1 कुरिन्थि 11:34 - गढवली नयो नियम

³⁴ जु कुई भुखी हो, त अपड़ा घौर मा खाै, कि जब तुम कठ्ठा हूंदियां, तुम ठिक ढंग ल बरतौ करीला अर पिता परमेश्वर तुम्हरो न्याय नि करलो। अर दुसरी बातों तैं जब मि तुम मा औलु, तभि सुलझाैलु।

Garhwali

³⁴ अर अगर कैतैं जादा ही भूक लगि च, त वु अपणा घौर मा पैलि ही खै ल्यो, ताकि इकट्‍ठा होण का बगत पर तुम दण्ड पौण की वजा नि बणा। अर जु-जु बात अभि भि रै गैनी ऊं सब बातों तैं मि फिर से तुमरा पास ऐके खुद ही सुधारी द्‍यूलु।

1 कुरिन्थि 11:34 ပူးပေါင်းရင်းမြစ်များ

1 कुरिन्थि 11:33

इलै, हे मेरा विश्वासी भयों, जब तुम प्रभु भोज खांणु कु कठ्ठा हूंदां, त एक-दुसरा कु ठैरा कैरा, कि तुम सभि कठ्ठा खै साका।

1 कुरिन्थि 16:1

अब यरूशलेम शहर मा पिता परमेश्वर का पवित्र लुखुं कु कठ्ठा करे जांणवला धन का बारा मा, जन आज्ञा मिल गलातिया प्रदेश की मण्डलियों तैं द्ये, उन ही तुम भि कैरा।

1 कुरिन्थि 16:2

हफ्ता का पैला दिन तुम मा बट्टी हर आदिम अपड़ी तनखा का अनुसार कुछ अफ मा रखा कैरा, कि मेरा आंण पर तुम तैं चन्दा कठ्ठा नि कन पोडो।

1 कुरिन्थि 16:5

मकिदुनिया प्रान्त मा जांणा का बाद, मि तुम तैं मिलणु कु औलु, किलैकि मि तैं मकिदुनिया प्रान्त हवे कै जांण ही पुड़लो।

1 कुरिन्थि 4:17

इलै मिल तीमुथियुस तैं जु प्रभु मा मेरू प्रिय अर विश्वासयोग्य नौंनो च, तुम मा भेजि, कि उ तुम तैं मसीह यीशु मा मेरू जीवन जींण कु ढंग याद दिलालो, जन कि मि हरेक जगह मण्डलियों मा उपदेश दींदु।

1 कुरिन्थि 4:19

पर जु प्रभु कि मनसा हवेलि त मि तुम म भौत जल्दी औलु, अर उ जु बड़ो मोन का हवे गैनी ऊं तैं न पर ऊंकी शिक्षाओं अर सामर्थ तैं भि जांणि जौलु।

1 कुरिन्थि 7:17

जु मि बुल्णु छों वेको मतलब यु च; कि, हरेक आदिम तैं वीं स्थिति मा बणयूं रौंण चयणु च, जै तैं पिता परमेश्वर ल मसीह पर विश्वास करदी बगत द्ये छै; उन ही उ चलो; अर मि सभि मण्डलियों मा इन ही ठैरांदु।

तीतुस 1:5

मि इलै त्वे तैं क्रेते द्वीप मा छोड़ी के ऐ छो, कि तू हमारा बचयां कामों तैं पूरो कैर साक, अर क्रेते द्वीप का हर शहर मा मेरी आज्ञा का पुरणा अगुवों कु चुनाव कैर साक, उन ही जन कनु को मिल त्वे तैं आज्ञा दींनि।