एक भेंट का रूप मा दिये जां ज्यां ल उ खुश हो अर जौं तैं पवित्र आत्मा, पवित्र बणौ।

1 कुरिन्थि 12:28

अर पिता परमेश्वर ल मण्डलि मा अलग-अलग आदिम नियुक्त करयां छिनी; पैला प्रेरित, दुसरा परमेश्वर का तरपां बट्टी बुल्ण वलो, तिसरा शिक्षक, फिर चमत्कार का काम कन वला, फिर चंगा कन वला, अर उपकार कन वला, अर प्रधान, अर बनि-बनि भाषा बुल्ण वला।

1 कुरिन्थि 16:12

अर विश्वासी भयों, अपुल्लोस बट्टी मिल भौत बिनती कैरी, कि हैंका विश्वासियों का दगड़ी जु तुम बट्टी मिलणु कु औ; पर वेल वे बगत जांण ठिक नि समझी, पर ठिक बगत आंण पर ए जालो।

1 कुरिन्थि 3:10

पिता परमेश्वर का वे वरदान का अनुसार, जु मि तैं दिए गै, मिल बुद्धिमान राजमिस्त्री का जन नींव डाली, अर अब कुई दूसरो वे घौर तैं बनांणु च। पर हर एक आदिम चौकनों रौ, कि उ वीं नींव पर वे घौर तैं कन कै बनांणु च।

1 कुरिन्थि 3:22

मि पौलुस, क्य अपुल्लोस, क्य पतरस (कैफा) क्य दुनिया, क्य ईं दुनिया की चीज, चाहे तुम ज्यून्दा रा या मोरि भि जावा, क्य वर्तमान, क्य भविष्य कु, सब कुछ तुम्हरी ही भलै कु च,

1 कुरिन्थि 3:7

इलै न त बीज लगांण वलो कुछ च, अर न पौधों तैं पांणी दींण वलो कुछ च, पर पिता परमेश्वर ही सब कुछ च, जु बढांद।

1 कुरिन्थि 9:17

जु मि यु काम अपड़ी मर्जी से करदु त फिर मि तैं ईनाम मिललो। पर जु पिता परमेश्वर ल मि तैं य जिम्मेदारी दीं च, त मि ईनाम मा क्य उम्मीद कैरी सकदु? मि कै भि ईनाम की उम्मीद नि कैरी सकदु।

2 कुरिन्थि 11:23

क्य उ ही मसीह का सेवक छिनी (मि बौलयों जन बुल्णु छो) मि ऊं बट्टी बढ़ि के छो। मिल ऊं बट्टी कई जादा मेहनत कैरी, ऊं बट्टी कई जादा बंधि बणयूं, कई बार पिटे ग्यों, अक्सर ही मेरा प्राण संकट मा पुड़ीनि।

2 कुरिन्थि 3:3

यु प्रगट च, कि तुम मसीह की तरपां बट्टी एक चिठ्ठी का जन छा अर य चिठ्ठी हमारी सेवकाई कु सबूत च; जु स्याही ल न, या ढुंगा की पटियों पर न, पर ज्यून्दा पिता परमेश्वर का आत्मा का द्वारा मनिख्युं का दिल की पटियों पर लिखै गै।

2 कुरिन्थि 3:6

जैल हम तैं नई प्रतिज्ञा का सेवक हूंणै की क्षमता द्ये, मूसा की व्यवस्था का सेवक हूंणै की न पर पवित्र आत्मा की; किलैकि मूसा की व्यवस्था तैं नि मनणु कु नतीजा त मौत च, पर पवित्र आत्मा अनन्त जीवन दींद।

2 कुरिन्थि 4:1

इलै जब हम पर इन दया हवे, कि पिता परमेश्वर का शुभ संदेश कु प्रचार कने की सेवकाई कैरा, त हम हिम्मत नि छुड़दियां।

2 कुरिन्थि 4:5

किलैकि हम अपड़ो न, पर मसीह यीशु कु प्रचार करदा, कि यीशु मसीह ही प्रभु च; अर हम यीशु का कारण ही तुम्हरा सेवक छा।

2 कुरिन्थि 4:7

पर अब हमारा दिलों मा यु उज्यलो चमकणु च, पर हम अफ माटा का ऊं कमजोर भांडा का जन छा जौं मा यु बड़ों खजाना भुर्युं च, कि या कभी खत्म नि हूंण वली सामर्थ हमारी तरपां बट्टी न, पर पिता परमेश्वर ही का तरपां बट्टी च।

2 कुरिन्थि 5:18

अर सभि बात पिता परमेश्वर की तरपां बट्टी छिनी, जैल मसीह का द्वारा अफ दगड़ी हम तैं अफ मा मेल किये, अर लुखुं कु परमेश्वर का दगड़ी मेल मिलाप कनु कु काम दिये गै।

2 कुरिन्थि 6:1

हम जु पिता परमेश्वर का सहकर्मी छा यु भि तुम बट्टी बिनती करदा, कि पिता परमेश्वर की दया जु तुम पर हवे, बेकार नि रैणी द्या।

2 कुरिन्थि 6:4

पर हर बात मा हम यु साबित करदा, कि हम पिता परमेश्वर का सच्चा सेवक छा; धैर्य ल क्लेशों, दरिद्रता अर संकट तैं सै के,

इफिसुस 3:7

अर मुफ्त उपहार बट्टी, बल्कि पिता परमेश्वर का अनुग्रह बट्टी जु वेल मि तैं दिईं च, पिता परमेश्वर का अनुग्रह अर चमत्कार का काम बट्टी जु मि तैं सौभाग्य दियुं च, कि वे शुभ सन्देश सेवक बंणि।

कुलुसी 1:23

पर तुम तैं विश्वास मा एक बुनियाद का जन मजबूत अर पक्को हूंण चयणु अर वीं आस तैं तुम तैं कभी नि छुड़ण चयणु च जु तुम तैं ऊं बट्टी शुभ सन्देश मिली वे ही शुभ संदेश कु प्रचार आसमान का मूड़ी रौंण वला दुनिया का सभि लुखुं तैं बतै गै अर मि पौलुस वेको प्रचार कनु कु सेवक बणु।

कुलुसी 1:25

पिता परमेश्वर ल मि तैं तुम कु वेको शुभ संदेश पूरा ढंग ल समझौण कु नियुक्त कैरी, अर इलै मि मण्डलि कु सेवक बंणि के पिता परमेश्वर का आदेशों तैं पूरो कैरी साको।

1 तीमुथियुस 1:12

मि अपड़ा प्रभु मसीह यीशु को जै ल मि तैं सामर्थ दींनि, धन्यवाद करदु; कि वेल मि तैं विश्वास का लैख समझिके अपड़ी सेवा कु ठैरे।

1 पतरस 4:10

हर एक आदिम तैं पिता परमेश्वर की तरपां बट्टी वरदान मिल्युं च अर ऊं तैं वे वरदान को इस्तेमाल दुसरा लुखुं की मदद कनु कु कन चयणु च। ऊं तैं पिता परमेश्वर का अच्छा सेवकों का रूप मा अपड़ा वरदानों को इस्तेमाल अच्छा ढंग से कन चयणु च जु पिता परमेश्वर ल ऊं तैं कृपा का दगड़ी द्ये।