1 कुरिन्थि 3:1 - गढवली नयो नियम

¹ हे विश्वासी भयों, तुम ईं दुनिया का लुखुं का जन दिखावा कना छा, इलै मि तुम बट्टी आत्मिक लुखुं का जन बोलि नि सकदु, किलैकि मसीह का विश्वास मा तुम बच्चों का जन छा।

Garhwali

¹ हे मेरा भै-बैंणो, जब मि तुमरा इख छौ, त मिन तुमतै यीशु मसीह की सच्‍चि शिक्षा का बारा मा वे तरीके से नि बतै जन मि ऊंतैं बतौन्दु, जु लोग बिस्वास मा मजबूत छिन अर जौं का पास पवित्र आत्मा को दान च। मगर मिन देखि कि तुम लोग अभि भि दुनियां की बातों पर ही चलद्‍यां, इलै मि तुमतै बच्‍चों का जन बिंगौन्दु।

1 कुरिन्थि 3:1 ပူးပေါင်းရင်းမြစ်များ

मत्ती 16:23

वेल पिछनैं फरकि के पतरस तैं झिड़की के बोलि, “हे शैतान मेरा संमणी बट्टी दूर हवे जा त्वे बट्टी मि तैं ठोकर मिलणी च किलैकि तु परमेश्वर का तरपां बट्टी नि सुचणी बल्कि मनिख्युं कि तरपां बट्टी सुचणी छै।”

रोमियों 7:14

किलैकि हम जंणदा छा कि व्यवस्था त आत्मिक च, पर मि सांसारिक मनिख छौं अर पाप कु गुलाम छो।

1 कुरिन्थि 14:20

हे विश्वासी भयों, यूं बातों तैं समझण मा छुटा बच्चों का जन नि बणा; जब बुरै कि बात औंद त एक बच्चा का जन निर्दोष रावा, पर समझण मा सयांणा बणा।

1 कुरिन्थि 14:37

जु कुई मनिख अपड़ा आप तैं पिता परमेश्वर का तरपां बट्टी बुल्ण वलो या इन आदिम समझो जै तैं पवित्र आत्मा ल वरदान द्ये हो, त यु जांणि ल्या, कि जु बातों तैं मि तुम कु लिखणु छों, यु प्रभु कि आज्ञा छिनी।

1 कुरिन्थि 2:6

फिर भि मि ऊं लुखुं का बीच ज्ञान का संदेश कु प्रचार करदु जु आत्मिक रूप मा मजबूत च; पर यु सांसारिक ज्ञान अर राज्यपालों का ज्ञान जन नि; ज्यांको नाश हूंण वलो च।

गलातियों 6:1

हे विश्वासी भयों, जु कुई मनिख कै पाप मा पकड़े जौं त तुम जु पवित्र आत्मा मा आत्मिक छा, त तुम मयळदु हवे के वे तैं धर्म का रस्ता मा वापिस लांण मा वेकी मदद कैरा अर अफ भि सचेत रावा कखि तुम भि अजमैश मा नि पोड़ी जावा।

इब्रानी 5:13

किलैकि दूध पींण वलो तैं त पिता परमेश्वर का वचन की पहचाण नि हूंदी, किलैकि उ त छुटा बच्चा छिन।

1 यूहन्ना 2:12

हे नौंनो, मि तुम कु इलै लिखणु छौं, कि यीशु मसीह का नौं बट्टी तुमारा पाप माफ हवेनि।