ቆላሲያሴ ኣሳስ 3:16 - Gamo Geesha Maxxafa New Testamen

¹⁶ Kiristoosa qaalay intenan kumeth gido. Inte inte garisan cinccatethara tamarttene zoretote. Mazumurenine saban ayana yethan galatara gathi inte wozinara Xoossas yexxite.

Geeshsha Maxaafa

¹⁶ Kirstoosa qaalay inttenan kumeth gido; intte intte garsan aadho erateththan tamaartenne zorettite; mazamureninne saban Ayana yeththan galatara gaththi intte wozinara Xoossas yexxite.

ጋሞ ማጻፋ

¹⁶ ኪርስቶሳ ቃላይ ኢንቴናን ኩሜ ጊዶ፤ ኢንቴ ኢንቴ ጋርሳን ኣ ኤራቴን ታማርቴኔ ዞሬቲቴ፤ ዬኒኔ ሳባን ኣያና ዬን ጋላታራ ጋ ኢንቴ ዎዚናራ ጾሳስ ዬጺቴ።

ቆላሲያሴ ኣሳስ 3:16 ပူးပေါင်းရင်းမြစ်များ

Maatosa 26:30

Mazimure yexidappe guye pudde dabrazayte giza zumma bolla kezida.

ሉቃሳ ሚሺራቾ 2:51

Heeppe simmin istara issife Naazirete wodhidi istas azazettishe deyidees. Aaya Maaramaka he haanida miishsha wurssa ba wozinan naagashe gam7adus.

ዮሃኒሳ ሚሺራቾ 15:7

Inte tanan diiko ta qaalayka intenan diiko inte koydaysa oychchiko demmana.

ኦሮሜ ኣሳስ 10:17

Hessa gishshi ammanoy bettizay yootiza qaala siyethankko. yootetiza qaalaykka Kiristoosa gishshi yootiza qaalapekko.

ኦሮሜ ኣሳስ 15:14

Ta ishato inte loo7ethan kumidayta erateth wurisoni kumidaytane harata zorinas eray dizayta gididaysa ta adafe shaka eradis.

1ቆሮንቶሴ ኣሳስ 14:15

Histin ta ay oothana mala taas bessizee? Tani ta ayananika woossana. Wozinan wothadaka woossana. Ta ayananika yexxana. Wozinaraka yexxana.

1ቆሮንቶሴ ኣሳስ 14:26

Hessa gishshi ta ishato histin ay giinoo? Inte issife shiiqiza wode intefe issi issi uras yethi qasse issi issi uras timirttey dees. Issi issi qonccontta xuura miishata qonccisiza imotay dees. Hara uras duma qaalan hasa7ana imotay dees. Haras qasse he qaala birshecha imotay dees. Hessi he imotay wurikka ammanizayta go7anas besses.

ኤፌሶኔ ኣሳስ 1:17

Boncho aawa gidida nu Goda Yesuss Kiristossa awa Xoossi inte loo7ethi eranamala qonccisiza ayanayinne eratetha ayanay intes imistana mala ta intes paccey baynda wosays.

ኤፌሶኔ ኣሳስ 5:17

Hesa gish eyata gidopiite Goda sheney azakone yushi qopiite.

ኤፌሶኔ ኣሳስ 5:19

Ayana yethan galatara gathi yexishe inte garsan isay isara hasa7etite. Inte sabaninne yethan kumetha wozinape Goda galatite.

ኤፌሶኔ ኣሳስ 5:26

Be qaala bagara haathan meecci geshiidi bes dumasida mala.

ቆላሲያሴ ኣሳስ 1:28

Nuka issi issi ura kiristoosas kumetha asi hisiti shiishanas danda7ana mala asi wurs hiillara zorishene tamarisishe kiristoossa gishshi sabakoos.

ቆላሲያሴ ኣሳስ 1:9

Nu qasse hessa siyosope haa simmin inte Xoossa shene eratethaninne ayana cinccatethan intena kunththana mala inte gishshi woossa qanxxibeyko.

ቆላሲያሴ ኣሳስ 4:6

Issi issi uras inte malithe wositi immanakone inte erana mala inte hasa7ay maxxinera kaxxida kaththa mala mali7o gido.

