1ጺምቶሳስ 4:1 - Gamo Geesha Maxxafa New Testamen

¹ Wode wurssetha bolla issi issi asay ammano aggidi baalethiza ayanatane iita ayana timirtte kaallanayssa xiillo ayanay qonccera yootes.

Geeshsha Maxaafa

¹ Wode wurseththa bolla issi issi asay ammano aggidi baleththiza ayanatanne iita ayana timirte kaallanayssa Xillo Ayanay qonccera yootees.

ጋሞ ማጻፋ

¹ ዎዴ ዉርሴ ቦላ ኢሲ ኢሲ ኣሳይ ኣማኖ ኣጊዲ ባሌዛ ኣያናታኔ ኢታ ኣያና ቲሚርቴ ካላናይሳ ጺሎ ኣያናይ ቆንጬራ ዮቴስ።

1ጺምቶሳስ 4:1 ပူးပေါင်းရင်းမြစ်များ

Maatosa 18:7

Hana alameya asse dhuphana gasso gidida gish izis ay! dhuphey yuss agena shin dhuphezas gasso gidizades aye!

ሉቃሳ ሚሺራቾ 17:1

Yesussay bena kaallizayta hizgides “asa dhuphidi nagaran yeggiza miish yoontta aggenna, gido attin yaana dhuphezas gaaso gidizaddes ayye!

ዮሃኒሳ ሚሺራቾ 16:13

Tumu ayanay yidi intena tumay dizaso kaalleththana, gasooyka izi siiydaysa yotana attin bepee gidontta gish izi sinththafe hanana yoota intes yootana.

ሃዋሬታ ኦሶ 13:2

Heyiti wuri Godas goyinshshene xoommishe dishin xiillo ayanay “barinabassane sawule ta istta xeeyigida ooththos taas shaaki kessite” gides.

ሃዋሬታ ኦሶ 17:18

Ehaaththaiqorossene Isxoykke geetettiza eranchata bagga gididayiti Phawulossako shiiqidi izara hasa7ettida. Istta issi issi asati “hayssi lommi7u lommi7ay ay gaana kooyze?” gida. Baggati qasse Yesussa gishine hayqqope iza denththa mishshirachcho izi sabbakishin siyidi “heyssi hara orraththa eeqqata gish yootiza milattes” gida.

ሃዋሬታ ኦሶ 20:23

Hen duuma duuma tana qachchoyine metoy nagizayssa xiillo ayanay tas yootides.

ሃዋሬታ ኦሶ 21:11

He nabey nukko shiqidine Phawulossa dancco ekkidi ba toone ba kushshe qachchidi “xiillo ayanay hayssa dancca goda Yerusalamen diza ayhuda asati hayssatho qachchidi Ayhuda gidonta deretas aththi immana gees” gides.

ሃዋሬታ ኦሶ 28:25

Isttikka ba garssan issay issara qohaaththaan gaggontta shakketida; Phawulossay wurssethan yootishe hizzgides “xiillo ayanay nabe isyyasa baggara kasse inte aawatas yootidayssi tumakko.

1ቆሮንቶሴ ኣሳስ 10:20

Gidena. Ammanontta asay shiishiza yarshoy Xoossas gidontta xala7eskko. Intes xala7e era issipetethi daana mala ta koyke.

1ቆሮንቶሴ ኣሳስ 11:19

Inte giddofe tumanchati shaaketi eretana mala hessa mala shaakoy inte giddon daanayssi dossa gidena.

1ቆሮንቶሴ ኣሳስ 12:11

Heyti wurikka he issi ayanay immiza imota gidishin issi issi uras ba koyida mala imees.

1ቆሮንቶሴ ኣሳስ 2:10

Xoossi gidiko hessa ba ayana baggara nuusu qonccisides. Ayanayka Xoossas ciima yoo ashontta wursi piligi xeeles.

2ቆሮንቶሴ ኣሳስ 11:3

Shooshay ba genera Hiwano balethidayssatho oone erizay inte qofayka moorettin Kiristoosas diza suurene geesh gidida ammanetetha intena aggaagandeto gaada ta hirgayss.

ቆላሲያሴ ኣሳስ 2:18

Bessontte ashiketethine kiitanchatas goyno dosiza asi oonka intena dhuphidi mela ashontta mala naagetite. Hessa mala asi ba beyida agumos wogay baynda bena nashishe hada asho qofan kumidi otorettes.

2ጺምቶሳስ 3:13

Iita baleththiza asati bees balettidi asa baleththishe iitatetha bolla iitateth gujji gujji baana.

2ጺምቶሳስ 4:4

Tuma siyanape ba haythe haraso zaaradi haysu7e bagga simmana.

ያቆቤ ኪታ 3:15

Hiini mala eratethiya salloppe gidiku. Hina qasse biittafe; ashopene xala7eppekko.

1ጴጽሮሳ ኪታ 1:20

Izi erettiday hayssi alamezi medhetanape kase gidishin ha7i qass wursetha woden intes qoncides.

2ጴጽሮሳ ኪታ 2:1

Gido attin beni wode wordo nabeti dereza giddon dizayssa mala hessathoka ha7i inte giddon wordo asttamareti deyandettes. Heytantti asa dhayssiza wordo timirtte qottara diccana mala oothetes. Bena ashshida Godaka kaddidi bena eesson dhayssizazi ba bolla eheetes.

