1 कुरिन्थि 15:3 - गढवली नयो नियम

³ इलै मिल तुम तैं उ सबसे जरुरी शुभ संदेश बतै जु मि तैं प्रभु यीशु बट्टी मिली छो; उ शुभ संदेश यु च; कि परमेश्वर का वचन का अनुसार यीशु मसीह हमारा पापों कु मोरि।

Garhwali

³ अर सच्‍चै को जु वचन यीशु मसीह का द्‍वारा मितैं बतये गै, उई मिन तुमतै बतै। अर पवित्रशास्‍त्र मा वु वचन इन लिख्यूं च कि, “मसीह हमरा पापों खुणि मरे गै।”

1 कुरिन्थि 15:3 ပူးပေါင်းရင်းမြစ်များ

मत्ती 26:24

मि मनिख कु नौंनो त जन वेका बारा मा जन परमेश्वर का वचन मा लिख्युं च उ उन ही चलदो पर वे आदिम कु रूंण अर शोक कन च जैका द्वारा मि मनिख कु नौंनो जेंते मरणु कु पकड़वये जालो, वेको जन्म ये दुनिया मा नि हूंद त वे मनिख की स्थिति कु भलो हूंदू।”

मत्ती 26:28

किलैकि या प्राण कु मेरू ल्वे च जु भौतों का पापों का माफी की नई प्रतिज्ञा कु बुगाये जांदी।

लूका 24:25

तब यीशु ल द्वी चेलों कु बोलि, “हे कम समझ वलो अर परमेश्वर का तरपां बट्टी बुल्ण वलो ल परमेश्वर का वचन मा लिख्युं च तुम लुखुं तैं वे पर विश्वास कन भौत कठिन लगदो ”

यूहन्ना 1:29

दुसरा दिन यूहन्ना ल यीशु तैं अपड़ी तरपां औंण देखि के बोलि, देखा यु परमेश्वर कु चिनखो दुनिया का पापों तैं ले के जांद।

खास चेलों 17:2

अर पौलुस अपड़ी रीति का अनुसार यहूदियों का मिलणा का भवन मा गै अर तीन यहूदियों को विश्रामदिन तक परमेश्वर का वचन बट्टी ऊं दगड़ी बातचित कैरी।

खास चेलों 3:18

पर जौं बातों तैं परमेश्वर का तरपां बट्टी बुल्ण वलो का मुक बट्टी पैली ही पिता परमेश्वर ल बतयले छो कि वेको मसीह दुःख उठालो अर वेल ऊं बातों जु तुम ल कैरी वेका द्वारा वेल वे तैं सच कैरी दिखै।

खास चेलों 8:32

परमेश्वर का वचन को जु अध्याय उ पढ़णु छो वेमा इन लिख्युं छो; “उ बलि चढ़यां ढिबरा का जन पहुचये गै, अर जन ढिबरो अपड़ा ऊंल मुडांण का दफा कतनवला का संमणी चुपचाप खड़ी रौंदी, उन ही जब लुखुं ल वे तैं दुःख दींनि त वेल भि अपड़ो मुक नि खोलि,

रोमियों 3:25

वे तैं पिता परमेश्वर ल यीशु मसीह का ल्वे का कारण एक इन प्रायश्चित बलिदान ठैरे, जु विश्वास कन से पूरी हूंद, कि जु पाप पैली बगत मा किये गैनी, अर जौं पर पिता परमेश्वर ल अपड़ी सहनशील हूंणा का कारण ध्यान नि दींनि अर माफ कैर दींनि; ऊंका बारा मा उ अपड़ी धार्मिकता प्रगट कैरो।

रोमियों 4:25

मसीह यीशु हमारा पापों कु मरै जांणु कु पकड़वै गै अर परमेश्वर ल हम तैं अफ दगड़ी धर्मी बनांणु कु वे तैं फिर से ज्यूँदो कैरी।

1 कुरिन्थि 11:2

मि तुम बट्टी खुश छों, किलैकि तुम मि तैं हर बगत याद करदां; अर जु शिक्षा मिल तुम तैं द्ये, ऊं तैं चौकसी ल पालन करदां।

