1 कुरिन्थि 10:16 - गढवली नयो नियम

¹⁶ जब हम प्रभु भोज मा अंगूरों कु रस पिदयां, जै कु हम पिता परमेश्वर कु धन्यवाद करदां, तैं हम हक्कीकत मा मसीह का ल्वे मा एक करदां। अर जब हम प्रभु भोज की रुठी तैं तुड़दा और खंदियां, त हम हक्कीकत मा मसीह का देह मा एक हूंदा।

Garhwali

¹⁶ अर जब हम प्रभु-भोज खाणु खुणि इकट्‍ठा होनद्‍यां, त इन याद रखा कि यीशु मसीह हमरा खातिर मरे गै। अर जब हम वेका कटोरा मा बटि पिन्द्‍यां, त यीशु मसीह की तारीफ करद्‍यां कि वेको ल्वे हम खुणि बुगये गै। अर ठिक उन्‍नि जब रुट्‍टी तुड़ै जान्दी, त इन याद किये जान्दु कि वेको बदन हम खुणि तुड़ै गै। अर इनकै हम यू परगट करद्‍यां कि हम यीशु मसीह का छां।

1 कुरिन्थि 10:16 ပူးပေါင်းရင်းမြစ်များ

लूका 22:17

तब वेल अंगूरों कु रस कटोरा लींनि अर धन्यवाद दींनि अर बोलि, “यु तैं ल्या अर आपस मा बांटि द्या।”

खास चेलों 2:42

उ प्रेरितों बट्टी वचन की शिक्षा पांण मा अर संगति रखण मा उ प्रभु भोज मा सहभागी हूंदा छा अर विश्वासी एक दगड़ी अपड़ो खांणु खांदा छा अर पिता परमेश्वर बट्टी प्रार्थना कन मा लौलीन रौंदा छा।

खास चेलों 2:46

उ हरेक दिन एक मन हवे के पिता परमेश्वर बट्टी यरूशलेम शहर का मन्दिर मा कट्ठा हूंद छा अर घौर-घौर मा प्रभु भोज लींदा छा अर सच्चा मन दगड़ी रै के खांणु खांदा छा।

खास चेलों 20:11

तब ऊं सभियूं ल मथि जै कै दुबरा प्रभु भोज ले अर ऊं सभियूं ल मिली कै खांणु खै, दिन निकलण तक बातचित कना रैनी सुबेर हूंदी ही; फिर उ चलि गै।

खास चेलों 20:7

हप्ता का पैला दिन जब हम प्रभु भोज कु कट्ठा हुयां त पौलुस ल जु दुसरा दिन जांण वलो छो, ऊं बट्टी बात कैरी, अर अधा राती तक शिक्षा दींणु रै।

1 कुरिन्थि 1:9

पिता परमेश्वर इन करलो, किलैकि उ अपड़ा बुल्णा का अनुसार विश्वासयोग्य च, कि उ जु बुल्द उ करद च, अर वेल हम तैं अपड़ा नौंना, हमारा प्रभु यीशु मसीह का दगड़ी एक रिश्ता मा बुल्युं च।

1 कुरिन्थि 10:15

मि तुम लुखुं तैं समझदार जांणि के, यु बुल्णु छो; इलै ध्यान से सोचा कि जु मि बुल्ण छो व ठिक च या न।

1 कुरिन्थि 12:13

किलैकि हम सभियूं मा क्य यहूदी, क्य यूनानी अन्यजाति, क्य दास, क्य स्वतंत्र एक ही आत्मा का द्वारा एक देह हूंणो कु बपतिस्मा ल्या, हम सभियूं ल वीं पवित्र आत्मा पै जै तैं हम सभि एक ही कटोरा बट्टी अंगूरों कु रस पिंदयां।

इब्रानी 3:14

जु हम अपड़ा पैला विश्वास तैं आखिर तक सम्भालि कै रखा, त हम मसीह का दगड़ी बणयां रौन्दियां।

1 यूहन्ना 1:3

हम ल यीशु मसीह का बारा मा जु कुछ भि देखि अर सूंणि, वेकी गव्है हम तुम तैं भि प्रचार करद्यां इलै कि हम दगड़ी तुम्हरी भि संगति हो, अर हमारी या दगड़ी बुबा का दगड़ा, अर वेका नौंना यीशु मसीह का दगड़ी च।

1 यूहन्ना 1:7

ऊई कैरा जु ठिक च जन पिता परमेश्वर सिद्ध रूप बट्टी ठिक च, उन ही हम भि उज्यला मा जियां, त एक-दुसरा बट्टी दगड़ी रखदा अर वेका नौंना यीशु मसीह को ल्वे हम तैं सभि पापों बट्टी शुद्ध करदो।