1 कुरिन्थि 1:20 - गढवली नयो नियम

²⁰ फिर एक कुशल प्रतिद्वंधी जु ई दुनिया मा छिनी, बुद्धिमान आदिम अर मूसा की व्यवस्था तैं सिखांण वलो की स्थिति क्य च? किलैकि पिता परमेश्वर ल पैली ही साबित कैरी दींनि कि ऊंकी सांसारिक बुद्धि को कुई कीमत नि च।

Garhwali

²⁰ कख रै गैनी ये जमना का ज्ञानी लोग? अर कख रै गैनी धरम का जानकार? अर कख छिन बहस करण वळा लोग? पिता परमेस्वर न दुनियां का ज्ञान की कीमत तैं ना का बराबर कैरियाली।

1 कुरिन्थि 1:20 ပူးပေါင်းရင်းမြစ်များ

मत्ती 13:22

जु झिबलांण मा बुतै गैनी उ यु छिनी जौं ल वचन तैं सूंणि, पर धरती पर जीवन कि चिंता अर धन दौलत को धोखा ज्यां बट्टी उ प्रेम करदींनि अर कई चीजों तैं पाणै की चाह ऊंमा समैके वचन तैं दबै दींदु अर वे तैं कुछ फैदा नि हुंदा।

यूहन्ना 12:31

दुनिया मा लुखुं कु जांच के न्याय कनु कु परमेश्वर कु बगत अब यु दुनिया कु सरदार शैतान निकाले जालो।

खास चेलों 17:18

तब उ शिक्षक जु इपिकूरि या स्तोईकी कैरी कै जंणै जांदा छा ऊंमा बट्टी कुछ वे दगड़ी बात कन लगि गैनी, अर कुछ ल बोलि, “यु बकवास कन वलो क्य बुल्ण चांणु च?” पर दूसरों ल बोलि, “उ विदेशी देबता को प्रचारक लगणु च” किलैकि उ यीशु को ज्यून्दा हूंणो को शुभ सन्देश प्रचार सुनांणु छो।

रोमियों 1:20

किलैकि परमेश्वर कि अनन्त सामर्थ अर गुणों तैं नि देखै जै सकद। बल्कि यूं बातों तैं पिता परमेश्वर ल दुनिया की रचना बट्टी शुरू कैरी सभि चीजों का द्वारा दर्शयूं च। इलै ऊं लुखुं का संमणी कुई बहाना नि हवे कि उ परमेश्वर तैं नि जणदींनि।

रोमियों 1:22

उ अपड़ा आप तैं समझदार जतै कै मूर्ख बंणि गैनी।

1 कुरिन्थि 1:19

किलैकि परमेश्वर का वचन मा लिख्युं च, कि जु ई दुनियां का बुद्धिमान लोग छिनी, मि दिखौलू की ऊंका विचार हकीकत मा मूर्खता का विचार छिनी। मि साबित करुलु की उ हकीकत मा बुद्धिमान नि छिनी।

1 कुरिन्थि 1:26

हे विश्वासी भयों, याद रखा कि जब पिता परमेश्वर ल तुम तैं मसीह कु पीछा कनु कु बुलै तब तुम कन कै जीवन जींणा छा, दुनिया की रीति ल, तुम मा बट्टी भौत ज्ञानवान नि छा, न ही खास छा न ही भौतों का पूर्वज राजा छा।

1 कुरिन्थि 1:27

पर पिता परमेश्वर ल दुनिया का मूर्खों तैं चुणि कि बुद्धिमानों तैं शर्मिंदा करुनु अर पिता परमेश्वर ल दुनिया का कमजोरों तैं चुणि, कि तागतबरों तैं शर्मिंदा करुनु।

1 कुरिन्थि 1:28

अर पिता परमेश्वर ल दुनिया का नीच अर तुच्छु तैं, जौं तैं कुछ भि नि समझै जांद ऊं तैं भि चुणि, अर ऊंकु इस्तेमाल शून्य पर लांणु कु जै तैं दुनिया मा जरुरी समझै जांद।

1 कुरिन्थि 11:32

पर जु प्रभु हम तैं इन कै दंड दींद, त उ हम तैं सुधरणु च, कि न्याय का दिन हम दुनिया का दुसरा लुखुं का दगड़ी जांच मा दंड नि पां।

1 कुरिन्थि 2:6

फिर भि मि ऊं लुखुं का बीच ज्ञान का संदेश कु प्रचार करदु जु आत्मिक रूप मा मजबूत च; पर यु सांसारिक ज्ञान अर राज्यपालों का ज्ञान जन नि; ज्यांको नाश हूंण वलो च।

1 कुरिन्थि 2:8

पिता परमेश्वर की योजना तैं ईं दुनिया का राज्यपालों ल भि नि समझी, किलैकि जु उ जंणदा त प्रतापमय प्रभु यीशु तैं सूली पर नि चड़ांदा।

1 कुरिन्थि 3:18

जु तुम मा बट्टी कुई इन सोच कि तुम दुनिया का लुखुं मा भौत ज्ञानी छा, त तुम तैं ईं दुनिया का लुखुं मा मूर्ख बंणि जांण चयणु च, कि तुम पिता परमेश्वर की नजर मा अपड़ा आप तैं ज्ञानी बणै सका।

1 कुरिन्थि 3:19

किलैकि सच यु च, कि सांसारिक ज्ञान पिता परमेश्वर की नजर मा मूर्खता च, जन परमेश्वर का वचन मा लिख्युं च, “पिता परमेश्वर ही च, जु बुद्धिमानों तैं ऊं की चालाकी मा फंसै दींद।”

1 कुरिन्थि 6:2

तुम अच्छो के जंणदयां कि भविष्य मा पिता परमेश्वर का लोग ईं दुनिया मा लुखुं तैं जांच अर न्याय करला; इलै, जब तुम तैं ईं दुनिया का लुखुं कु फैसला कन त तुम तैं छुटा-छुटा मामलों कु फैसला कना का योग्य हूंण चयणु च।

याकूब 4:4

हे विश्वासघाती लुखुं अर व्यभिचारी लुखुं क्य तुम यु नि जंणद्यां, कि दुनिया बट्टी प्रेम रखण मतलब पिता परमेश्वर दगड़ी बैरभाव रखण च, इलै जु कुई दुनिया को दगड़िया बनण चांद, त उ अपड़ा आप तैं पिता परमेश्वर को बैरी बणादो।