1ታሶሎንቄ ኣሳስ 1:8

Goda qaalay intefe kezidi Maqidoniyanine Akayan siyeteth xalla gidontta intes Xoossa bolla diza ammanoy wurssoson erretides; hessa gish nu intes yootanas aykkoka koshshena.

1ታሶሎንቄ ኣሳስ 4:18

Hessa gish hayssa qaalan issay issara minettite.

2ታሶሎንቄ ኣሳስ 3:15

Gido attin iza inte isha mala hanqqite attin morkke mala xeellofite.

1ጺምቶሳስ 6:17

Hayssa ha alamezan duretidayti otorettontta mala; gido attin nu ufa7ettana mala wurssikka darssi tirhaaththaisidi nuus immiza Xoossan attin ammanththontta miishshan ammanetontta mala asas yoota.

2ጺምቶሳስ 3:15

Ne guutha naatethape ha7i gakkanaas Yesuss Kiristtoossa ammanon attottethi beettizayssane ciinccateth immiza geeshsha maxaafata lo7etha eraadasa.

Titosas 3:6

Hesaka Xiillo Ayanay nu bolla nu Gooda Xoossi nuna ashida Yesus Kirstosa bagara keezi darsi gusides.

ያቆቤ ኪታ 1:5

Inte garssafe oonasikka eratethi pacciko oonakka kadhontta ba kiiyatethara wurisos immiza Xoossa wosso; izadeskka imettana.

ያቆቤ ኪታ 3:17

Sallope gidida eratethiya gidikko koyro geshshikko, guyepekka saroteth dosizaro, danda7izaaro, ero gizaro, marotethinne loo7o ayfey kumidarokko. Qasse worodo madontaronne ulon geney bayndaro.

ያቆቤ ኪታ 5:13

Inte garisan metotiza uray dizee? Diza gidiko izi wosso. Ufa7etizadey dizee? diza gidiko ufayssa yeethi yeexxo.

1ዮሃኒሳ ኪታ 2:14

Natetha nayto! inte Aawa erida gish ta intes xafays. Aawato! koyrope dizaysa iza inte erida gish ta intes xafays. Natethato! inte miinota gidida gishinne Xoossa qaalay intenan diza gish inte iitta ura Xala7e xoonida gish ta intes xafays.

1ዮሃኒሳ ኪታ 2:24

Inte koyro siyda qalaya intenan du; inte koyro siydara intenan diko intekka nazanne aawan daana.

1ዮሃኒሳ ኪታ 2:27

Inte qase izape ekida xiillo ayanay intenan diza gish haray oonikka intena tamarisanas bessena. Izi intena tamarisanays tumu attin worido gidena; Hessa gish xiillo ayanay intena tamarisida mala kirstoosana deyite.

2ዮሃኒሳ ኪታ 1:2

Gasoykka haysi tummay ha7ikka nu giddon dizaysanne sinthafekka medhinas danaysakko.

ዮሃኒሳ ኣጁታ 14:3

Alga sinthanine oyddu do7ata sinthan cimata sinthan xeistane oyddu tammane oyddu shi asay ooratha yethi yexxides. He yethazaka dera garisafe dooretida xeistane oyddu tammane oyddu shi asape attin haray oonikka iza tamaranas danda7ibeyna.

ዮሃኒሳ ኣጁታ 15:3

Xoossa othancha mule yethine dorisaza yeth hizgi yexxida “Wurisa danda7iza Goda Xoosso! ne oothoy gitane malalithizazikko, dere kawozo! ne ogey likenne tumukko.

ዮሃኒሳ ኣጁታ 19:10

Taka he kiitanchazas goynanas iza too bolla ta liiphon gufanadis shin izi tana “aaga! hessaththo oothofa! taka nenara Yesus Kirstoosa markateth oykida Ishatara issife oothizadeko; Neni Xoossas goynna! Yesusa markay tinbite ayanakko” gides.

ዮሃኒሳ ኣጁታ 5:9

Ooratha yeth hizgi yexxida “Neni asa duma duma kochafe, duma duma qaalan hasa7izaytape, duma duma qommofene duma duma derepe Xoossas wozanas ne shukettida gishshi he Xoossa maxaafaza ekkanasine matamistaka doyanas bessizade gidadasa.