2ቆሮንቶሴ ኣሳስ 12:20 - Gamo Geesha Maxxafa New Testamen

²⁰ Tani hee biza wode oone erizay inte ta koyida mala hanontta aggiko taka inte koyiza mala gidontta dashe gagistanesha gaada hirigayss. Hessaththoka inte giddon ooshshi, qanatetethi, hanqoy, zupeteth, asa suntthu iisoy, zigirisi, otoretethine kachchi duusu aggena gaada hirigayss.

Geeshsha Maxaafa

²⁰ Tani hee biza wode oonee erizay intte ta koyida mala hanontta aggiko tanikka intte koyza mala gidontta dashe gaagettaneesha gaada hirgays; hessaththoka intte giddon ooshshi, qanaateteththi, hanqoy, zuppeteththi, asa sunth iisoy, zigirsi, otoreteththinne kachchi duus aggenna gaada hirgays.

ጋሞ ማጻፋ

²⁰ ታኒ ሄ ቢዛ ዎዴ ኦኔ ኤሪዛይ ኢንቴ ታ ኮዪዳ ማላ ሃኖንታ ኣጊኮ ታኒካ ኢንቴ ኮይዛ ማላ ጊዶንታ ዳሼ ጋጌታኔሻ ጋዳ ሂርጋይስ፤ ሄሳካ ኢንቴ ጊዶን ኦሺ፥ ቃናቴቴ፥ ሃንቆይ፥ ዙፔቴ፥ ኣሳ ሱን ኢሶይ፥ ዚጊርሲ፥ ኦቶሬቴኔ ካቺ ዱስ ኣጌና ጋዳ ሂርጋይስ።

2ቆሮንቶሴ ኣሳስ 12:20 ပူးပေါင်းရင်းမြစ်များ

ኦሮሜ ኣሳስ 1:29

Wuriso baggara makali7ane iittateth, yiiqene iitta oothon xalala kumida; qanatetethan, shemmipo wodhon, ooshshan, balethoninne genen kumidayta qasseka zigirizayta gidida.

ኦሮሜ ኣሳስ 1:30

Asa sunthu moorizayta, Xoossu ixxizayta, ase cayzata, otoronchatanne ceeqettizayta gidida, wuriso wode iitta oothanas oge koyzayta, bena yelidaytas azazetontayta,

ኦሮሜ ኣሳስ 2:8

Gido attin berika bena dosizaytasine tuma agagidi iitta kallizayta bolla piiridayne hanqoy gakana.

1ቆሮንቶሴ ኣሳስ 1:11

Ta ishato inte garisan palamay dizayssa ta Qalo7i so asape siyadis.

1ቆሮንቶሴ ኣሳስ 5:2

Histin hessa mala yeelchiza miishe inte giddon dishin aazas otoretetii? Hessafe hessa he yoozan inte muuzotanas intena bessenee? Hessa mala oothidade inte garisafe diggite.

2ቆሮንቶሴ ኣሳስ 1:23

Tani Qoronttosa simmada inteko yoontta agiday intena mishisike gaadako qasse hessi tumu gidontta wordo gidiko Xoossi ta bolla markato.

2ቆሮንቶሴ ኣሳስ 10:2

Tani intena woossizay ta inteko hee biza wode inte tana xaletethan hasa7isontta aggana malako. Nuni asho qofan simeretiza mala nuna xeelliza issi issi asata sinthan tani xaletethan hasa7anas koyayss.

2ቆሮንቶሴ ኣሳስ 10:6

Inte azazetethi polettiza wode azazetontta ay miisheka qaxayanas nuni giigeti uttidos.

2ቆሮንቶሴ ኣሳስ 12:21

Tani qasseka he inteko bishin oone erizay ta Goday tana inte sinthan kawushande gaada hirigayss. Hayssafe kase nagara oothidi he oothida tunatethan, laymmanine coo mela yeda duussas maarotethan gelontta asata gaason ta muuzotethan wodhandina gaada hirigayss.

2ቆሮንቶሴ ኣሳስ 13:2

Intena beyanas ta nam77anttho boyssan ta intenara dashe inte naagistana mala ta intes mintha yootadisikoshin; Ha7ika qasse hahon daada hayssafe kase nagara oothidaytasine hankoytas minitha yootayss. Ha7i ta inteko hee simma biikko isttafe oonaskka michettike.

2ቆሮንቶሴ ኣሳስ 2:1

Ta intena michisanas koyontta gishshi qasseka inteko biike gaada qofa qadchadis.

ጋላቲያ ኣሳስ 5:15

Gido attiin inte isay isara saxxetizayta gidiko inte inte garisan wurontamala nagetite.

ጋላቲያ ኣሳስ 5:26

Ane nuni nu garisan isay isara mindi letizaysane qanatetishe mela hada ceeqetoko.

ያቆቤ ኪታ 4:11

Ta ishato inte inte garisan issay issay motoopite ba isha motizadeynne ba isha bolla piridizadey woga bolla iitta hasa7esinne woga bolla piridees. Ne woga bolla pirdizade attin woga naagizade gidakka.

1ጴጽሮሳ ኪታ 2:1

Hessa gishshi iittateth wursi, baletho wursi, qoodhepe qommon hano, qaanateteth ayko qoommo zigiris intefe digite.

2ጴጽሮሳ ኪታ 2:18

Kase bala garisan diza asata giddofe kessi ekki yiidi daro gam7ontta asata, coo mela hada gidida otoro qaala yooton, asho amonine laymman baletheettes.

ዩሁዳ ኪታ 1:16

Heyti he asati wuriso wode zuzumettizaytane ay miishanka ufa7etti eronttaytako. Istti ba iitta amo kaallizaytako. Istta duunan otoretetha qaalay kumides. Bessi ba go7a koyishe ase aadasheetes.