1 कुरिन्थि 1:26 - गढवली नयो नियम

²⁶ हे विश्वासी भयों, याद रखा कि जब पिता परमेश्वर ल तुम तैं मसीह कु पीछा कनु कु बुलै तब तुम कन कै जीवन जींणा छा, दुनिया की रीति ल, तुम मा बट्टी भौत ज्ञानवान नि छा, न ही खास छा न ही भौतों का पूर्वज राजा छा।

Garhwali

²⁶ इलै हे मेरा भै-बैंणो, जब पिता परमेस्वर न तुमतै बुलै, तब तुम क्या छा, जरा ईं बात का बारा मा त सोचा, नऽ त तुम ज्ञानी छा, नऽ त ताकतबर अर ना ही समाज मा तुमरो कुछ खास नौ छौ।

1 कुरिन्थि 1:26 ပူးပေါင်းရင်းမြစ်များ

लूका 1:3

इलै हे श्रीमान थियुफिलुस मिल भि यूं सब बातों का ध्यान से अध्ययन कैरी अर मि तैं यु खूब लगि की मि तुम कु ईं घटनाओं तैं क्रमानुसार ठिक से लिख्युं।

लूका 10:21

वीं बगत यीशु पवित्र आत्मा मा हवे के खुशी से भरि गै अर बोलि, “हे पिता आसमान अर धरती का प्रभु मि तेरु धन्यवाद करदु कि तिल यूं बातों तैं ज्ञानियों अर समझदार बट्टी छिपै के रखि अर बालकों पर प्रगट कैरी हां, हे पिता किलैकि त्वे तैं यु ही अच्छो लगि।”

खास चेलों 13:12

तब राज्यपाल ल जु कुछ हवे छो, देखि के अर प्रभु का उपदेश बट्टी चकित हवे के वेल प्रभु यीशु पर विश्वास कैरी।

खास चेलों 13:7

उ सिरगियुस शाऊल का दगड़ी भि काम करदो छो जु वे द्वीप को राज्यपाल छो, जु बुद्धिमान आदिम छो। वे राज्यपाल ल बरनबास अर शाऊल तैं बुलै के पिता परमेश्वर को वचन सुनांण चाहे।

खास चेलों 17:34

पर कुछ लोग वे दगड़ी मिली गैनी, अर प्रभु पर विश्वास कैरी; जौं मा बट्टी दियुनुसियुस जु अरियुपगुस का सदस्य छा, अर दमरिस नौं की एक जनन छै अर वीं का दगड़ी और भि कुछ लोग छा।

रोमियों 11:29

किलैकि पिता परमेश्वर अपड़ा वरदानों बट्टी, अर बुलाहट बट्टी दया का कारण कभि भि अपड़ो मन नि बदलद।

1 कुरिन्थि 1:20

फिर एक कुशल प्रतिद्वंधी जु ई दुनिया मा छिनी, बुद्धिमान आदिम अर मूसा की व्यवस्था तैं सिखांण वलो की स्थिति क्य च? किलैकि पिता परमेश्वर ल पैली ही साबित कैरी दींनि कि ऊंकी सांसारिक बुद्धि को कुई कीमत नि च।

1 कुरिन्थि 2:13

अर इलै हम यूं बातों तैं दुसरा लुखुं तैं बतौंदयां, त हम यूं शब्दों कु इस्तेमाल नि करदा, जु मनिख्युं का ज्ञान से मिल्दा, पर हम ऊं शब्दों कु इस्तेमाल करदा जु पिता परमेश्वर की आत्मा का द्वारा मिल्दा, जु आत्मिक ज्ञान का द्वारा आत्मिक बातों तैं समझद।

1 कुरिन्थि 2:8

पिता परमेश्वर की योजना तैं ईं दुनिया का राज्यपालों ल भि नि समझी, किलैकि जु उ जंणदा त प्रतापमय प्रभु यीशु तैं सूली पर नि चड़ांदा।

फिलिप्पी 4:22

सब पवित्र लोग, खास कैरी कै जु कैसर का कुटुंब का विश्वासी छिनी, उ भि तुम कु प्रणाम बुल्णा छिन।

याकूब 2:5

हे मेरा प्रिय विश्वासी भयों, ध्यान द्या। क्य पिता परमेश्वर ल दुनिया का गरीबों तैं नि चुणि? कि उ विश्वास मा अमीर अर वे राज्य का वारिस बणा, ज्यांको वादा पिता परमेश्वर ल ऊं बट्टी कैरी, जु ऊं बट्टी प्रेम रखदींनि,

2 यूहन्ना 1:1

मि यूहन्ना, मंडलि का पुरणा अगुवा यु चिठ्ठी वीं जनन अर वीं का नौंना कु लिखणु छो, जै तैं पिता परमेश्वर ल चुणि। मि सच मा तुम बट्टी प्रेम रखदु छो, अर भस मि ही न; बल्कि उ सब भि तुम बट्टी प्रेम रखद, जु पिता परमेश्वर की सचै पर विश्वास रखदा छिनी।