1 कुरिन्थि 15:32 - गढवली नयो नियम

³² इफिसुस शहर मा, मेरा दुश्मन भींगरियां जानवरों का जन छिनी, जु मि तैं नुकसान पौछांण चयदींनि; मि अभि भि यु सब किलै सैणु छों, जु मेरू प्रतिफल ईं दुनिया कु छै ही च, जु यु सच हूंदो, कि मि तैं आखरी दिनों मा फिर से ज्यूँदो नि किये जालो, त मि कु बढ़िया हूंद, कि मि मौज उड़ांदू, जन कि य मिसाल च, “आवा हम खां-पयां किलैकि शायद भोल हम मोरि जां अर हमारो अंत हवे जौं।”

Garhwali

³² अर इफिसुस नगर का लोगु न मेरु बड़ु विरोध कैरी, अर ऊ मि पर जंगळि जानबर की तरौं कटणु कू ऐनी। अर अगर मुरयां लोगु तैं ज्यून्द नि किये जालु, त विरोध करण वळा लोगु का खिलाप मा जु कुछ भि मिन कैरी, वेको कुई फैदा नि ह्‍वे। तब हम भि इन बोलि सकद्‍यां कि, “अरे भोळ त हमुन भि मुरण ही च, चला, हम सब खूब खा-प्या।”

1 कुरिन्थि 15:32 ပူးပေါင်းရင်းမြစ်များ

लूका 12:19

यांका बाद अपड़ा आप तैं बुललु, कि त्वे मा भौत बरसों कु भौत सम्पति रखिं च विश्राम कैर, खा, पी, सुख से रै।

लूका 9:25

जु मनिख सैरा दुनिया तैं पै ल्यो अर अपड़ा प्राण अर आत्मा तैं ख्वे द्यो त वे तैं क्य फैदा होलो?

खास चेलों 18:19

वेल इफिसुस शहर पौंछि के प्रिस्किल्ला अर अक्विला तैं उख छोड़ी। अर इफिसुस शहर तैं छुड़ण से पैली उ यहूदियों का मिलणा का भवन मा जै के यहूदी लुखुं दगड़ी बातचित कन लगि गै।

खास चेलों 18:21

पर इन बोलि के ऊं बट्टी विदा हवे “कि जु परमेश्वर चालो त मि तुम मा फिर से औलु।” तब इफिसुस शहर बट्टी जहाज खोलि के चलि गै;

खास चेलों 19:1

जब अपुल्लोस कुरिन्थुस शहर मा छो, त पौलुस दूर का प्रदेशों बट्टी हवे के इफिसुस शहर मा ऐ। अर उख वे तैं कुछ चेला उख मिलिनि।

रोमियों 3:5

पर जु हमारा दुष्ट काम पिता परमेश्वर की धार्मिकता ठैरे दींदीनी, त हम क्य बोला? त क्य पिता परमेश्वर कु गुस्सा हूंण अर हम तैं दंड दींण गलत च (यु त मि मनिख्युं की रीति पर बुल्णु छो)

रोमियों 6:19

मेरा द्वारा गुलामी कु विचार कु इस्तेमाल कनु को कारण यु च कि जु मि तुम तैं सिखांणु छों वे तैं तुम आसानी से समझी साका। जन तुम ल अपड़ा देह का अंगों तैं मनिख्युं कु अधर्म का कारण अपवित्र अर कुकर्म का गुलाम कैरी कै सौपैले, उन ही अब अपड़ा अंगों तैं पवित्रता कु धर्मी जीवन जींणु कु गुलाम कैरी कै सौंपी द्या।

1 कुरिन्थि 16:8

पर मि पिन्तेकुस्त का त्यौहार तक इफिसुस शहर मा रौलु।

गलातियों 3:15

हे मेरा विश्वासी भयों, मि तुम लुखुं तैं साधारण जीवन कु उदाहरण दे के बुल्णु छों। जब द्वी लोग आपस मा समझौता करदींनि, त न कुई वे तैं टालि सकद अर न वेमा कुछ कुई जोड़ी सकद।

2 पतरस 2:12

पर यु झूठा शिक्षक जंगली जानवरों का जन छिनी। यूं जानवरों तैं नि पता कि कन कै सुचण अर यूंको उद्देश्य भस पकड़ै जांण अर मरै जांण च। यु लोग कुछ भि करदींनि जु यूंका मन मा आंद, अर इख तक की यु ऊं चीजों को अपमान करदींनि जु यूं तैं समझ मा नि आंदी। उ जरुर नाश हवे जाला।

यहूदा 1:10

पर उ ईश्वररहित लोग कै भि इन बात कु खण्डन कनु कु अपमान वली भाषा कु इस्तेमाल करदींनि जु ऊं तैं समझ मा नि आंदी; अर जब उ जंगली जानवरों का जन बरतौ करदींनि अर जौं कामों तैं उ जणदींनि ऊं तैं उ बगैर सोचि-समझी के करदींनि, त उ पिता परमेश्वर का तरपां बट्टी दण्ड भुगतला।