1 कुरिन्थि 15:52 - गढवली नयो नियम

⁵² यु अचानक होलो, इथग जल्दी जथग तेजी से कुई अपड़ी आँख तैं झपकांद; जब आखरी तुरै बजै जाली, त जु लोग मोरि गैनी उ हमेशा कु जीवन जींणु कु दुबारा ज्यून्दा किये जाला अर हम जु ज्यून्दा छा, हमारी देह बदली जाली।

Garhwali

⁵² हाँ, आखिर बिगुल बजौण का बगत मा झट आंखा झपकौंदि ही इन ह्‍वे जालु। बिगुल बजलु अर मुरदा इन्द्रया सरील मा ज्यून्दा होला जैको नास नि हो सकदु अर हम बदलि जौला।

1 कुरिन्थि 15:52 ပူးပေါင်းရင်းမြစ်များ

मत्ती 24:31

उ तुरै कि बड़ी आवाज का दगड़ा अपड़ा स्वर्गदूतों तैं भिजलु अर उ धरती का यु छोर बट्टी आसमान का वे छोर तक चौदिशों बट्टी अपड़ा चुणयां लुखुं तैं कठ्ठा करलो।

यूहन्ना 5:25

मि तुम मा सच-सच बुल्णु छौं उ बगत औंणु च अर अब ही च ज्यांमा मुरयां लोग परमेश्वर का नौंना की आवाज सुणला अर जु सुणला उ हमेशा कु जीला।

यूहन्ना 5:28

यांसे अचम्भो नि कैरा किलैकि उ बगत औंदु च कि जथग उ सब लोग जु मुरयां अर कब्रों मा छिन, उ सब, मि मनिख कु नौंना की आवाज सूंणि के ज्यूँदो हवे के उठ खड़ा होला।

1 कुरिन्थि 15:23

पर हर आदिम एक ठिक ढंग से ज्यूँदो किये जालो; मसीह पैलो आदिम छो, जै तैं ज्यूँदो किये गै; फिर जब मसीह वापिस आलो त उ सभि जु वे पर विश्वास करदींनि ऊं तैं दुबारा ज्यूँदो किये जालो।

1 कुरिन्थि 15:42

त यु मुर्दों का फिर से ज्यून्दो हूंणा का बगत भि होलो; जीं देह तैं उ खडयोंदा छिनी व एक इन देह च, ज्वा सैड़ी जांदी, पर जब उ ज्यून्दा हूंदींनि, त य एक इन देह होली, जु कभी भि नि सड़लि।

1 कुरिन्थि 15:50

हे विश्वासी भयों, मि यु बुल्दो, ईं धरती पर हमारी देह अर मांस अर ल्वे बट्टी बणयां छिनी; हम स्वर्ग मा पिता परमेश्वर का राज्य मा अपड़ी ईं देह का दगड़ी रै नि सकदियां जु मोरि जांद, किलैकि उख कुई मौत नि च।

1 थिस्सलुनीकी 4:15

हम प्रभु यीशु का वचन का अनुसार तुम मा इन बुल्दा, कि हम जु ज्यून्दा छा, अर जब तक प्रभु यीशु फिर से वापिस आलो बचयां रौला अर उ विश्वासी जु पैली ही मोरि गैनी, हम बट्टी पैली प्रभु यीशु तैं मिलला।

2 पतरस 3:10

पर पिता परमेश्वर को दिन जरुर अचानक ही वापिस ऐ जालो जन कुई चोर अचानक ऐ जांद। वे बगत आसमान मा गर्जन को शोर होलो, अर आसमान हरची जालो। आसमान मा सब कुछ, मतलब सूरज, जून अर गैणा पूरा ढंग से फुके के पूरा ढंग से आग बट्टी नाश हवे जाला। वे दिन पिता परमेश्वर ऊं सभि कामों तैं प्रकट कैरी दयालो जु लुखुं ल करिनि कि ऊंको न्याय कैर साक।

दिब्य दरस 8:13

जब मिल फिर देखि, त मिल एक गरुड़ तैं आसमान मा ऊंचो उड़दि देखि अर ऊँचा शब्द बट्टी यु बुल्द सूंणि, “जब आखिरी तीन स्वर्गदूत ऊं तुरैहियों तैं फूंकदींनि जु ऊं तैं दिये गै, तब दुनिया का सब लुखुं पर आंण वली विपत्तियां भौत भयानक छिनी। धरती का रौंण वलो पर हाय, हाय, हाय!”

दिब्य दरस 8:2

अर मिल ऊं सातों स्वर्गदूतों तैं जु पिता परमेश्वर का संमणी खड़ा रौदींनि, दिखिनि, अर ऊं तैं सात तुरहियां दिये गै छै।