1 कुरिन्थि 11:23

किलैकि जु शिक्षा मिल तुम तैं द्ये छै, उ ही शिक्षा च जु मि तैं प्रभु बट्टी मिली; कि प्रभु यीशु जीं राती पकड़वै गै, त वेल रुठी लींनि,

2 कुरिन्थि 5:21

मसीह पाप बट्टी अनजान छो, वे तैं ही पिता परमेश्वर ल हम कु पापी ठैरे, कि हम पिता परमेश्वर की नजर मा धर्मी बंणि जां किलैकि मसीह ल हमारा पापों कु दण्ड अपड़ा मथि लै।

गलातियों 1:12

किलैकि उ मि तैं कै पुरणों बट्टी नि मिली अर न कै धार्मिक शिक्षक ल मि तैं यु सिखै; पर यीशु मसीह ल अपड़ा आप तैं मि पर प्रगट कैरी।

गलातियों 1:4

हमारा परमेश्वर अर पिता की मनसा का अनुसार मसीह यीशु ल अपड़ा आप तैं हमारा पापों का कारण बलिदान कैरी दींनि, कि उ हम तैं ऊं बुरी शक्तियों बट्टी छुड़ो जु आज दुनिया मा काम कनी छिनी।

गलातियों 3:13

मसीह जु हम कु श्रापित हवे, हम तैं मोल ले के मूसा की व्यवस्था का श्राप बट्टी छुड़ै किलैकि परमेश्वर का वचन मा लिख्युं च, “जु कुई सूली पर लटकये जांदु उ श्रापित च।”

इफिसुस 1:7

मसीह कु ल्वे बुगांण का कारण हमारा पाप माफ कैरे अर छुड़ै गैनी, पिता परमेश्वर की दया कथग महान च जु वेल हम तैं बहुतायत बट्टी दियुं च,

इफिसुस 5:2

मसीह का उदाहरण का अनुसरण करद ही, दुसरा का प्रति प्रेम बट्टी भुर्युं जीवन बितावा, जैल तुम बट्टी प्रेम कैरी अर तुमारा पापों तैं उठाणै कु अफ तैं बलिदान कैरी, अर परमेश्वर खुश इलै छों, किलैकि उ बलिदान वेकु खुशबुदार इत्र का जन छों।

इब्रानी 5:1

पिता परमेश्वर हर एक महायाजक तैं इस्राएल का लुखुं मा बट्टी चुणदो, अर उ लुखुं की भलै कु पिता परमेश्वर का काम कनु कु चुणै जयदींनि; कि पापों की माफ कु भेंट अर बलि चढ़ांण कि पिता परमेश्वर लुखुं का पापों तैं माफ कैरी द्यो।

इब्रानी 5:3

अर इलै वे तैं चयणु च, कि एक महायाजक का रूप मा वेकु यु जरूरी च कि उ लुखुं का पापों तैं दूर कनु कु बलिदान चढ़ौ, अर अपड़ा पापों तैं भि दूर कनु कु भि बलिदान चढ़ौ।

1 पतरस 1:11

मसीह को आत्मा ऊंमा छो अर ऊं तैं बतांणु छो कि मसीह कन के दुःख सहलो अर फिर वे तैं बड़ो सम्मान दिये जालो। इलै ऊंल यु पता लगौंण की कोशिश कैरी कि मसीह कु होलो अर यु सब कब होलो।

1 पतरस 2:24

जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां

1 पतरस 3:18

मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।

1 यूहन्ना 2:2

अर भस हमारा ही न बल्कि सैरी दुनिया का पापों तैं दूर कनु कु, मसीह एक प्रायश्चित बलिदान बण गै।

दिब्य दरस 1:5

अर यीशु मसीह का तरपां बट्टी जैका वचनों पर विश्वास किये जै सकद उ ही च जु मुर्दों मा बट्टी ज्यूँदो हूंण वलो मा पैलो अर उ ईं दुनिया का सभि राजाओं कु शासक च। अर यीशु मसीह हम बट्टी प्रेम करद। उ हम कु ल्वे बुगै के मोरि अर वेल हमारा पापों की सजा तैं खत्म कैरेले। इलै हम याजकों को एक परिवार बंणि ग्यां, जु पिता परमेश्वर की सेवा करद। इलै यीशु मसीह तैं महिमा अर शक्ति हमेशा मिलदी रौ आमीन।