2ጴጽሮሳ ኪታ 3:3

Hara wursofe kasetidi hayssa yuushi qopite. wursetha gallasatan qidhizaytine ba iitta amo kaallishe asa kadhizayti yaana.

1ዮሃኒሳ ኪታ 2:18

Nayto haysi wurisetha sate. Inte siyda mala Kirstosa eqetizadey yaana. Ha7ikka Kirstosara eqetiza daroti yida. Haysi wurisetha sate gididaysa nu hayssan eros.

1ዮሃኒሳ ኪታ 4:6

Nu qasse Xoossa bagakko, Xoosu erizay nu gizaz siyana shin Xoossa baga gidontadey gidiko nu gizaz siyena. Tumma ayananne wordo ayana nu shakki erizay hayssankko.

ዩሁዳ ኪታ 1:18

Istti “Wode wurisethan Xoossa shenepe haakidayti berika ba iitta amo kaallishe ase qidhizayti yaana” giidi intes kase yooti wothida.

ዩሁዳ ኪታ 1:4

Istta bolla piridistanayssi daro wodepe kase istta gish xafetida asati inteko kolixxi gelida. Heytantti xoossu eronttayta, nu Goda kiyatetha coo mela laammizaytane Xoossa goynotaytako. Izi berika nuna haarizayssane nuusi Goda gidida Yesus kiristoosaka kadettes.

ዮሃኒሳ ኣጁታ 13:14

Izi koyro do7aza sinthan malata oothana mala izas imettida malata geedon biitta bolla diza asa izi balethides. Mashshan madunxxidi paxida do7aza bonchos misile oothana mala biitta bolla diza asa wursi izi azazana.

ዮሃኒሳ ኣጁታ 16:14

Heyti qass malatata oothiza daydantha ayanatakko. Heyti ayanati wuris danda7iza Goda gita gallas hanana olas asa shiishanas alame Kawoti dizaso wuriso baana.

ዮሃኒሳ ኣጁታ 18:2

Izi qass dhoqa qaalan hizgi woossides “Gita Babilooneya kundadus! Kundadus! Kundadus! daydantha duussa so gidadus! tuna ayanatas aqoso gidadus! haariza iitta kapotas shempo so gidadus.

ዮሃኒሳ ኣጁታ 18:23

Tama po7oy hayssafe guye nenan po7ana. Addane macca mishira qaalay hayssape guye nenan siyettana. Ne zal7anchati kase alamen erettidaytakko. Neni qass asa ubbaa muurunon balethadasa.

ዮሃኒሳ ኣጁታ 19:20

Gido attin he do7azi oykettides. Kase izara daro malata oothida wordo nabeyka izara oykettides. Izi qass he do7aza malatay istta bolla dizaytane he do7aza misilezas goynidaytane gita malatata oothi oothidi istta balethishe gami7ides. Heyti nam7ati diine geetettiza taman exiza tama abban hayqqontta paxa dishe yegettida.

ዮሃኒሳ ኣጁታ 2:11

“Ayanay woossa keethatas gizayssa haythey diza uray siyo! xoonida uray nam7antho hayqon qohettena.

ዮሃኒሳ ኣጁታ 2:17

Ayanay woossa keethatas gizayssa haythey diza uray siyo! xoonida uras ta qotan diza man7afe immana. Iza bolla oratha sunthi xaafettida bootha shuchuka izas ta immana. Hessaka ekkidadefe attin hara uray oonka erenna.

ዮሃኒሳ ኣጁታ 2:29

Ayanay woossa keethatas gizayssa haythey dizay wuri siyo.

ዮሃኒሳ ኣጁታ 2:7

“Ayanay woossa keethatas gido” geetettizayssa haythey diza urey wurikka siyo. Xoonida uray Xoossa ganate giddon diza deyo miththa ayfe maana mala ta oothana.

ዮሃኒሳ ኣጁታ 20:10

Kase istta balethida dabulosay he do7azine wordo nabezi dizaso diinen exxiza tama abbagiddon yegettida. Istti heen qamane galas medhinape medhiana gakanas xuugistana.

ዮሃኒሳ ኣጁታ 20:8

Alame bolla diza heytika googene magoge geetettizayta balethanasine istta olas ekki baanas kezana; heytantta qooday abba achchan diza ace malakko.

ዮሃኒሳ ኣጁታ 3:13

Ayanay woossa keethatas yootizayssa haythey dizadey siyo.

ዮሃኒሳ ኣጁታ 3:22

Ayanay woossa keethatas gizayssa haythey dizay siyo.

ዮሃኒሳ ኣጁታ 3:6

“Ayanay woossa keethatas gizayssa haythey dizadey siyo.

ዮሃኒሳ ኣጁታ 9:20

Hayta ha bochatan hayqope attida asa zereththati kase ba oothida iitta oothope simmidi maarotethan gelibeyttena. Daydanthas worqapene birape, xariqimalape, shuchafene, miththafe, oothettida xeelanas woykko haythen siyanas woykko hamuttanas danda7ontta eeqatas goyno aggibeyttena.